ADផ្ទាំងផ្សព្វផ្សាយពាណិជ្ជកម្ម

Picture

ចេញពី​ពន្ធនាគារ​មិន​ទាន់បាន​​ពីរ​ឆ្នាំ​ស្រួលបួល​ផង ត្រូវ​សមត្ថកិច្ច​ចាប់​ទៀត ករណី​គ្រឿងញៀ.ន​ដដែល

2 ថ្ងៃ មុន

រាជធានី​ភ្នំពេញ ៖ សមត្ថកិច្ច​ឃាត់ខ្លួន​ជនសង្ស័យ​ម្នាក់ ដែល​ទើបតែ​ចេញពី​ពន្ធនាគារ​វិញ មិន​ចោល​មុខរបរ​ចាស់ ក៏​ត្រូវ​សមត្ថកិច្ច​ឃាត់ខ្លួន​ម្តងទៀត ។ ការ​ឃាត់ខ្លួន​នេះ​ដែរ ធ្វើ​ឡើង​កាលពី​វេលា​ម៉ោង​០៧​និង​៥០​នាទី​យប់​ថ្ងៃ​ទី​៣១ ខែមីនា…

រាជធានី​ភ្នំពេញ ៖ សមត្ថកិច្ច​ឃាត់ខ្លួន​ជនសង្ស័យ​ម្នាក់ ដែល​ទើបតែ​ចេញពី​ពន្ធនាគារ​វិញ មិន​ចោល​មុខរបរ​ចាស់ ក៏​ត្រូវ​សមត្ថកិច្ច​ឃាត់ខ្លួន​ម្តងទៀត ។

ការ​ឃាត់ខ្លួន​នេះ​ដែរ ធ្វើ​ឡើង​កាលពី​វេលា​ម៉ោង​០៧​និង​៥០​នាទី​យប់​ថ្ងៃ​ទី​៣១ ខែមីនា ឆ្នាំ​២០២៥ នៅ​ចំណុច​មុខ​ផ្ទះ​គ្មាន​លេខ ផ្លូវ​បេតុង ភូមិ​ដើម​ចាន់ សង្កាត់​ច្បារ​អំពៅ​២ ខណ្ឌ​ច្បារ​អំពៅ រាជធានី​ភ្នំពេញ ។

ជនសង្ស័យ​ឈ្មោះ យ៉ា​ន ប្រុស​ដែន ភេទ​ប្រុស អាយុ​១៨​ឆ្នាំ ជនជាតិ​ខ្មែរ មុខរបរ​មិន​ពិតប្រាកដ មាន​ទីលំនៅ​ភូមិ​ដើម​ចាន់ សង្កាត់​ច្បារ​អំពៅ​២ ខណ្ឌ​ច្បារ​អំពៅ រាជធានី​ភ្នំពេញ (​ធ្លាប់​ជាប់​ពន្ធនាគារ​កាលពី​ឆ្នាំ​២០២៣ ករណី​ជួញដូរ​ដោយ​ខុសច្បាប់​នូវ​សារធាតុ​ញៀន​) ។

លោក​វរសេនីយ៍ត្រី អុំ រតនា នាយ​ប៉ុស្តិ៍​ច្បារ​អំពៅ​ទី​០២ បាន​ប្រាប់​ថា ដោយ​កាលពី​វេលា​ម៉ោង​០៧ និង​៥០​នាទី​យប់​ថ្ងៃ​ទី​៣១ ខែមីនា ឆ្នាំ​២០២៥ លោក​បានអោយ​មន្ត្រី​ប៉ុស្តិ៍​ច្បារ​អំពៅ​ទី​២ ល្បាត​ក្នុង​មូលដ្ឋាន លុះ​ធ្វើ​ដំណើរ​មក​ដល់​ចំណុច​មុខ​ផ្ទះ​គ្មាន​លេខ ផ្លូវ​បេតុង ភូមិ​ដើម​ចាន់ សង្កាត់​ច្បារ​អំពៅ​២ ខណ្ឌ​ច្បារ​អំពៅ ក៏​ប្រទះ​ឃើញ​ជនសង្ស័យ​ម្នាក់ ដែល​ជា​មុខសញ្ញា​ជួញដូរ​គ្រឿងញៀន​យ៉ាង​សកម្ម និង​ធ្លាប់​ជាប់​ធានា​គារ ទើបនឹង​ចេញ​មក​វិញ ភ្លាម​ៗ​នោះ សមត្ថកិច្ច​បាន​ធ្វើការ​ស្ទាក់ ត្រួតពិនិត្យ​រក​ឃើញ ក្រាម​ពណ៌​ស​ថ្លា ចំនួន ០២​កញ្ចប់​ថង់​តូច ដែល​ជនសង្ស័យ​លាក់​នៅ​ខ្លួន ក៏​ឃាត់ខ្លួន​ជនសង្ស័យ​យក​ទៅ​កាន់​ប៉ុស្តិ៍ ដើម្បី​សួរនាំ​តែ​ម្តង ។

បច្ចុប្បន្ន ជនសង្ស័យ​ខាងលើ ត្រូវ​បាន​កម្លាំង​នគរបាល​ប៉ុស្តិ៍​ច្បារ​អំពៅ​ទី​០២ កសាង​សំណុំរឿង​បញ្ជូន​ទៅ​កាន់​តុលាការ​ចាត់​តាម​នីតិវិធី ៕

អត្ថបទសរសេរ ដោយ

កែសម្រួលដោយ