កម្ពុជាទំហំពាណិជ្ជកម្មទេ្វរភាគីកម្ពុជា និងអាមេរិក មានតែ១០,១៨ពាន់លានដុល្លារ ប៉ុណ្ណោះ នៅឆ្នាំ២០២៤ នៅក្នុងនោះកម្ពុជានាំចេញទៅអាមេរិក មានតម្លៃ៩,៩ពាន់លានដុល្លារ ហើយនាំចូលមកវិញ គឺជាង២៦៤លានដុល្លារ ។…
កម្ពុជាទំហំពាណិជ្ជកម្មទេ្វរភាគីកម្ពុជា និងអាមេរិក មានតែ១០,១៨ពាន់លានដុល្លារ ប៉ុណ្ណោះ នៅឆ្នាំ២០២៤ នៅក្នុងនោះកម្ពុជានាំចេញទៅអាមេរិក មានតម្លៃ៩,៩ពាន់លានដុល្លារ ហើយនាំចូលមកវិញ គឺជាង២៦៤លានដុល្លារ ។ នេះបើតាមស្ថិតិកត់ត្រាដោយកម្ពុជា ។
តួលេខនេះ តំណាងអោយត្រឹមជាង៣០ភាគរយនៃការនាំចេញរបស់កម្ពុជា តម្លៃជាង២៦ ពាន់លានដុល្លារប៉ុណ្ណោះ ។ ផ្អែកតាមទឡ្ហីករណ៍បែបនេះ តើការកំណត់ពន្ធនេះអាចធ្វើឲ្យសេដ្ឋកិច្ចកម្ពុជា ឬការនាំចេញរបស់កម្ពុជាដួលរលំឬទេ?
ជាការពិត ការកំណត់ពន្ធរបស់សហរដ្ឋអាមេរិកនឹងបង្កផលប៉ះពាល់ដល់ការធ្វើពាណិជ្ជកម្មរវាងកម្ពុជា និងអាមេរិក ប៉ុន្តែវាប្រហែលជាមិនអាចធ្វើឲ្យសេដ្ឋកិច្ច ជាពិសេស គឺការនាំចេញដួលរលំបានឡើយ ។
ផ្អែកតាមស្ថិតិដែលកត់ត្រា ដោយកម្ពុជាការនាំចេញសរុបរបស់កម្ពុជាទៅកាន់សហរដ្ឋអាមេរិក គឺធំមែន ហើយអាមេរិក គឺជាទីផ្សារធំជាងគេរបស់កម្ពុជា ប៉ុន្តែទោះបីជាយ៉ាងណាក៏ដោយ អាមេរិកមិនមែនជាទីផ្សារតែមួយរបស់ទំនិញកម្ពុជាឡើយ ។
ក្រៅពីអាមេរិកកម្ពុជានៅមានទីផ្សារធំៗផ្សេងទៀត ដែលរួមមានដូចជា ក្រុមប្រទេសដែលជាសមាជិកនៃកិច្ចព្រមព្រៀងពាណិជ្ជកម្មភាពជាដៃគូសេដ្ឋកិច្ចគ្រប់ជ្រុងជ្រោយថ្នាក់តំបន់ ដែលហៅថា RCEP នៅមានអាស៊ាន ចិន និងសហគមន៍អឺរ៉ុប ។
ស្ថិតិខាងកម្ពុជាបានបង្ហាញថា កាលពីឆ្នាំ២០២៤ កម្ពុជាមានការនាំចេញសរុប២៦,៦ពាន់លានដុល្លារ នៅក្នុងនោះអាមេរិកមានទំហំ៣៧,១៩ភាគរយ តែ RCEP ក៏ធំដែរ គឺប្រមាណជាជិត៣៤ភាគរយដែរ ក្រៅពីនោះនៅមានអាស៊ាន១៩ភាគរយ សហគមន៍អឺរ៉ុប១៦,៥៥ ភាគរយ និងចិន៦,៥៦ភាគរយថែមទៀត ។
ផ្អែកតាមមូលដ្ឋាននៃស្ថិតិនេះបង្ហាញថា ការកំណត់ពន្ធថ្មីរបស់សហរដ្ឋអាមេរិកមកលើកម្ពុជាដែលនឹងចូលជាធរមាននៅរង្វង់ថ្ងៃទី៩ ខែមេសា ខាងមុខនេះ គឺជាង៣៧ភាគរយប៉ុណ្ណោះ ។
នៅក្នុងស្ថានភាពនេះ រោងចក្រណាដែលបានទទួលការបញ្ជាទិញ ឬមានគោលដៅនាំចេញទៅអាមេរិក វាពិតជានឹងប្រឈមមុខ ខណៈដែលរោងចក្រនាំចេញទៅប្រទេសផ្សេងៗ គឺនៅតែដំណើរការជាធម្មតា ប៉ុន្តែយើងជឿជាក់ថា រដ្ឋាភិបាលនឹងមិនបណ្តោយឲ្យទីផ្សារនៅអាមេរិកបិទទាំងស្រុងឡើយ ។
ម្យ៉ាងវិញទៀត កម្ពុជាក៏មិនសម្ងំស្ងៀមទទួលបញ្ហាបែបនេះដែរ ។ យន្តការឆ្លើយតបមួយនឹងកំណត់ចេញ ហើយយើងសង្ឃឹមថា យើងអាចនឹងមានមធ្យោបាយបន្តអភិវឌ្ឍន៍ប្រទេសយើងបន្ថែមទៀត ៕
ចែករំលែកព័តមាននេះ