រាជធានីភ្នំពេញ ៖ សម្តេចតេជោ ហ៊ុន សែន ប្រមុខរដ្ឋស្តីទីបានចេញព្រះរាជក្រឹត្យតែងតាំង លោក ជួន កក្កដាអតីតព្រះវិន័យធម៌គណខេត្តតាកែវ ជាអនុរដ្ឋលេខាធិការក្រសួងធម្មការ…
រាជធានីភ្នំពេញ ៖ សម្តេចតេជោ ហ៊ុន សែន ប្រមុខរដ្ឋស្តីទីបានចេញព្រះរាជក្រឹត្យតែងតាំង លោក ជួន កក្កដាអតីតព្រះវិន័យធម៌គណខេត្តតាកែវ ជាអនុរដ្ឋលេខាធិការក្រសួងធម្មការ និងសាសនា ។ នេះបើតាមព្រះ រាជក្រឹត្យកាលពីថ្ងៃ២៨ មីនា ប៉ុន្តែទើបតែចេញផ្សាយ ផ្លូវកា រនៅថ្ងៃ៤ មេសា ។
សូមរំលឹកថា លោក ជួន កក្កដា អតីតព្រះវិន័យធម៌គណខេត្តតាកែវ បានលាចាកសិក្ខា បទក្នុ ងនាមជាព្រះវិន័យធម៌កាលពីថ្ងៃ១៩ មីនា បន្ទាប់ពីបួសជាព្រះសង្ឃជាង ២៧ព្រះវស្សាដែល ការលាចាកសិក្ខាបទបានធ្វើឲ្យសាធារណជនភ្ញាក់ផ្អើលយ៉ាងខ្លាំង។
ក្រោយពីលាចាកសិក្ខាបទប៉ុន្មានថ្ងៃក្រោយមកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីគ្រោងនឹងទូលស្នើព្រះករុណា ព្រះមហាក្សត្រ តែងតាំងបណ្ឌិត ជួន កក្កដា អតីតព្រះស ង្ឃនៅវត្តប្រាសាទនាងខ្មៅ ខេត្តតាកែវ ជាអនុរដ្ឋលេខាធិការក្រសួងធម្មការ និងសាសនា ។
ជាមួយគ្នានោះដែរសម្តេចមហាបវរធិបតី ស្នើពុទ្ធសាសនិក បន្តគាំទ្រចំពោះគម្រោងជួយវិស័យពុទ្ធសាសនា ដែលផ្ដួចផ្ដើមដោយអតីតព្រះតេជគុណ ជួន កក្កដា ដើម្បីជាប្រយោជន៍ដល់វិស័យពុទ្ធសាសនា និងជួយកុមារជំនាន់ក្រោយដែលសិក្សានៅពុទ្ធិកសិក្សា ។
សម្តេចមហាបវរធិបតី គូសបញ្ជាក់ថា «ចឹងសូមឱ្យលោកតា លោកយាយ អ៊ុំ ពូ មីង អ្នកគាំទ្រជួន កក្កដា កុំមានការយល់ច្រលំ ហើយប្រព័ន្ធខ្ញុំក៏គាត់ជឿខ្ញុំហើយថា អត់មានបង្ខំលោកទេ ។ គឺសម្រេចតាមរបស់ប្អូនបណ្ឌិត ជួន កក្កដា ដែលលោកចង់បានបន្ដការងារជួយទៅដល់សាសនាជួយដល់សង្គមជាតិ ប៉ុន្ដែគ្រាន់តែប្ដូរផ្លូវពុទ្ធចក្រទៅក្នុងផ្លូវអាណាចក្រ ហើយយើងនឹងបន្តផ្ដល់ឱកាសឱ្យលោកបណ្ឌិត បន្ដចូលរួម ដើម្បីជួយកសាងពង្រឹងព្រះពុទ្ធសាសនា ដែលជាមូលដ្ឋានសម្រាប់សង្គមជាតិយើងបន្ដទៀត» ៕
ចែករំលែកព័តមាននេះ