ខេត្តព្រះសីហនុ ៖ នៅព្រឹកថ្ងៃ០៨ ខែវិច្ឆិកា ឆ្នាំ២០១៧ នេះនគរបាលចរាចរណ៍ខេត្តព្រះសីហនុ បានបញ្ជូនជនសង្ស័យដែលជាជនជាតិចិនមួយរូបឈ្មោះ HAO LAlPING អាយុ៤២ឆ្នាំ…
ខេត្តព្រះសីហនុ ៖ នៅព្រឹកថ្ងៃ០៨ ខែវិច្ឆិកា ឆ្នាំ២០១៧ នេះនគរបាលចរាចរណ៍ខេត្តព្រះសីហនុ បានបញ្ជូនជនសង្ស័យដែលជាជនជាតិចិនមួយរូបឈ្មោះ HAO LAlPING អាយុ៤២ឆ្នាំ ជាវិស្វករសំណង់ មកធ្វើការនៅក្នុងប្រទេសកម្ពុជា ជាប់ពាក់ព័ន្ធនឹងបទល្មើសបង្កគ្រោះថ្នាក់ចរាចរណ៍រវាងរថយន្ត និងរថយន្តនៅលើផ្លូវជាតិលេខ៤ក្នុងឃុំតានៃ ស្រុកព្រៃនប់ ខេត្តព្រះសីហនុ ។
លោកឧត្តមសេនីយ៍ត្រី អ៊ី សុខា ស្នងការរងនគរបាលខេត្តព្រះសីហនុឱ្យដឹងថា គ្រោះថ្នាក់ ចរាចរណ៍នេះកើតឡើងលើផ្លូវជាតិលេខ៤ចន្លោះគីឡូម៉ែត្រ១៥៧-១៥៨ ស្ថិតនៅភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ កាលពីម៉ោង១និង៣៩រសៀល ថ្ងៃទី៦ ខែវិច្ឆិកា ឆ្នាំ២០១៧ រវាងរថយន្តនឹងរថយន្តទិសដៅបញ្ច្រាសគ្នា គឺរថយន្តម៉ាក High Lander ពណ៌ស្ក ស្លាកលេខ ភ្នំពេញ ២AG-០១១៤ មានទិសដៅទៅក្រុងព្រះសីហនុបើកបរដោយឈ្មោះ HAO LAIPING ភេទប្រុស អាយុ៤២ឆ្នាំ ជនជាតិចិន ស្នាក់នៅខេត្តព្រះសីហនុ បុកប៉ះជាមួយរថយន្តម៉ាក High Lander ពណ៌ស្លែ ស្លាកលេខ ភ្នំពេញ ២AQ-៣១៣៦ បើកបរដោយឈ្មោះ យឹម វុទ្ធី ភេទប្រុស អាយុ៣៩ឆ្នាំ មុខរបរបើកបរមានទីលំនៅភូមិព្រៃព្រីង សង្កាត់ចោមចៅ រាជធានីភ្នំពេញ និងមានអ្នករួមដំណើរម្នាក់ឈ្មោះ NGUYENXUANBINH ភេទប្រុស អាយុ៤៨ឆ្នាំ ជនជាតិវៀតណាម មានទីលំនៅទីក្រុងហាណូយ ប្រទេសវៀតណាម(រងរបួសធ្ងន់) ៕
ចែករំលែកព័តមាននេះ