ខេត្តកំពង់ស្ពឺ ៖ បុរសមិនស្គាល់អត្តសញ្ញាណម្នាក់ត្រូវប្រជាពលរដ្ឋប្រទះឃើញដេកស្លាប់ទាំងមិនមានសម្លៀកបំពាក់បង្កឲ្យមានការភ្ញាក់ផ្អើលដល់សមត្ថកិច្ចចុះទៅពិនិត្យស្រាវជ្រាវរកក្រុមគ្រួសារ ករណីនេះកើតឡើងកាលពីវេលាម៉ោង៣ទៀបភ្លឺនៅថ្ងៃទី៣១ ខែតុលា ឆ្នាំ២០១៧ ស្ថិតនៅភូមិដីអំបិល ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ…
ខេត្តកំពង់ស្ពឺ ៖ បុរសមិនស្គាល់អត្តសញ្ញាណម្នាក់ត្រូវប្រជាពលរដ្ឋប្រទះឃើញដេកស្លាប់ទាំងមិនមានសម្លៀកបំពាក់បង្កឲ្យមានការភ្ញាក់ផ្អើលដល់សមត្ថកិច្ចចុះទៅពិនិត្យស្រាវជ្រាវរកក្រុមគ្រួសារ ករណីនេះកើតឡើងកាលពីវេលាម៉ោង៣ទៀបភ្លឺនៅថ្ងៃទី៣១ ខែតុលា ឆ្នាំ២០១៧ ស្ថិតនៅភូមិដីអំបិល ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
ព័ត៌មានពីសមត្ថកិច្ចស្រង់សំដីសាក្សីបានឲ្យដឹងថា សពជនរងគ្រោះត្រូវបានប្រជាពលរដ្ឋ ប្រទះឃើញដេកស្លាប់នៅលើដងផ្លូវ បង្កឲ្យមានការភ្ញាក់ផ្អើលដល់អ្នកដំណើរ និងអ្នករស់នៅក្បែរកន្លែងកើតហេតុ ។ ប្រជាពលរដ្ឋបានរាយការណ៍មកសមត្ថកិច្ច នគរបាលស្រុក ចុះទៅពិនិត្យដើម្បីស្រាវជ្រាវរកមូលហេតុនៃការស្លាប់របស់ជនរងគ្រោះ។
ក្រោយពិនិត្យនៅលើសពគ្មានសំលៀកបំពាក់ និងមានស្នាមរបួសលើដងខ្លួន ជនរងគ្រោះមិនត្រូវបានស្គាល់អត្តសញ្ញាណឡើយ រហូតមកដល់ពេលនេះសមត្ថកិច្ចបានរក្សាទុកនៅក្បែកន្លែងកើតហេតុរង់ចាំការស្រាវជ្រាវរកក្រុមគ្រួសារឃើញ ។
ប្រជាពលរដ្ឋបាននិយាយគ្នាថា ជនរងគ្រោះអាចជាមនុស្សនៅក្រៅតំបន់កំពង់ស្ពឺ ហើយអាចមានរឿងអ្វីមួយត្រូវជនដៃដល់ក្រុមណាមួយសម្លាប់ ហើយយកមកបោះចោលនៅទីនេះ ។ ដោយឡែកអ្នកខ្លះទៀតថាជនរងគ្រោះស្លាប់ ដោយសារគ្រោះថ្នាក់ចរាចរណ៍ មិនមែនជារឿងឃាតកម្មឡើយ ។ ទោះមានការលើកឡើងបែបខុសៗគ្នាក្តីក៏មិនទាន់អាចកាត់សក្តីថាជនរងគ្រោះស្លាប់ដោយសារករណីអ្វីឲ្យប្រាកដដែរ រង់ចាំការស្រាវជ្រាវ របស់សមត្ថកិច្ចជាមុនសិន ទើបអាចដឹងថាជនរងគ្រោះស្លាប់ដោយសារកត្តាអ្វី ៕
ចែករំលែកព័តមាននេះ