ខេត្តស្ទឹងត្រែង ៖ គ្រឿងញៀនជាង៤១គីឡូក្រាម ដែលជាវត្ថុតាងចាប់យកពីជនល្មើស ក្រោយកម្លាំងសមត្ថកិច្ចនគរបាល និងកងរាជអាវុធហត្ថ ធ្វើការបង្ក្រាប និងកសាងសំណុំរឿងបញ្ជូនទៅអយ្យការអមសាលាដំបូងនាពេលកន្លងមក ត្រូវបានតុលាការបើកសាវនាការជំនុំជម្រះសម្រេចសាលដីកា សាលក្រម…
ខេត្តស្ទឹងត្រែង ៖ គ្រឿងញៀនជាង៤១គីឡូក្រាម ដែលជាវត្ថុតាងចាប់យកពីជនល្មើស ក្រោយកម្លាំងសមត្ថកិច្ចនគរបាល និងកងរាជអាវុធហត្ថ ធ្វើការបង្ក្រាប និងកសាងសំណុំរឿងបញ្ជូនទៅអយ្យការអមសាលាដំបូងនាពេលកន្លងមក ត្រូវបានតុលាការបើកសាវនាការជំនុំជម្រះសម្រេចសាលដីកា សាលក្រម និងដីការបស់ចៅក្រមស៊ើបសួរ នៃសាលាដំបូងខេត្តទាំង៤ រួមមានខេត្តស្ទឹងត្រែង ខេត្តក្រចេះ ខេត្តរតនៈគិរី និងខេត្តមណ្ឌលគិរី ដើម្បីដុតបំផ្លាញចោល ។ ការដុតបំផ្លាញចោលនូវគ្រឿងញៀនខុសច្បាប់ខាងលើ បានឯភាពចូលរួមចំនួន៤ខេត្តនាព្រឹកថ្ងៃទី៣១ ខែតុលា ឆ្នាំ២០១៧ ដែលខេត្តស្ទឹងត្រែងជាម្ចាស់ផ្ទះ បានធ្វើឡើងនៅបរិវេណទីធ្លាព្រលានយន្តហោះខេត្តស្ទឹងត្រែង ក្រោមការអញ្ជើញជាគណៈអធិបតីលោក អង្គវង្ស វឌ្ឍានា រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការបង្ការទប់ស្កាត់ និងបង្ក្រាបគ្រឿងញៀនខុសច្បាប់តាមច្រក លោក ម៉ម សារឿន អភិបាល នៃគណៈអភិបាលខេត្តស្ទឹងត្រែង លោក ប៉ុក ម៉ាន់នី អនុរដ្ឋលេខាធិការក្រសួងយុត្តិធម៌ លោកឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ និងជាអាជ្ញាធរជាតិប្រយុទ្ធប្រឆាំងគ្រឿងញៀន លោក ជា សារិន អគ្គមេបញ្ជាការរងកងរាជអាវុធហត្ថលើផ្ទៃប្រទេសទទួលការងារគ្រឿងញៀន អភិបាល អភិបាលរងខេត្តរតនៈគិរី ខេត្តក្រចេះ និងខេត្តមណ្ឌលគិរី លោកប្រធាន លោកព្រះរាជអាជ្ញា នៃសាលាដំបូងខេត្តទាំង៤ មន្ត្រីរាជការ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋជាច្រើនកុះករផងដែរ ៕
ចែករំលែកព័តមាននេះ