រាជធានីភ្នំពេញ ៖ អគ្គនាយិការរងរដ្ឋាករទឹកស្វយ័តភ្នំពេញ កាលពីថ្ងៃទី២៧ ខែតុលា ឆ្នាំ២០១៧ កន្លងទៅនេះបានបន្តចុះផ្សព្វផ្សាយអំពីតម្លៃទឹកថ្មីជូនដល់ប្រជាពលរដ្ឋដែលកំពុងរស់នៅភូមិព្រែកតាគង់ សង្កាត់ព្រែកតាសេក ខ័ណ្ឌជ្រោយចង្វារ រាជធានីភ្នំពេញ…
រាជធានីភ្នំពេញ ៖ អគ្គនាយិការរងរដ្ឋាករទឹកស្វយ័តភ្នំពេញ កាលពីថ្ងៃទី២៧ ខែតុលា ឆ្នាំ២០១៧ កន្លងទៅនេះបានបន្តចុះផ្សព្វផ្សាយអំពីតម្លៃទឹកថ្មីជូនដល់ប្រជាពលរដ្ឋដែលកំពុងរស់នៅភូមិព្រែកតាគង់ សង្កាត់ព្រែកតាសេក ខ័ណ្ឌជ្រោយចង្វារ រាជធានីភ្នំពេញ ។ មានចំនួន១៤៧ បណ្តាញ ក្នុងនោះបងប្អូនប្រជាជនចំនួន២៧គ្រួសារទទួលបានការឯក ភាពចូលរួមស្តាប់ការផ្សព្វផ្សាយ ហើយបានលើកឡើងនូវចម្ងល់និង សំណួរជាច្រើននិងដោះស្រាយ។
លោកស្រី ងិន ចន្ទ្រា អគ្គនាយិការងនៃអគ្គនាយកដ្ឋានទឹកស្វយ័តក្រុងភ្នំពេញ ទទួលបន្ទុក ការងារអាជីវកម្មបានប្រាប់ប្រជាពលរដ្ឋថា ការផលិតទឹកស្អាតរបស់អគ្គនាយក ដ្ឋានគឺមាន គុណភាពអាច ពិសារដោយផ្ទាលពីក្បាលរ៉ូប៊ីណេ ដោយមិនប៉ះពាល់ដល់សុខភាពនោះទេ ហើយមានតម្លៃទាប ជាងថ្លៃដើមផលិតទៅតាមការប្រើប្រាស់ជាក់ ស្តែង ។
លោកស្រី ងិន ចន្ទ្រា បានបញ្ជាក់ថា អំពីតម្លៃទឹកស្អាតដែលរដ្ឋាករទឹកស្វយ័តក្រុង ភ្នំពេញដាក់ឲ្យអនុវត្តន៍ពីថ្ងៃទី១៥ ខែឧសភា ឆ្នាំ២០១៧នោះ គឺមានតម្លៃប្រែប្រួលទៅតាម បរិមាណប្រើប្រាស់ក្នុងនោះបើបរិមាណប្រើប្រាស់មិនលើសពី៣ម៉ែត្រគីបក្នុងមួយខែ គឺមានតម្លៃ ៤០០រៀលក្នុងមួយម៉ែត្រគីប ។ បើបរិមាណប្រើប្រាស់មិនលើសពី៧ម៉ែត្រគីបក្នុងមួយខែគឺមានតម្លៃ៥០០រៀលក្នុងមួយម៉ែត្រគីប។ បរិមាណប្រើប្រាស់មិនលើសពី១៥ម៉ែត្រគីបគឺ មានតម្លៃ៧៧០រៀលក្នុងមួយម៉ែត្រគីប ។ បរិមាណមិនលើសពី៥០ម៉ែត្រគីបគឺតម្លៃ១០១០រៀល ក្នុងមួយម៉ែត្រគីប ។ ហើយបើលើសពី៥០ម៉ែត្រគីបគឺមានតម្លៃ១.២៧០រៀលក្នុងមួយម៉ែត្រគីប ។
លោកស្រីអគ្គនាយិការរូបនោះបានបន្ថែមថា ចំពោះស្ថាប័នរដ្ឋនិងតំណាងចែកចាយគឺ គ្រប់បរិមាណប្រើប្រាស់ទាំងអស់មានតម្លៃ១០៣០រៀលក្នុងមួយម៉ែត្រគីប ។ ដោយឡែកទីតាំង អាជីវកម្ម សេវាកម្ម ឧស្សាហកម្ម អង្គភាពស្វយ័ត និងអ្នកលក់បន្តគឺមានតម្លៃតាមបរិមាណ ប្រើប្រាស់ដូចជា បើប្រើប្រាស់មិនលើសពី១០០ម៉ែត្រគីប មានតម្លៃ៩៥០រៀល ក្នុងមួយម៉ែត្រគីប ។ បើប្រើប្រាស់ ពី១០១ដល់២០០ម៉ែត្រគីប មានតម្លៃ១.១៥០រៀលក្នុងមួយម៉ែត្រគីប ។ បើប្រើប្រាស់ពី២០១ដល់ ៥០០ម៉ែត្រគីប មានតម្លៃ១.៣៥០រៀលក្នុងមួយម៉ែត្រគីប ។ ចំណែកការប្រើប្រាស់លើសពី៥០០ ម៉ែត្រគីបឡើងទៅ គឺមានតម្លៃ១.៤៥០រៀលក្នុងមួយ ម៉ែត្រគីប ។
លោកស្រីក៏បានបញ្ជាក់ជូនប្រជាពលរដ្ឋឲ្យបានយល់ផងដែរអំពីតម្លៃ ប្រើប្រាស់ទឹកដូចករណីខាងលើនិងកុំមានការភ័នច្រឡំថា តម្លៃទឹកមានការកើនឡើង ខណ ដែលតម្លៃទឹកថ្មីនេះ មានតម្លៃទាបជាងថ្លៃដើមផលិតតាមការប្រើប្រាស់ជាក់ស្តែង លើតម្លៃដើម ផលិត៩៨០រៀលក្នុងមួយម៉ែត្រគីប ។
ចែករំលែកព័តមាននេះ