ក្នុងពេលឆាប់ៗនេះ រោងកុនដ៏ថ្មីសន្លាងមួយនឹងត្រៀមបើកទ្វារនៅក្នុងផ្សារកុងតឺន័រ មួយឈ្មោះថា ផ្សារកុងតឺន័រ 2040 សាងសង់លើទឹកដីជិត២ហិកតា ដែលចាត់ទុកជាផ្សារកុងតឺន័រដ៏ធំជាងគេនៅទីក្រុងភ្នំពេញ មានទីតាំងនៅចំកណ្តាលទីក្រុងនៅទីប្រជុំជន ស្ថិតលើផ្លូវសុធារស ជិតផ្សារទំនើប អ៊ីអនម៉លទី1 និងនៅជិតទីក្រុងកោះពេជ្រ ដែលបង្កើតឡើងដោយអ្នកជំនួញជនជាតិខ្មែរ និង សិង្ហបុរី ។
រោងកុនថ្មីដ៏ថ្មីសន្លាងនេះ នឹងបើកនៅក្នុងផ្នែកមួយក្នុងចំណោមផ្នែកទាំង៤របស់ផ្សារកុងតឺន័រ 2040 ដែលមានឈ្មោះថា ផ្នែក Chill Zone ដែលជាផ្នែកមានបំពាក់ម៉ាស៊ីនត្រជាក់ អមដោយហាងទំនើបៗជាច្រើន ។ បើនិយាយពីការរចនាក្នុងរោងកុនវិញ មានសភាពខុសប្លែកពីរោងកុនដទៃទៀតក្នុងរាជធានីភ្នំពេញ ដោយសារតែរោងកុនទាំងមូលនឹងត្រូវធ្វើឡើងនៅក្នុងកុងតឺន័រតែម្តង ជាមួយនឹងកៅអីអង្គុយប្រកបដោយផាសុកភាព និងប្រព័ន្ធបំពងសំលេង (Sound System) ទំនើបទាន់សម័យ ដូច្នេះបងប្អូនទាំងអស់ដែលចូលទស្សនាខ្សែភាពយន្តច្បាស់ជាមានភាពប្លែកភ្នែកមិនខាន ។ រោងកុនរបស់ផ្សារកុងតឺន័រ 2040 នឹងមានបញ្ចាំងខ្សែភាពយន្តខ្មែរ និងភាពយន្តបរទេសថ្មីៗជាមួយតម្លៃពិសេសសមរម្យផងដែរ ។
បច្ចុប្បន្ននេះ គម្រោងផ្សារកុងតឺន័រនេះ កំពុងតែចាប់ផ្តើមការសាងសង់ ហើយនឹងឈានទៅបញ្ចប់នៅក្នុងខែវិច្ឆិកាខាងមុខ ។ រហូតមកដល់ពេលនេះ មានអតិថិជនជាច្រើនមកធ្វើការកក់តូបរហូតដល់ 80% ចំណែកឯផ្នែកខាង PUB វិញ គឺទទួលបានការកក់ពេញចាប់តាំងពីពេលបើកគំរោងលក់ភ្លាមៗមកម្ល៉េះ ដោយសារតែតូបនៅផ្សារកុងតឺន័រ 2040 មានតម្លៃសមរម្យ ព្រមទាំងទីតាំងល្អ ។ សម្រាប់ចំពោះបងប្អូនអាជីវករដែលមានបំណងចង់ជួលតូបបន្ត សូមមេត្តាទាក់ទងតាមលេខទូរស័ព្ទ 086 40 20 40, 099 204020 & 0889 204020 ។
ចែករំលែកព័តមាននេះ