ខេត្តកំពង់ស្ពឺ ៖ ក្មេងស្រីទើបអាយុ១៥ខែ បានត្រូវលង់ទឹកស្រះ បណ្តាលឱ្យស្លាប់យ៉ាងអាណោចអធម ខណៈម្តាយក៏ជាប់រវល់ដាក់ចំណីឱ្យជ្រូក មិនបានចាប់អារម្មណ៍កូន ធ្វើឱ្យម្តាយស្រែកយំរហូតសន្លប់ ដែលហេតុការណ៍រន្ធត់…
ខេត្តកំពង់ស្ពឺ ៖ ក្មេងស្រីទើបអាយុ១៥ខែ បានត្រូវលង់ទឹកស្រះ បណ្តាលឱ្យស្លាប់យ៉ាងអាណោចអធម ខណៈម្តាយក៏ជាប់រវល់ដាក់ចំណីឱ្យជ្រូក មិនបានចាប់អារម្មណ៍កូន ធ្វើឱ្យម្តាយស្រែកយំរហូតសន្លប់ ដែលហេតុការណ៍រន្ធត់ កើតឡើងកាលពីវេលាម៉ោង០៥ និង១៥នាទីល្ងាចថ្ងៃទី២៧ តុលា ស្ថិតនៅភូមិត្រាញ់វែង ឃុំប្រាំបីមុម ស្រុកថ្ពង ខេត្តកំពង់ស្ពឺ ។
ប្រភពឱ្យដឹងថា ក្មេងស្រីដែលស្លាប់ឈ្មោះ មិន ធានី អាយុ15ខែ បានលង់ទឹកស្រះខាងលិច ផ្ទះចម្ងាយ១៥ម៉ែត្រ ក្នុងភូមិ-ឃុំកើតហេតុ ។ បើតាមម្តាយក្មេងស្រីរងគ្រោះឱ្យដែរថា មុនពេលកើតហេតុ គាត់នៅជាមួួយកូនធម្មតា តែដល់ម៉ោងដាក់ចំណីឱ្យជ្រូកគាត់ក៏ទុកកូននៅក្នុងផ្ទះ ហើយក៏ទៅដាក់ចំណីអោយជ្រូកដូចសព្វដង។
ក្រោយពេលដាក់ចំណីឱ្យជ្រូកហើយ ក៏ទៅរកកូនតែមិនឃើញ ក៏ប្រាប់ឱ្យអ្នកជិតខាងឱ្យជួយរកគ្រប់ទីកន្លែង ។ តែទីបំផុត ក៏ចុះរាវក្នុងស្រះ ក៏ប្រទះឃើញសាកសពតែម្តង។ ម្តាយក្មេងស្រីរងគ្រោះគ្រាន់តែឃើញកូន បានយំស្ទើខ្សោះទឹកភ្នែក ។
ចែករំលែកព័តមាននេះ