តើជំងឺមហារីកកើតឡើងពីអ្វីឲ្យពិតប្រាកដ?
- ភ្នំពេញ
នាំមកជូនដោយ Forte Insurance រាជធានីភ្នំពេញ ៖ ជំងឺមហារីក គឺជាជំងឺកាចសាហាវ តែទោះជាយ៉ាងណាជំងឺមហារីកទាំងអស់ គឺអាចបង្ការប្រកបដោយប្រសិទ្ធភាពខ្ពស់ និងព្យាបាលជាសះស្បើយ…
នាំមកជូនដោយ Forte Insurance
រាជធានីភ្នំពេញ ៖ ជំងឺមហារីក គឺជាជំងឺកាចសាហាវ តែទោះជាយ៉ាងណាជំងឺមហារីកទាំងអស់ គឺអាចបង្ការប្រកបដោយប្រសិទ្ធភាពខ្ពស់ និងព្យាបាលជាសះស្បើយ បើសិនជាប្រជាពលរដ្ឋខ្មែរមានការយល់ដឹងពីការបង្ការ ក៏ដូចជាមកពិនិត្យ និងព្យាបាលបានទាន់ពេលវេលា ។
នៅកម្ពុជាជំងឺមហារីកដែលត្រូវបានរកឃើញថា កើតមានលើស្ត្រីខ្មែរ គឺមានមហារីកមាត់ស្បូន មហារីកសុដន់ មហារីកថ្លើម មហារីកសួត មហារីកពោះវៀនធំ មហារីកក្រអូមមាត់ ។ ចំណែកបុរសវិញ គឺរកឃើញមានកើតច្រើននូវ មហារីកថ្លើម មហារីកសួត មហារីកក្រពះជាដើម ។
លោកសាស្ត្រាចារ្យ អ៊ាវ សុខា ប្រធានផ្នែកជំងឺមហារីកនៃមន្ទីរពេទ្យកាល់ម៉ែត បានថ្លែងនៅនូវឯវេទិកាសុខភាព មួយស្តីពី «ការបង្ការជំងឺមហារីក» ក្រោមកិច្ចសហការជាមួយសមាគមនាវាយុវជនអាស៊ីអាគ្នេយ៍កម្ពុជា បានអះអាងថា ឃាតករមួយក្នុងចំណោមឃាតករទាំង១០ ដែលសម្លាប់ប្រជាជនខ្មែរច្រើនជាងគេបំផុត គឺ «ជំងឺមហារីក»។ យោងតាមស្ថិតិរបស់អង្គការសុខភាពពិភពលោកបានបង្ហាញថា នៅកម្ពុជាក្នុងមួយឆ្នាំៗមានប្រជាពលរដ្ឋខ្មែរ ប្រហែល១៥,០០០នាក់កើតជំងឺមហារីក និងជាង១០,០០០នាក់បានស្លាប់ដោយសារជំងឺដ៏កាចសាហាវនេះ»។
សាស្ត្រាចារ្យ អ៊ាវ សុខា បានថ្លែងឲ្យដឹងថា ជាការពិតណាស់ មានកត្តាជាច្រើនដែលអាចបង្កឲ្យកើតជំងឺមហារីក ក្នុងនោះមានរួមមាន ៖
+ កត្តាសេនេទិក ឬ ហ្សែនដែលកើតមកមានមិនប្រក្រតីពីកំណើត
+ កត្តាចំណីអាហារ
+ កត្តាការធ្វើលំហាត់ប្រាណ
+ កត្តាជក់បារី
+ កត្តាទទួលទានសុរា
+ កត្តាគីមី
+ កត្តាបរិយាកាសខាងក្រៅជាដើម
សាស្ត្រាចារ្យបានបន្តថា កត្តាដែលបានរៀបរាប់ខាងលើ បានធ្វើឲ្យមានការខូចហ្សែន ៣ ប្រភេទ ដែលបណ្តាលឲ្យកើតមហារីកតែម្តង ដែលហ្សែនទាំង ៣ ប្រភេទនោះ រួមមាន៖
(១)- អង់កូហ្សែន ដែលមានតួនាទីធ្វើឲ្យកោសិកាលូតលាស់ចែកខ្លួនរហូត,
(២)- សាប់ប្រេសសឺ គឺទប់មិនឲ្យកោសិកាចែកខ្លួន, និង
(៣)- DNA Prepare នៅពេលហ្សែនខូច វាជាអ្នកជួសជុល ៕
ចែករំលែកព័តមាននេះ