ប្រទេសថៃ ៖ ថ្ងៃទី២៦ ខែតុលា ជាថ្ងៃថ្វាយព្រះភ្លើងរំលាយព្រះសពអតីតព្រះមហាក្សត្រ ថៃ ភូមីបុល អាឌុលយ៉ាដេត ក្នុងពិធីយ៉ាងពិសេសបំផុតមួយនៅក្នុងក្រុងបាងកក ដោយមានការដង្ហែព្រះសពជាក្បួនដែលរៀបចំយ៉ាងល្អិតល្អន់បំផុត…
ប្រទេសថៃ ៖ ថ្ងៃទី២៦ ខែតុលា ជាថ្ងៃថ្វាយព្រះភ្លើងរំលាយព្រះសពអតីតព្រះមហាក្សត្រ
ថៃ ភូមីបុល អាឌុលយ៉ាដេត ក្នុងពិធីយ៉ាងពិសេសបំផុតមួយនៅក្នុងក្រុងបាងកក ដោយមានការដង្ហែព្រះសពជាក្បួនដែលរៀបចំយ៉ាងល្អិតល្អន់បំផុត គឺហែពីព្រះបរមរាជវាំងមុនពេលតម្កល់ព្រះសពនៅលើព្រះមេរុ ។
នាថ្ងៃពិសេសនេះ បណ្តាគ្រឹះស្ថានសិក្សា កន្លែងកម្សាន្តសប្បាយ ហាងនានា សហគ្រាស ព្រមទាំងមជ្ឈមណ្ឌលពាណិជ្ជកម្មទាំងឡាយបានប្រកាសពីការបិទទ្វារ ។ ចាប់ពីថ្ងៃទី២៥ ដល់ទី២៨ ខែតុលា ផ្លូវធំៗចំនួន១៨ត្រូវបិទជុំវិញទីលានសាណាមលួង ដូច្នេះនៅតំបន់នេះ ពុំអាចធ្វើចរាចរណ៍បានទេ ។ ផ្ទុយទៅវិញ ដើម្បីជួយសម្រួលដល់ការធ្វើដំណើរជុំវិញទីតាំងរំលាយព្រះសព និងការកកស្ទះចរាចរណ៍ ក្រុមហ៊ុនដឹកជញ្ជូនមួយចំនួនស្នើដឹកមនុស្សម្នាដោយមិនយកលុយនៅតាមវិថីមួយចំនួន ។
ចំណែកធនាគារ ឬទីភ្នាក់ងារធនាគារទាំងអស់នៅក្នុងប្រទេសក៏ត្រូវបិទទ្វារដែរ នាថ្ងៃ
រំលាយព្រះសព នៅសល់តែសេវាកម្មធនាគារតាមប្រព័ន្ធអេឡិចត្រូនិកប៉ុណ្ណោះ ។ មានតែសេវាកម្មព្រលានយន្តហោះមួយទេ ដែលនៅមានដំណើរការជាធម្មតា ។ យោងតាមកាសែតថៃ PRACHTHAI ថា ក្រៅពីសហគ្រាសឯកជនទាំងនេះ សហគ្រាសសាធារណៈមួយចំនួនដូចជាប៉ុស្តិ៍ប្រៃសណីយ៍ ឬផ្សារភាគហ៊ុន ក៏បញ្ឈប់ដំណើរការដែរ ។
ការរៀបចំយ៉ាងផ្ចិតផ្ចង់បំផុតនៃព្រះរាជពិធីរំលាយព្រះសពអតីតព្រះមហាក្សត្រថៃនេះ ចំណាយអស់ប្រមាណ៥០០លានបាត(ជាង១៣,៥លានដុល្លារ) ។ ព្រះមហាក្សត្រថ្មី មហាវជ្ជរ៉ាឡុងកន ទ្រង់សម្រេចយកថ្ងៃទី២៦ ខែតុលាជាថ្ងៃរំលាយព្រះសពព្រះបិតារបស់ព្រះអង្គក្រោយពីទ្រង់ចូលទិវង្គតអស់រយៈពេល១ឆ្នាំនិង១៣ថ្ងៃ ដែលប្រទេសទាំងមូលត្រូវកាន់ទុក្ខ ។
ចែករំលែកព័តមាននេះ