រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងទោរទន់បានបើករថយន្តក្នុងល្បឿនលឿន បួងចង្កូតមិនទាន់ បានជ្រុលទៅបុកនឹងក្បាលនាគពុះចែកទ្រូងផ្លូវពេញទំហឹង បណ្តាលឲ្យបែកនិងវៀចទ្រង់ទ្រាយដើមអស់ចំនួន២កង់ ព្រមទាំងរងការខូចខាតរថយន្តផងដែរ។ ហេតុការណ៍នេះដែរ បានកើតឡើងនៅវេលាម៉ោង៩និង១៥នាទីយប់ ថ្ងៃទី២៣…
រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងទោរទន់បានបើករថយន្តក្នុងល្បឿនលឿន បួងចង្កូតមិនទាន់ បានជ្រុលទៅបុកនឹងក្បាលនាគពុះចែកទ្រូងផ្លូវពេញទំហឹង បណ្តាលឲ្យបែកនិងវៀចទ្រង់ទ្រាយដើមអស់ចំនួន២កង់ ព្រមទាំងរងការខូចខាតរថយន្តផងដែរ។ ហេតុការណ៍នេះដែរ បានកើតឡើងនៅវេលាម៉ោង៩និង១៥នាទីយប់ ថ្ងៃទី២៣ ខែតុលា ឆ្នាំ២០១៧ ត្រង់ចំណុចស្តុបកៅដាយ ផ្លូវម៉ៅសេងទុង កែងនឹងផ្លូវ២០៥ សង្កាត់ទួលស្វាយព្រៃ២ ខណ្ឌចម្ការមន។
តាមប្រភពព័ត៌មាន ពីកន្លែងកើតបានឲ្យដឹងថា មុនពេលកើតហេតុ គេបានឃើញ បុរសម្នាក់ អាយុប្រហែល៤០ឆ្នាំ មិនដឹងថាមានគោលបំណងទៅណានោះទេ គឺបានរថយន្តម៉ាក កូរ៉ឡា ពណ៌កាត់ស្តាំង ពាក់ស្លាកលេខ ភ្នំពេញ 2F-0420 បានធ្វើដំណើរតាមផ្លូវ ២០៥ ក្នុងទិសដៅពីកើតទៅលិច ក្នុងល្បឿនលឿន ព្រមទាំងស្រវឹងផងនោះ ខណៈមកដល់ចំណុចកើតហេតុ អ្នកបើកបរបានបួងចង្កូតបត់ស្តាំឡើងទៅផ្លូវម៉ៅសេងទុង តែដោយសារតែរថយន្តលឿនពេកព្រមទាំងអ្នកបើកបរស្រវឹងផងនោះ ធ្វើឲ្យរថយន្តជ្រុលទៅបុកនឹងក្បាលនាគពុះចែកផ្លូវ ពេញទំហឹងបណ្តាល ឲ្យរងការខូចខាតបែក និងវៀចទ្រង់ទ្រាយដើមអស់ចំនួន២កង់។
ដោយឡែករថយន្តវិញរងការខូចខាត ខ្ទេចផ្នែកខាងមុខ និងបែកកញ្ចក់ ព្រមទាំងធ្វើឲ្យអ្នកបើករថយន្ត រងរបួស បោកក្បាលទៅនឹងកញ្ចក់ ហូរឈាមបន្តិចបន្តួចផងដែរ។ បន្ទាប់ពីបង្កគ្រោះថ្នាក់រួចហើយ អ្នកបើកបរ បានចុះពីលើរថយន្តទាំងអាការ:ស្រវឹង និងបម្រុងរត់គេចខ្លួន តែត្រូវបានសមត្ថកិច្ចដេញឃាត់ខ្លួនបានមកវិញ។ ក្រោយពេលកើតហេតុ រថយន្តបង្កព្រមទាំងអ្នកបើកបរ ត្រូវបានសមត្ថកិច្ចជំនាញក្រុង មកធ្វើការស្ទូចយកទៅរក្សាទុកការរិយាល័យចរាចរណ៍ជើងគោករាជធានីភ្នំពេញដើម្បីរង់ចាំធ្វើការដោះស្រាយជាក្រោយ៕
ចែករំលែកព័តមាននេះ