រាជធានីភ្នំពេញ ៖ ស្ត្រីជាម្ចាស់ផ្ទះម្នាក់ត្រូវបានស្ត្រីបម្រើតាមផ្ទះ និងជាអ្នកមើលថែក្មេងម្នាក់ បានធ្វើឲ្យខូចកិត្តិ យសដល់ស្ត្រីផ្សេ ងៗទៀ ត ដែលបានបោកប្រាស់ប្រាក់រាប់ពាន់ដុល្លារ ហើយរត់គេចបាត់ស្រមោល ។
ស្ត្រីឆបោកឈ្មោះ ស៊ុន នឹង អាយុ៣៤ឆ្នាំ មានស្រុកកំណើតរស់នៅក្នុងភូមិលក ឃុំឫស្សីស្រុកខាងលិច ស្រុកកំពង់ត្រាច ខេត្តកំពត មានមុខរបរជាអ្នកបម្រើតាមផ្ទះ និងមើលថែក្មេង ចំណែកស្ត្រីរងគ្រោះ ឈ្មោះ គិត សុខលីជាម្ចាស់ផ្ទះ ។
ស្ត្រីរងគ្រោះបានអះអាងថា ដោយក្ដីអាណិតស្រឡាញ់ គាត់ក៏បានទទួលយកស្ត្រីម្នាក់នោះឲ្យធ្វើការក្នុងផ្ទះ និងមើលថែកូនរបស់ខ្លួន ដោយទុកចិត្តព្រោះ គិតថាជាអ្នកធ្លាប់ស្គាល់ និងរាប់អានគ្នាពីមុនមក ។ ម្ចាស់ផ្ទះបានបន្តទាំងក្ដីហួសចិត្តទៀតថា ស្ត្រីឆបោកបានកុហកគាត់ជាច្រើនលើក ច្រើនសារ ដើម្បីឲ្យអ្នកស្រីជាម្ចាស់ផ្ទះ ផ្ដល់លុយជាហូរហែដែលតែងកុហកថា ខ្លួនមានបញ្ហាជាមួយប្ដី ចោរប្លន់នៅស្រុកកំណើត កុហកថាកូនឈឺធ្ងន់ គ្រោះថ្នាក់ចរាចរណ៍ និងរហូតហ៊ានកុហក់ថាកូនរបស់ខ្លួនស្លាប់ទៀតផង ។ នៅពេលប្រើល្បិចកុហក់ម្ដងៗ សុទ្ធតែយំសោកបោកខ្លួន ដើម្បីឲ្យអ្នកស្រីអាណិតអាសូរ ហើយបានលុយពីអ្នកស្រីយកទៅដោះស្រាយបញ្ហាគ្រួសារ ។ តាមពិតរឿងរ៉ាវទាំងនោះ ពុំបានកើតឡើងដូចដែលគាត់រៀបរាប់ប្រាប់នោះទេ ព្រោះអ្នកស្រីបានតាមទាន់ជាន់កែង ឃើញនឹងភ្នែកច្បាស់នឹងស្មានមិនដល់ គឺរាល់ពេលដែលអ្នកស្រីឲ្យស្ត្រីឆបោកទៅយកចៅចេញពីសាលាម្ដងៗ គឺគាត់បានដាក់ថ្នាំ ងងុយដេកលាយជាមួយទឹក ឬទឹក្រូចឲ្យចៅ អ្នកស្រីផឹកស្ទើររាល់ថ្ងៃ ធ្វើឲ្យមានការសង្ស័យ ក៏សួរនាំទើបបែកធ្លាយតែម្ដង ។ បន្ទាប់ពីផ្ទុះរឿងរ៉ាវនេះឡើង ស្ត្រីឆបោកបានដឹងខ្លួនទាន់ក៏បានរត់គេចខ្លួនបាត់ស្រមោល រហូតមកដល់សព្វថ្ងៃ សូម្បីតែអ្នកស្រីទៅតាមរកដល់ស្រុកកំណើត ក៏មិនឃើញនោះដែរ ។
បញ្ជាក់ ស្ត្រីឆបោកខាងលើមិនទាន់បានធ្វើការបកស្រាយនៅឡើយទេ ព្រោះស្វែងរកមិនទាន់ឃើញ ខណៈដែលប្រព័ន្ធទូរស័ព្ទដែលធ្លាប់ប្រើកន្លងមកត្រូវបានបិទ ហើយក៏មិនដឹងថាស្ត្រីម្នាក់នោះរស់នៅកន្លែងណាដែរ ៕
ចែករំលែកព័តមាននេះ