រាជធានីភ្នំពេញ ៖ នគរបាលការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ នៅថ្ងៃទី២២ តុលា ២០១៧នេះ បានបញ្ជូនជនសង្ស័យជាមុខសញ្ញាឆក់ចំនួន៤នាក់ទៅតុលាការ ពាក់ព័ន្ធអំពើ ឆក់ ទ្រព្យសម្បត្តិប្រជាពលរដ្ឋនៅតាមផ្លូវសាធារណៈ៦លើកកន្លងមក។ មុខសញ្ញា៤នាក់នេះ ១.ឈ្មោះ ងយ ឧត្តមរស្មី ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះលេខ៥០ ផ្លូវលេខ១៤៦ សង្កាត់ផ្សារដេប៉ូទី២ ខណ្ឌទួលគោក ២.ឈ្មោះ មុត ជ័យដាឡេ ភេទប្រុស អាយុ១៦ឆ្នាំ មុខរបរសិស្ស មានទីលំនៅភូមិត្រពាំងឈូក សង្កាត់ទឹកថ្លា ខណ្ឌសែនសុខ ៣.ឈ្មោះ ម៉ែន គង្គា ហៅប៉ាប់ ភេទប្រុស អាយុ១៨ឆ្នាំ មុខរបរសិស្ស មានទីលំនៅផ្ទះលេខ៩៦៨ ផ្លូវលេខ២៦៥ សង្កាត់ទឹកល្អក់ទី១ ខណ្ឌទួលគោក និងទី៤.ឈ្មោះ ង៉ូវ វណ្ណៈ ភេទប្រុស អាយុ១៦ឆ្នាំ មុខរបរសិស្ស មានទីលំនៅផ្ទះលេខ៣០ ផ្លូវលេខ៦៨ សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចឲ្យដឹងថា កាលពីរសៀលថ្ងៃទី២០ តុលា នគរបាលជំនាញព្រហ្មទណ្ឌរាជធានីភ្នំពេញ បានចេញល្បាតជួបមុខសញ្ញា៤នាក់ នៅចំណុចមុខបន្ទប់ជួលផ្ទះលេខ១២៩B ផ្លូវរថភ្លើង សង្កាត់បឹងកក់ទី២ ខណ្ឌទួលគោក ហើយក៏បានឃាត់នាំទៅសាកសួរ។ នៅពេលសាកសួរជនសង្ស័យថា កន្លងមកធ្លាប់បានប្រព្រឹត្តអំពើលួចមានស្ថានទម្ងន់ទោស (ឆក់) ក្នុងរាជធានីភ្នំពេញចំនួន០៦លើក ដូចជាលើកទី១ ឆក់កាបូបមិនបានសម្រេច បណ្តាលឲ្យជន រងគ្រោះដួលម៉ូតូរងរបួស កាលពីថ្ងៃទី៦ តុលា ២០១៧ វេលាម៉ោង០៤ទាបភ្លឺ នៅចំណុចមុខផ្ទះលេខ៦៦៨ ផ្លូវ១២៨ សង្កាត់ផ្សារដេប៉ូរ២ ខណ្ឌទួល គោក រាជធានីភ្នំពេញ។ ដែលជនរងគ្រោះឈ្មោះ គង់ ចាន់នី ភេទស្រី អាយុ៤២ឆ្នាំ ស្នាក់នៅផ្ទះលេខ៣៦១ ផ្លូវសហពន្ធ័រុស្សី ភូមិតាងួន សង្កាត់កាកាប ខណ្ឌពោធិសែនជ័យ។ លើកទី២.ឆក់កាបូបស្ពាយពណ៌សូកូឡា ក្នុងនោះមានទូរសព្ទ័ដៃម៉ាកអាយហ្វូន ណូគា១២៨០ មួយគ្រឿង ប្រាក់រៀលចំនួន១១ម៉ឺនរៀល និង៥០ដុល្លារអាមេរិក កាលពីថ្ងៃទី១៨ តុលា ២០១៧ វេលាម៉ោង ០៩និង៥០នាទី នៅចំណុចមុខក្រសួងការពារជាតិ ផ្លូវសហពន្ធ័រុស្សី សង្កាត់មិត្តភាព ខណ្ឌ៧មករា រាជធានីភ្នំពេញ។
ជនរងគ្រោះឈ្មោះ ប្រេស ម៉ារីណា ភេទស្រី អាយុ១៨ឆ្នាំ មុខរបរនិស្សិត ស្នាក់នៅផ្ទះលេខ ១៣១ ផ្លូវព្រះនរោត្តម សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។ លើកទី៣ ឆក់ស្បោងប្លាស្ទីកយួរដៃពណ៌ក្រហមមានរូបតុក្តតា ខាងក្នុងមានថ្នាំលាបក្រចកចម្រុះពណ៌ជាច្រើន និងប្រាក់រៀលចំនួន ៨០,០០០រៀល កាលពីថ្ងៃទី១៩ តុលា ២០១៧ វេលាម៉ោងប្រហែល១១ព្រឹកនៅចំណុច មុខសណ្ឋាគារ ប្រេស៊ីដង់ ផ្លូវកម្ពុជាក្រោម សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ជនរងគ្រោះ មិនបានដាក់ពាក្យបណ្តឹងនៅប៉ុស្តិ៍នគរបាលរដ្ឋបាលផ្សារដេប៉ូ២ទេ។ លើកទី៤ ឆក់កាបូបដៃ កាលពីថ្ងៃទី១២ តុលា ២០១៧ វេលាម៉ោងប្រហែល៦ល្ងាច នៅចំណុច មុខក្រសួងការពារជាតិ ផ្លូវសហព័ន្ធរុស្សី សង្កាត់មិត្តភាព ខណ្ឌ៧មករា រាជធានីភ្នំពេញ ជនរងគ្រោះឈ្មោះ ឆេង សុខា ភេទប្រុស អាយុ៤៤ ឆ្នាំ មុខរបរជាអធិការរងនគរបាលស្រុកបាទី ស្នាក់នៅផ្ទះលេខ៩៨១ ផ្លូវជាតិលេខ៣ ភូមិត្រាំខ្នារ ឃុំសុភី ស្រុកបាទី ខេត្ត តាកែវ។ លើកទី៥ ឆក់ទូរសព្ទ័ដៃ កាលពីថ្ងៃទី១៩ តុលា ២០១៧ វេលាម៉ោងប្រហែល៧យប់ នៅចំណុចគល់ស្ពានអាកាស៧មករា ផ្លូវលេខ១១០ សង្កាត់ទឹកល្អក់១ ខណ្ឌទួលគោក រាជធានីភ្នំពេញ ជនរងគ្រោះមិនបានដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទឹកល្អក់១ ទេ។ និងលើកទី៦ ឆក់កាបូបស្ពាយ កាលពីថ្ងៃទី១៦ តុលា ២០១៧ វេលាម៉ោងប្រហែល៣រសៀល នៅចំណុចមុខផ្ទះលេខ១៦១ ផ្លូវលេខ២១ ៥ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ជនរងគ្រោះមិនបានដាក់ពាក្យបណ្តឹងនៅប៉ុស្តិ៍នគរបាលរដ្ឋបាលផ្សារដេប៉ូ១ ទេ។
សមត្ថកិច្ចបន្តថា វត្ថុតាងចាប់យកមានដូចជាមធ្យោបាយធ្វើសកម្មភាព១-ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១១ ពាក់ស្លាកលេខ ភ្នំពេញ ១AW-៤៦៨៥ មួយគ្រឿង ។ ២-ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ ១DC-២៨៧២ មួងគ្រឿង។ ៣-ម៉ូតូម៉ាកស៊ុយហ្សុយគីឡេត ពណ៌សប្រផេះ ស៊េរីឆ្នាំ២០១៥ ពាក់ស្លាកលេខភ្នំពេញ ១.FO ៦៤៥៣ មួយគ្រឿង។ ក្រោពីនេះរួមមានសម្ភារមួយចំនួនទៀត មានសោទីបលេខ១០ ចំនួន១,ដែកមុខស្រួចចំនួន១ កន្ត្រៃកាត់ខ្សែភ្លើង១ កាបូបស្ពាយ ពណ៌ខ្មៅ ១,កាបូបយួរដៃ ពណ៌សចំនួន១,កាបូបដៃខ្មៅ លាយសូកូឡា១, ថង់ពណ៌ក្រហម មានថ្នាំលាបក្រចកមួយចំនួនជារបស់ជនរងគ្រោះ ដែលជនសង្ស័យធ្វើសកម្មភាពឆក់បានធ្វើសកម្មភាពកន្លងមក ។ ក្រោយពីចាប់ឃាត់ខ្លួនជនសង្ស័យទាំ៦នាក់ ត្រូវសមត្ថកិច្ចរៀបចំកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
https://youtu.be/ev3_0aOomf8
ចែករំលែកព័តមាននេះ