រាជធានីភ្នំពេញ ៖ ទីបំផុតតារាកំប្លែងសម្តីឥតអាក់ នាងប្រិម ប្រិយ បានបង្ហាញមុខគូស្នេហ៍ដ៏ពិតប្រាកដរបស់នាងជាសាធារណៈហើយ បន្ទាប់ពីព័ត៌មានសុសសាយជាច្រើនបានចុះផ្សាយថា នាងមានទំនាក់ទំនងជាមួយនាយកុយ ដែលជាមេក្រុមកំប្លែងរបស់ខ្លួននោះ ។
ការបង្ហាញមុខគូស្នេហ៍របស់ប្រិម ប្រិយ ជាសាធារណៈនាពេលនេះគឺអាចចាត់ទុកថា នាងចង់លុបបំបាត់ចោលនូវពាក្យចចាមអារ៉ាមកន្លងមកដែលបានចាប់ផ្គូផ្គងរូបនាងជាមួយតារាកំប្លែងរួមក្រុមជាបន្តបន្ទាប់នោះ ។ មួយវិញទៀតនាងក៏ចង់បង្ហាញឱ្យគេឯងបានដឹងថា គូស្នេហ៍របស់នាងនៅពេលនេះជាមនុស្សម្នាក់ដែលមិនដូចជាអ្វីដែលគេតែងតែយល់ច្រឡំនោះឡើយ ។
រូបភាពមួយចំនួនត្រូវបានប្រិម ប្រិយ បង្ហោះនៅក្នុងហ្វេសប៊ុករបស់នាងដែលបង្ហាញពីភាពស្និតស្នាលយ៉ាងស្អិតរមួត និងបានបណ្តើរគ្នាយ៉ាងត្រសងទៅចូលរួមក្នុងកម្មវិធីអ្នកសិល្បៈ តួយ៉ាងពេលចូលរួមក្នុងកម្មវិធីបង្កក់កូនរបស់តារាកំប្លែងរួមក្រុម គឺនាយហុងដានាពេលកន្លងមក ។ ស្ថិតនៅពីក្រោមរូបថតដែលនាងបានបង្ហោះនោះប្រិម ប្រិយ បានសរសេរដោយឥតលាក់លៀមថា បុរសដែលឈរជាមួយនាងនោះគឺជាម្ចាស់ចិត្តរបស់នាង (My Honey) ហើយថែមទាំងបង្ហាញពីភាពស្និទស្នាលនឹងគ្នាផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ