រាជធានីភ្នំពេញ ៖ កម្មវិធីប្រកួតជ្រើសរើសតារាបង្ហាញម៉ូដខ្មែរឆ្នាំទី៤ បានឈានចូលដល់វគ្គពាក់កណ្តាលផ្តាច់ព្រ័ត្រហើយ ។ ពិធីប្រកួតធ្វើឡើងនៅស្ថានីយទូរទស្សន៍ប៉ុស្តិ៍លេខ៣កាលពីរាត្រីថ្ងៃទី២១ កញ្ញា និងផ្សាយបន្តផ្ទាល់តាមទូរទស្សន៍នេះ ។ ឆ្នាំនេះពិធីប្រកួតមានលក្ខណៈពិសេសជាងឆ្នាំមុនៗ និងមានទស្សនិកជនចូលរួមទស្សនាច្រើន ។ អ្វីដែលគេចាប់អារម្មណ៍នោះគឺគេឃើញ
រាជធានីភ្នំពេញ ៖ កម្មវិធីប្រកួតជ្រើសរើសតារាបង្ហាញម៉ូដខ្មែរឆ្នាំទី៤ បានឈានចូលដល់វគ្គពាក់កណ្តាលផ្តាច់ព្រ័ត្រហើយ ។ ពិធីប្រកួតធ្វើឡើងនៅស្ថានីយទូរទស្សន៍ប៉ុស្តិ៍លេខ៣កាលពីរាត្រីថ្ងៃទី២១ កញ្ញា និងផ្សាយបន្តផ្ទាល់តាមទូរទស្សន៍នេះ ។ ឆ្នាំនេះពិធីប្រកួតមានលក្ខណៈពិសេសជាងឆ្នាំមុនៗ និងមានទស្សនិកជនចូលរួមទស្សនាច្រើន ។ អ្វីដែលគេចាប់អារម្មណ៍នោះគឺគេឃើញមានទស្សនិកជនជាលោកយាយអាយុប្រហែល៧០ឆ្នាំចំនួន៤នាក់ កាន់ស្លាកឈ្មោះបេក្ខជនងើបឈរសម្តែងការគាំទ្រជាមួយយុវវ័យជាច្រើនកុះករ ។
លក្ខណៈពិសេសមួយទៀតគឺគេឃើញព្រឹត្តិការណ៍ប្រកួតជ្រើសរើសតារាបង្ហាញម៉ូដនេះមានការដើរបង្ហាញម៉ូដសម្លៀកបំពាក់ខ្មែរ ទាំងបុរាណ ទាំងសម័យ និងសម្លៀកបំពាក់សិល្បៈផងដែរ ។ ព្រឹត្តិការណ៍ប្រកួតជ្រើសរើសតារាបង្ហាញម៉ូដខ្មែរឆ្នាំទី៤នេះមានបេក្ខជនចំនួន២០រូប និងបេក្ខនារី២០រូបចូលរួមប្រកួត ។ ជាលទ្ធផលបេក្ខជន៨រូបនិងបេក្ខនារីចំនួន៨រូបត្រូវបានជំរុះ ។ ចំណែកឯក្រុមអ្នកជាប់ក្នុងវគ្គពាក់កណ្តាលផ្តាច់ព្រ័ត្រនេះនឹងមានឱកាសចូលរួមក្នុងកម្មវិធីជាបន្តទៀតដើម្បីចាប់យកក្តីស្រមៃក្លាយជាតារាបង្ហាញម៉ូដអាជីពនៅថ្ងៃអនាគត ។
ព្រឹត្តិការណ៍ប្រកួតតារាបង្ហាញម៉ូដខ្មែរមានការចូលរួមឧបត្ថម្ភគាំទ្រលើបណ្តាក្រុមហ៊ុនក្នុងស្រុកច្រើនធ្វើឱ្យពិធីនេះកាន់តែមានភាពអធិកអធម ។នៅក្នុងសន្និសីទកាសែតកាលពីថ្ងៃទី១៩ កញ្ញា អ្នកតំណាងក្រុមហ៊ុនBKA ដែលរៀបចំការប្រកួតនេះនិយាយឱ្យដឹងថា នេះជាឆ្នាំទី៤ហើយ ដែល BKA Entertainment ក្រោមការឧបត្ថម្ភពីបណ្តាក្រុមហ៊ុនមួយចំនួនបានរៀបចំកម្មវិធីប្រកួតនេះ ជាកម្មវិធីប្រកួតទ្រង់ទ្រាយធំដំបូងក្នុងព្រះរាជាណាចក្រកម្ពុជា ក្នុងការជ្រើសរើសតារាបង្ហាញម៉ូដអាជីពទាំងបុរសទាំងនារី ចូលខ្លួនបំរើលើវិស័យសិល្បៈ បំផុសនិងនាំមុខលើវិស័យបង្ហាញម៉ូដ បង្ហាញនូវម៉ូដសម្លៀកបំពាក់ដែលរចនាដោយស្នាដៃខ្មែរប្រើប្រាស់នូវហូល ផាមួង និងសូត្រខ្មែរ ឈរលើគោល ការណ៍ Concept Smart &Beauty ។ លើសពីនេះទៅទៀតជាវេទិកាដ៏មានកិត្តិយស សម្រាប់ពួកគេ ក្នុងការឈានចូលសង្គមសិល្បៈលើផ្នែកផ្សេងៗទៀតដូចជា តារាចម្រៀង តារាសម្តែង ពិធីករ-ពិធីការិនីជាដើម ។
ក្នុងកម្មវិធីប្រកួតឆ្នាំទី៤នេះ មានការចូលរួមដាក់ពាក្យប្រកួតប្រជែងច្រើនលើសពីឆ្នាំទៅចំនួន៣០% ដោយពួកគេទាំងអស់ឆ្លងកាត់នូវវគ្គជម្រុះតាំងពីតាមរយៈរូបថត រហូតដល់វគ្គសម្ភាសន៍ផ្ទាល់ពី គណៈកម្មការចំនួន២ក្រុមដែលមានវិជ្ជាជីវៈផ្ទាល់ទាក់ទងលើផ្នែកបង្ហាញម៉ូដ ។ វិស័យបង្ហាញម៉ូដជាសកម្មភាពថ្មីកំពុងបោះជំហានទៅមុខគួរឱ្យកត់សម្គាល់នាពេលបច្ចុប្បន្ន ៕
ចែករំលែកព័តមាននេះ