ខេត្តកណ្ដាល ៖ ស្របពេលដែលទឹកទន្លេបាសាក់កំពុងឡើង ធ្វើឱ្យច្រាំងទន្លេនៅភូមិជ្រៃធំហៅភូមិលេខ៨ ក្នុងស្រុកកោះធំ បានបន្តបាក់យ៉ាងខ្លាំងអស់ផ្លូវក្រាលក្រួសក្រហមប្រវែងជិតមួយគីឡូម៉ែត្រមិនអាចធ្វើដំណើរបាន និងជិតដល់ដីចម្ការរបស់ប្រជាពលរដ្ឋថែមទៀត ។
ខេត្តកណ្ដាល ៖ ស្របពេលដែលទឹកទន្លេបាសាក់កំពុងឡើង ធ្វើឱ្យច្រាំងទន្លេនៅភូមិជ្រៃធំហៅភូមិលេខ៨ ក្នុងស្រុកកោះធំ បានបន្តបាក់យ៉ាងខ្លាំងអស់ផ្លូវក្រាលក្រួសក្រហមប្រវែងជិតមួយគីឡូម៉ែត្រមិនអាចធ្វើដំណើរបាន និងជិតដល់ដីចម្ការរបស់ប្រជាពលរដ្ឋថែមទៀត ។
ប្រជាពលរដ្ឋនៅទីនោះបានឱ្យដឹងថា ច្រាំងទន្លេនៅភូមិជ្រៃធំបានបាក់ជាបន្តបន្ទាប់យូរឆ្នាំមកហើយ ប៉ុន្តែពីរឆ្នាំចុងក្រោយនេះបានបាក់ខ្លាំងរហូតដល់ផ្លូវ ។ សព្វថ្ងៃនេះ ស្របពេលដែលទឹកទន្លេបាសាក់កំពុងឡើងធ្វើឱ្យច្រាំងទន្លេបន្តបាក់យ៉ាងខ្លាំងអស់ផ្លូវក្រាល ក្រួសក្រហមប្រវែងជិតមួយគីឡូម៉ែត្រធ្វើដំណើរលែងកើត ។
ផ្លូវដែលបាក់នេះគឺជាផ្លូវដ៏សំខាន់មួយសម្រាប់ប្រជាពលរដ្ឋក្នុងមូលដ្ឋានដឹកជញ្ជូនកសិផល និងទំនិញផ្សេងៗ ប៉ុន្តែរយៈពេល២ឆ្នាំចុងក្រោយនេះបានបាក់ខ្លាំងដល់ផ្លូវតែម្ដងរហូត ធ្វើដំណើរឆ្លងកាត់លែងកើត និងជិតដល់ដីចម្ការរបស់ប្រជាពលរដ្ឋផងដែរ ។ មូលហេតុនាំឱ្យបាក់ច្រាំងនៅទីនេះ គឺបណ្ដាលមកពីចរន្តទឹកទន្លេហូរបុកចំខ្លាំងពេក និងនៅខាងវៀតណាមមានធ្វើផ្ទះទឹកច្រើនតាមបណ្ដោយទន្លេជាប់ព្រំប្រទល់គ្នា បណ្ដាលឱ្យដីនៅខាងវៀតណាមដុះខ្លាំងចរន្តទឹកទន្លេហូរបុកខ្លាំងមកខាងខ្មែរ ។
លោកចាន់ សុខុម អភិបាលស្រុកកោះធំ បានប្រាប់ឱ្យដឹងតាមទូរស័ព្ទថា លោកទើបតែប្ដូរមកកាន់តំណែងថ្មីបានមួយខែប៉ុណ្ណោះ មិនទាន់បានដឹងច្បាស់ថា ការបាក់ច្រាំងនេះបណ្ដាលមកពីមូលហេតុងអ្វីទេប៉ុន្តែលោកប្រាប់ថា ខាងអាជ្ញាធរបានធ្វើរបាយការណ៍ជូនថ្នាក់លើអស់់ហើយ បើអ្នកកាសែតចង់ដឹងច្បាស់ទៅសួរអភិបាលរងរបស់លោក ។
លោកអ៊ុត ស្រ៊ន មេឃុំសំពៅពូន បាន ប្រាប់ឱ្យដឹងថា រឿងបាក់ច្រាំងនៅភូមិលេខ៨ ឃុំសំពៅពូន អាជ្ញាធរបានរាយការណ៍ជូនថ្នាក់លើជាបន្តបន្ទាប់ ហើយអាជ្ញាធរឃុំ ស្រុកក៏ធ្លាប់មានវិធានការទប់ស្កាត់ដូចជាយកមែកឈើទៅបោះចាល់ជាដើមប៉ុន្តែមិនជាប់គឺច្រាំងនៅបន្តបាក់រហូតដល់ផ្លូវមកពីចរន្តទឹកហូរបុកខ្លាំងពេក ។ កន្លងមក ខាងមន្ទីរ និងក្រសួងពាក់ព័ន្ធធ្លាប់ចុះមកពិនិត្យមើលញឹកញាប់ដែរប៉ុន្តែការងារនេះទាល់តែថ្នាក់ជាតិទើបមានលទ្ធភាពសម្រេច និងទប់ស្កាត់បានព្រោះទីនេះនៅជាប់ព្រំប្រទល់ប្រទេសវៀតណាម ។ចំណែកផ្លូវដែលបាក់ធ្វើដំណើរមិនកើត អាជ្ញាធរបានធ្វើផ្លូវថ្មីមួយទៀតសម្រាប់ឱ្យប្រជាពលរដ្ឋធ្វើដំណើរ ៕
ចែករំលែកព័តមាននេះ