រាជធានីភ្នំពេញ ៖ លោកប្តីក្លាហានចេញមុខការពារប្រពន្ធក្នុងរឿងទំនាស់មនុស្សស្រីរស់នៅបន្ទប់ក្បែរគ្នានាំឱ្យភាគីម្ខាងទៀតជាក្មេងស្ទាវដែលកំពុងផឹកស៊ីស្រវឹងក្បែរនោះចេញមកការពារដែរ ហើយមានគ្នារហូតដល់ទៅ៤នាក់ សុទ្ធតែមនុស្សប្រុសពេញកម្លាំងព្រួតគ្នាវាយ និងកា.ប់ទៅលើបុរសជាប្តីឡើងទ្រមខ្លួនរហូតដឹកយកទៅមន្ទីរពេទ្យ ។
រាជធានីភ្នំពេញ ៖ លោកប្តីក្លាហានចេញមុខការពារប្រពន្ធក្នុងរឿងទំនាស់មនុស្សស្រីរស់នៅបន្ទប់ក្បែរគ្នានាំឱ្យភាគីម្ខាងទៀតជាក្មេងស្ទាវដែលកំពុងផឹកស៊ីស្រវឹងក្បែរនោះចេញមកការពារដែរ ហើយមានគ្នារហូតដល់ទៅ៤នាក់ សុទ្ធតែមនុស្សប្រុសពេញកម្លាំងព្រួតគ្នាវាយ និងកាប់ទៅលើបុរសជាប្តីឡើងទ្រមខ្លួនរហូតដឹកយកទៅមន្ទីរពេទ្យ ។
ក្រោយពេលកើតហេតុជនដៃដល់ទាំង៤នាក់ ត្រូវសមត្ថកិច្ចក្របួចបានហើយកំពុងកសាងសំណុំរឿងចាត់ការក្រុមនេះ តាមនីតិវិធី។ នគរបាលមូលដ្ឋានឱ្យដឹងថា ហេតុការណ៍ទំនាស់គ្នានេះបានកើតឡើងកាលពីវេលាម៉ោង២១និង៣០នាទីយប់ថ្ងៃទី១៨ កញ្ញា ២០១២ នៅចំណុចផ្ទះជួលបន្ទប់លេខ១ ផ្លូវលេខ១៩៨៦ ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។
ជនរងគ្រោះឈ្មោះអឹុម វណ្ណនឿន អាយុ២៦ឆ្នាំ ជាអ្នករត់ម៉ូតូឌុប ស្នាក់នៅផ្ទះជួលបន្ទប់ក្បែរកន្លែងកើតហេតុ ។ ចំណែកក្រុមជនដៃដល់ទាំង៤នាក់ត្រូវបានគេស្គាល់ថា ១-ឈ្មោះហ៊ុយ ម៉េង អាយុ២៤ឆ្នាំ ជាជាងឈើ ២-ឈ្មោះជឹម ភារិន អាយុ៣២ឆ្នាំ ជាអ្នកចម្រៀងក្នុងក្លឹបរាត្រី ៣-ឈ្មោះអ៊ុក និត អាយុ៣២ឆ្នាំ ជាអ្នកលក់ដូរ និង៤-ឈ្មោះជិន ចន្ថា អាយុ១៨ឆ្នាំ ជាអ្នកលក់ដូរអ្នកទាំងអស់នេះស្នាក់នៅផ្ទះជួលក្បែរកន្លែងកើតហេតុដូចគ្នា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ