រាជធានីភ្នំពេញ ៖ ក្រុមចោរ២នាក់ជិះម៉ូតូ១គ្រឿងធ្វើសកម្មភាពបា.ញ់បុរសម្នាក់ប្លន់យកម៉ូតូមួយគ្រឿងម៉ាកឌ្រីមសេ១២៥ ពណ៌ខ្មៅ ស៊េរី២០១២ បណ្តាលឱ្យរងរបួសចំចង្កេះខាងស្តាំធ្លាយមកពោះ ដែលហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង២និង៤០នាទីរសៀលថ្ងៃទី២០ កញ្ញា ២០១២ ត្រង់ចំណុចស្ថានីយប្រេងសូគីមិច តាមបណ្តោយផ្លូវភ្នំពេញ-ហាណូយ ស្ថិតក្នុងភូមិអន្លង់ក្ងាន
រាជធានីភ្នំពេញ ៖ ក្រុមចោរ២នាក់ជិះម៉ូតូ១គ្រឿងធ្វើសកម្មភាពបាញ់បុរសម្នាក់ ប្លន់យកម៉ូតូមួយគ្រឿងម៉ាកឌ្រីមសេ១២៥ ពណ៌ខ្មៅ ស៊េរី២០១២ បណ្តាលឱ្យរងរបួសចំចង្កេះខាងស្តាំធ្លាយមកពោះ ដែលហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង២ និង៤០នាទីរសៀលថ្ងៃទី២០ កញ្ញា ២០១២ ត្រង់ចំណុចស្ថានីយប្រេងសូគីមិច តាមបណ្តោយផ្លូវភ្នំពេញ-ហាណូយ ស្ថិតក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។
បុរសរងគ្រោះឈ្មោះព្រំ ស៊ីនដា អាយុ២៨ឆ្នាំ ស្នាក់នៅភូមិសែនសុខ សង្កាត់ឃ្មួញ ខណ្ឌសែនសុខ ត្រូវបានបញ្ជូនទៅសង្គ្រោះនៅមន្ទីរពេទ្យសាកលវិទ្យាល័យសែនសុខ ហើយក្រោយមកបានស្លាប់ដោយសារតែរបួសធ្ងន់ធ្ងរពេក ។ ប្រភពឱ្យដឹងថា មុនពេលកើតហេតុបុរសរងគ្រោះរួមជាមួយក្មួយ២នាក់ បានជិះម៉ូតូ១គ្រឿងត្រឡប់មកពីជញ្ជាត់ត្រីតក្រឹមនៅបឹងកប់ ស្រូវតាមបណ្តោយផ្លូវភ្នំពេញ-ហាណូយពីជើងទៅត្បូង លុះមកដល់ចំណុចកើតហេតុស្រាប់តែមានជនល្មើស២នាក់ ស្លៀកពាក់ស៊ីវិលជិះម៉ូតូមកដល់ដកកាំភ្លើងខ្លីម៉ាក K59 ភ្ជង់ប្លន់យកម៉ូតូ តែត្រូវជនរងគ្រោះប្រវាយប្រតប់ទើបធ្វើឱ្យក្រុមចោរបាញ់១គ្រាប់ ចំចង្កេះធ្លាយមកពោះរងរបួសតែម្តង ។ ភ្លាមៗនោះជនល្មើសក៏បានយកម៉ូតូជិះគេចខ្លួនបាត់ស្រមោល ។
ព័ត៌ មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ