រាជធានីភ្នំពេញ ៖ អង្គភាពរបស់មន្ទីរសាធារណការ និងដឹកជញ្ជូនរាជធានីភ្នំពេញបាននិងកំពុងដំណើរការស្ថាបនាសួនច្បារបែងចែកទ្រូងផ្លូវនៅលើកំណាត់ផ្លូវជាតិលេខ៦ ចាប់ពីគល់ស្ពានជ្រោយចង្វារហូតដល់សង្កាត់ព្រែកលៀប យ៉ាងមមាញឹកក្រោមការយកចិត្តទុកដាក់ពីលោក កែប ជុតិមា អភិបាលរាជធានីភ្នំពេញ ។
រាជធានីភ្នំពេញ ៖ អង្គភាពរបស់មន្ទីរសាធារណការ និងដឹកជញ្ជូនរាជធានីភ្នំពេញបាននិងកំពុងដំណើរការស្ថាបនាសួនច្បារបែងចែកទ្រូងផ្លូវនៅលើកំណាត់ផ្លូវជាតិលេខ៦ ចាប់ពីគល់ស្ពានជ្រោយចង្វារហូតដល់សង្កាត់ព្រែកលៀប យ៉ាងមមាញឹកក្រោមការយកចិត្តទុកដាក់ពីលោក កែប ជុតិមា អភិបាលរាជធានីភ្នំពេញ ។
លោក នង គន្ធរ៉ា ប្រធានមន្ទីរសាធារណការ និងដឹកជញ្ជូនបានឱ្យដឹងថា សួនច្បារបែងចែក ទ្រូងផ្លូវនេះមានទទឹង២មែ៉ត្រកន្លះ បណ្តោយប្រវែង៤.០០០មែ៉ត្រ ចាប់ពីគល់ស្ពានមិត្តភាពកម្ពុជា-ជប៉ុន (ស្ពានជ្រោយចង្វា) ដល់ក្រសួងសុខាភិបាលថ្មី ក្នុងសង្កាត់ព្រែកលៀប ខណ្ឌឫស្សីកែវ ដោយមានរៀបខឿនចិញ្ចើម ចាក់ដី ទន្លេ ដាំស្មៅ ដាំដើមជ្រៃ ដាក់បង្គោលភ្លើងព្រែក ចំនួន១០០ដើម ដោយយកលំនាំតាមមុខទីស្តីការគណៈរដ្ឋមន្ត្រី ។
ជាមួយគ្នានេះគំនូសស្លាកសញ្ញា ចរាចរណ៍ក៏ត្រូវបានរៀបចំដំណាលគ្នានេះដែរ ដើម្បីសម្រួលដល់ការធ្វើចរាចរណ៍ឱ្យបានកាន់តែងាយស្រួល និងទប់ស្កាត់កុំឱ្យមានការបើករំលោភលើខ្សែបន្ទាត់អាទិភាពរបស់អ្នកដទៃ ។ ដំណើរការសាងសង់សួនច្បារចែកទ្រូងផ្លូវនេះកំពុងតែប្រព្រឹត្តទៅក្នុងដំណាក់កាលសាកល្បង៦០០មែ៉ត្រ គម្រោងសរុបប្រវែង៤.០០០ម៉ែត្រ ។ កំណាត់ផ្លូវជាតិលេខ៦ក្នុងភូមិសាស្ត្ររាជធានីភ្នំពេញ ត្រូវបានកែលម្អដោយពង្រីកទទឹងផ្លូវដល់២៣មែ៉ត្រកន្លះ និងធ្វើសួនចែកទ្រូងផ្លូវ ដើម្បីឱ្យមានសោភ័ណភាពថែមទៀត ។
ប៉ុន្មានឆ្នាំចុងក្រោយនេះ រាជធានីភ្នំពេញ ក្រោមការដឹកនាំរបស់លោកកែប ជុតិមា ឃើញមានការអភិវឌ្ឍរីកចម្រើនគួរឱ្យកត់សម្គាល់ ។មានការកត់សម្គាល់ថា កំណាត់ផ្លូវជាតិលេខ៦នេះ នៅពេលស្ថាបនាសួនបានប្រមាណ៦០០មែ៉ត្រក្តី តែមើលទៅពិតជាស្រស់ស្អាតដែលធ្វើឱ្យសោភ័ណភាពរាជធានីភ្នំពេញកាន់តែស្រស់បំព្រងថែមទៀត ៕
ចែករំលែកព័តមាននេះ