រាជធានីភ្នំពេញ ៖ អាជ្ញាធរខណ្ឌទួលគោកកាលពីព្រឹកថ្ងៃទី១៨ កញ្ញា បានចុះណែនាំដល់ប្រជាពលរដ្ឋដែលរងផលប៉ះពាល់ក្នុងការអភិវឌ្ឍស្ពានអាកាសស្ទឹងមានជ័យ ឱ្យរុះសំយាបផ្ទះដែលរងការប៉ះពាល់ចេញដើម្បីត្រៀមបើកការដ្ឋាននៅពេលឆាប់ៗខាងមុខនេះ ។ ទោះបីជាយ៉ាងណាប្រជាពលរដ្ឋដែលរងផលប៉ះពាល់ទាំងអស់បានទទូចសុំឱ្យមានការដោះស្រាយឱ្យបានសមរម្យ ។
រាជធានីភ្នំពេញ ៖ អាជ្ញាធរខណ្ឌទួលគោកកាលពីព្រឹកថ្ងៃទី១៨ កញ្ញា បានចុះណែនាំដល់ប្រជាពលរដ្ឋដែលរងផលប៉ះពាល់ក្នុងការអភិវឌ្ឍស្ពានអាកាសស្ទឹងមានជ័យ ឱ្យរុះសំយាបផ្ទះដែលរងការប៉ះពាល់ចេញដើម្បីត្រៀមបើកការដ្ឋាននៅពេលឆាប់ៗខាងមុខនេះ ។ ទោះបីជាយ៉ាងណាប្រជាពលរដ្ឋដែលរងផលប៉ះពាល់ទាំងអស់បានទទូចសុំឱ្យមានការដោះស្រាយឱ្យបានសមរម្យ ។
លោសាំង សុភៈវិចិត្រ អភិបាលរងខណ្ឌទួលគោកបានណែនាំដល់ប្រជាពលរដ្ឋដែលរងផលប៉ះពាល់សំយាបផ្ទះសូមនាំគ្នារុះរើចេញដោយខ្លួនឯងបើពុំនោះទេ អាជ្ញាធរនឹងប្រើកម្លាំងរុះរើដោយពុំទទួលលើការខូចខាតទ្រព្យសម្បត្តិឡើយ។លោកអភិបាលរងបានឱ្យដឹងថា ក្នុងការអភិវឌ្ឍស្ថាបនាស្ពានអាកាសសម្រាប់ខណ្ឌទួលគោកបានរងផលប៉ះពាល់ខ្លាំងជាងគេដែលសរុបទាំងអស់៨៦គ្រួសារ ក្នុងនោះមានលំនៅឋានដែលប៉ះពាល់អស់ផ្ទះចំនួន៥០ផ្ទះ ប៉ះកាត់ផ្ទះចំនួន៩ និងប៉ះសំយាបចំនួន២៧ផ្ទះ។ ចំពោះប្រជាពលរដ្ឋដែលត្រូវអស់ផ្ទះសាលាខណ្ឌទួលគោកបានដោះស្រាយជូនបណ្តើរៗហើយ ។
លោកសាំង សុភៈវិចិត្រ បានឱ្យដឹងថា កន្លងមកអាជ្ញាធរខណ្ឌទួលគោក បានជូនដំណឹងដល់ប្រជាពលរដ្ឋដែលរងផលប៉ះពាល់សំយាបផ្ទះរុះរើដោយខ្លួនឯង តែបើប្រជាពលរដ្ឋមិនស្តាប់តាមការណែនាំ នៅតែមិនព្រមរុះរើទៀតអាជ្ញាធរនឹងប្រើកម្លាំងរុះចេញនៅថ្ងៃសុក្រនេះ ៕
ចែករំលែកព័តមាននេះ