ខេត្តព្រៃវែង ៖ បច្ចុប្បន្ននៅលើកំណាត់ផ្លូវជាតិលេខ១ពីភ្នំពេញទៅស្វាយរៀង គេតែងសង្កេតឃើញក្រុមរថយន្តដឹកទំនិញជាច្រើនប្រភេទដូចជា រថយន្តនីស្សាន់ រថយន្តទួរីសជាដើម បានសម្រុកដឹកទំនិញយ៉ាងសំពីងសំពោងទាំងក្នុងរថយន្ត និងបន្តុបលើដំបូលខ្ពស់កប់ពពក ហើយរថយន្តខ្លះបានផ្ទុកទំនិញច្រើនរហូតរកកល់មើលតួរថយន្តលែងឃើញទៅហើយ ។ ការដឹកជញ្ជូនយ៉ាង
ខេត្តព្រៃវែង ៖ បច្ចុប្បន្ននៅលើកំណាត់ផ្លូវជាតិលេខ១ពីភ្នំពេញទៅស្វាយរៀង គេតែងសង្កេតឃើញក្រុមរថយន្តដឹកទំនិញជាច្រើនប្រភេទដូចជា រថយន្តនីស្សាន់ រថយន្តទួរីសជាដើម បានសម្រុកដឹកទំនិញយ៉ាងសំពីងសំពោងទាំងក្នុងរថយន្ត និងបន្តុបលើដំបូលខ្ពស់កប់ពពក ហើយរថយន្តខ្លះបានផ្ទុកទំនិញច្រើនរហូតរកកល់មើលតួរថយន្តលែងឃើញទៅហើយ ។ ការដឹកជញ្ជូនយ៉ាងគគ្រឹកគគ្រេងបែបនេះ ត្រូវគេមើលឃើញកើតមានឡើងជារៀងរាល់ថ្ងៃនៅលើកំណាត់ផ្លូវជាតិលេខ១ ។
ប្រជាពលរដ្ឋបាននិយាយថា កាលពីមុននៅលើកំណាត់ផ្លូវជាតិលេខ១នេះ មានកុងត្រូលជជុះប្រមាណជិត១០កន្លែង ធ្វើឱ្យក្រុមរថយន្តដឹកទំនិញទាំងនេះមានការខ្លាចរអាមិនហា៊នផ្ទុកទំនិញច្រើនពេកនោះដែរ ព្រោះពេលដឹកច្រើនក៏អស់លុយតាមនឹងទេ ។ ប៉ុន្តែចាប់តាំងពីកុងត្រូលជជុះត្រូវហាមនោះមក ទើបក្រុមរថយន្តដឹកទំនិញទាំងនេះរីកមុខនាំគ្នាសម្រុកដឹកទំនិញសំពីងសំពោងស្ទើរតែបាក់រថយន្តទៅហើយក្នុង១ជើងៗ ធ្វើឱ្យអ្នកដំណើរតាមដងផ្លូវមានការព្រួយបារម្ភជាខ្លាំងពីសុវត្ថិភាព ។
ប្រជាពលរដ្ឋសំណូមពរដល់សមត្ថកិច្ចគ្រប់ជាន់ថ្នាក់សូមជួយពិនិត្យមើល និងចាត់ការលើរថយន្តផ្ទុកលើសចំណុះនេះផងដើម្បីសុវត្ថិភាពដល់អ្នកដំណើរតាមផ្លូវមួយខ្សែនេះ ៕
ចែករំលែកព័តមាននេះ