ខេត្តព្រះសីហនុ ៖ អង្គភាពនគរបាលបង្ក្រាបបទល្មើសលើផ្ទៃសមុទ្របានចុះពួនស្ទាក់ចាប់ទូកដឹកឈើល្មើសច្បាប់មួយគ្រឿងផ្ទុកឈើប្រណីតជាង៨ម៉ែត្រគូបធ្វើសកម្មភាពដឹកឈើចេញពីតំបន់ស្រុកស្រែអំបិល ខេត្តកោះកុង កាលពីថ្ងៃទី១៧ កញ្ញា ២០១២ វេលាម៉ោង២រំលងអធ្រាត្រឈានចូលថ្ងៃទី១៨ កញ្ញា ២០១២ ក្នុងគោលបំណងឆ្លងកាត់ឆ្នេរសមុទ្រខេត្តព្រះសីហនុ ឆ្ពោះទៅប្រទេសវៀតណាម ។
ខេត្តព្រះសីហនុ ៖ អង្គភាពនគរបាលបង្ក្រាបបទល្មើសលើផ្ទៃសមុទ្របានចុះពួនស្ទាក់ចាប់ទូកដឹកឈើល្មើសច្បាប់មួយគ្រឿងផ្ទុកឈើប្រណីតជាង៨ម៉ែត្រគូបធ្វើសកម្មភាពដឹកឈើចេញពីតំបន់ស្រុកស្រែអំបិល ខេត្តកោះកុង កាលពីថ្ងៃទី១៧ កញ្ញា ២០១២ វេលាម៉ោង២រំលងអធ្រាត្រឈានចូលថ្ងៃទី១៨ កញ្ញា ២០១២ ក្នុងគោលបំណងឆ្លងកាត់ឆ្នេរសមុទ្រខេត្តព្រះសីហនុ ឆ្ពោះទៅប្រទេសវៀតណាម ។
លោកវរសេនីយ៍ត្រី ឌឹម សំបូរ នាយសេនាធិការ និងលោកវរសេនីយ៍ទោ សាក់ សុវណ្ណ មេបញ្ជាការអង្គភាពបង្ក្រាបលើផ្ទៃសមុទ្រដែលមានទីតាំងស្ថិតនៅតាមបណ្តោយទំនប់កោះព្រាប ក្នុងភូមិ៣ សង្កាត់លេខ១ ក្រុងព្រះសីហនុ បានមានប្រសាសន៍ឱ្យដឹងដូចគ្នាថា ការចុះបង្ក្រាបបទល្មើសទូកដឹកឈើខុសច្បាប់លើផ្ទៃសមុទ្រនាពេលនេះ គឺអង្គភាពទទួលបានជោគជ័យដោយសារអង្គភាពបានប្រើប្រាស់កម្លាំងជំនាញសម្ងាត់តាមដានឈ្មួញរកស៊ីដឹកឈើខុសច្បាប់នេះជាយូរណាស់មកហើយ និងដោយទទួលបានបទបញ្ជាដ៏តឹងរឹងរបស់លោកឧត្តមសេនីយ៍ទោ តេង សួន ប្រធាននាយកដ្ឋាននគរបាលព្រំដែនទឹកក៏ដូចជាអនុវត្តទៅតាមបទបញ្ជារបស់លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ ។
លោកវរសេនីយ៍ទោ សាក់ សុវណ្ណ បានឱ្យដឹងទៀតថា ក្រោយពីកម្លាំងជំនាញបណ្តាញសម្ងាត់របស់អង្គភាពបង្ក្រាបបទល្មើសលើផ្ទៃសមុទ្របានរាយការណ៍អំពីករណីបទល្មើសទូកដឹកឈើអនាធិបតេយ្យមួយគ្រឿងបានចេញដំណើរពីតំបន់ស្រុកស្រែអំបិល ខេត្តកោះកុង ឆ្លងកាត់តាមឆ្នេរសមុទ្រខេត្តព្រះសីហនុ ។ ក្នុងនាមអង្គភាពបង្ក្រាបបទល្មើសឈើលើផ្ទៃសមុទ្រក៏បានសហការជាមួយកម្លាំងនគរបាលប៉ុស្តិ៍ព្រំដែនទឹកកែវផុសនៃវរសេនាតូចលេខ២៦៩ បានចេញពួនស្ទាក់នូវចំណុចមុខភូមិកែវផុស ស្រុកស្ទឹងហាវ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ