ខេត្តបាត់ដំបង ៖ បុរសវ័យ៥០ឆ្នាំប្លាយម្នាក់ដែលតាំងខ្លួនជាគ្រូពេទ្យប្រចាំមូលដ្ឋានត្រូវសមត្ថកិច្ចចាប់ឃាត់ខ្លួនក្រោយពីមានបណ្តឹងចោទថា គាត់បានប្រើជំនាញមិនច្បាស់លាស់ចាក់ថ្នាំឱ្យស្ត្រីមានផ្ទៃពោះ៨ខែម្នាក់ បណ្តាលឱ្យស្លា.ប់កាលពីល្ងាចថ្ងៃទី១៥ កញ្ញា នៅភូមិចំការតាប៊ុន ឃុំជ្រៃសីម៉ា ស្រុកសំពៅលូន ។
ខេត្តបាត់ដំបង ៖ បុរសវ័យ៥០ឆ្នាំប្លាយម្នាក់ដែលតាំងខ្លួនជាគ្រូពេទ្យប្រចាំមូលដ្ឋានត្រូវសមត្ថកិច្ចចាប់ឃាត់ខ្លួនក្រោយពីមានបណ្តឹងចោទថា គាត់បានប្រើជំនាញមិនច្បាស់លាស់ចាក់ថ្នាំឱ្យស្ត្រីមានផ្ទៃពោះ៨ខែម្នាក់ បណ្តាលឱ្យស្លាប់កាលពីល្ងាចថ្ងៃទី១៥ កញ្ញា នៅភូមិចំការតាប៊ុន ឃុំជ្រៃសីម៉ា ស្រុកសំពៅលូន ។
លោកឈិត សេង នាយផ្នែកព្រហ្មទណ្ឌអធិការដ្ឋានស្រុកសំពៅលូន បានឱ្យដឹងថា ជនត្រូវចោទឈ្មោះទូច ពិចិត្រ អាយុ៥១ឆ្នាំ គាត់គ្មានជំនាញ ឬមានឯកសារណាដែលបញ្ជាក់ថា គាត់ជាគ្រូពេទ្យទេ គ្រាន់តែជាអ្នកលក់ដូរ និងចេះផ្សំថ្នាំពេទ្យតិចតួចសម្រាប់លក់ប៉ុណ្ណោះ ។ លោកឈិត សេង បន្តថា បុរសនេះត្រូវសមត្ថកិច្ចរបស់លោកឃាត់ខ្លួនកាលពីរសៀលថ្ងៃទី១៧ កញ្ញា ក្រោយពីមានការប្តឹងចោទថា គាត់បានប្រើប្រាស់ជំនាញមិនច្បាស់លាស់ចាក់ថ្នាំបញ្ចុះកម្តៅឱ្យស្ត្រីមានផ្ទៃពោះ៨ខែម្នាក់ឈ្មោះចាន់ ធី អាយុ៤៧ឆ្នាំ បំណងព្យាបាលតែភ្លាត់ស្នៀតបណ្តាលឱ្យស្លឈាមស្លាប់ភ្លាមៗនៅនឹងផ្ទះគ្រូពេទ្យនេះតែម្តង ។
តាមការស្រង់សំដីពីសាច់ញាតិជនរងគ្រោះថា មុនពេលនាំស្ត្រីរងគ្រោះទៅសុំជំនួយពីគ្រូពេទ្យប្រចាំមូលដ្ឋានខាងលើ គឺអ្នកជំងឺគ្រាន់តែមានអាការរោយ.ក និងវិលមុខតិចៗ ។ សមត្ថកិច្ចបានស្រង់សម្តីទៀតថា ស្ត្រីរងគ្រោះនូវអាចនិយាយលេងបានគ្មានអ្វីធ្ងន់ធ្ងរទេមុនពេលនាំទៅដល់ផ្ទះគ្រូពេទ្យចិត្រ លុះក្រោយពីគ្រូពេទ្យចិត្រចាក់ថ្នាំហើយស្រាប់តែស្លឈាមប្រកាច់ស្លាប់ភ្លាមៗតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ