ខេត្តស្វាយរៀង ៖ ដើម្បីឱ្យអ្នកប្រើប្រាស់ឡជីវឧស្ម័នទាំងអស់កាន់តែមានទំនុកចិត្តមកលើកម្មវិធីឡជីវឧស្ម័នថែមទៀត អង្គការភីផលអីុននីត (ភីន) បានសហការជាមួយកម្មវិធីឡជីវឧស្ម័នថ្នាក់ជាតិរបស់ក្រសួងកសិកម្មរុក្ខាប្រមាញ់ និងនេសាទបង្កើតបានជាគម្រោងរៀបចំបណ្តាញអ្នកប្រើប្រាស់ឡជីវឧស្ម័នមួយដែលមានរយៈពេល៣ឆ្នាំ គិតចាប់ពីឆ្នាំ២០១១ដល់២០១៣ នៅក្នុងខេត្តចំនួន៤រួមមានតាកែវ ព្រៃវែង ស្វាយរៀង និងកំពត។ គម្រោងនេះបង្កើតឡើងក្នុងគោលបំណងដើម្បីឱ្យអ្នកប្រើប្រាស់ឡជីវឧស្ម័នទទួលបានសេវាកម្មក្រោយពេលជាវប្រកបដោយគុណភាព និងអាចទាញផលប្រយោជន៍សេដ្ឋកិច្ចពីឡជីវឧស្ម័នរបស់ខ្លួនជាអតិបរមា ។
តាមការឱ្យដឹងពី លោកប៊ុន ពេញភ័ក្ត្រ អ្នកសម្របសម្រួលគម្រោងរបស់អង្គការភីន បានបញ្ជាក់ថា មកដល់ពេលនេះគម្រោងបានគាំទ្រដល់កម្មវិធីឡជីវឧស្ម័នបានចំនួន២ខេត្តហើយ គឺខេត្តស្វាយរៀង និងតាកែវ ។ ដោយឡែកចំពោះខេត្តស្វាយរៀង គម្រោងបានសម្រេចរៀបចំបណ្តាញអ្នកប្រើប្រាស់ឡជីវឧស្ម័នចំនួន១៥ បណ្តាញក្នុងស្រុកចំនួន៤ និងក្រុង១ គឺស្រុករមាសហែក ស្វាយទាប ស្វាយជ្រំ កំពង់រោទិ៍ និងក្រុងបាវិត ដោយអ្នកប្រើប្រាស់ឡជីវឧស្ម័នចំនួន៧៥០គ្រួសារ នឹងត្រូវទទួលបានផលប្រយោជន៍ពីគម្រោងនេះ ។ មន្ត្រីដដែលបន្តទៀតថា សកម្មភាពសំខាន់ៗក្នុងការរៀបចំបណ្តាញអ្នកប្រើប្រាស់ឡជីវឧស្ម័ននេះ គឺនៅតាមបណ្តាញនីមួយៗនឹងត្រូវរៀបចំឱ្យមានជាដេប៉ូលក់គ្រឿងបន្លាស់ ឡ ជាងជួសជុលឡ និងគ្រូបង្គោលសម្រាប់ការបណ្តុះបណ្តាលអំពីការប្រើប្រាស់ជីកាកសំណល់ឡជីវឧស្ម័នដែលជាតួនាទីសំខាន់ក្នុងការផ្តល់សេវាកម្មទៅដល់អ្នកប្រើប្រាស់ឡ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ