ខេត្តប៉ៃលិន ៖ បុរសអនាថាម្នាក់ត្រូវបានគេស្គាល់ថា ជាជនជាតិថៃ តែមិនដឹងជារសាត់អណ្តែតមកពីខេត្តណាមួយនោះទេ ដោយបុរសរូបនេះបានមកដេកសម្រាកជ្រកនៅក្បែរជញ្ជាំងអតីតសាលាឯកជន (យូអេស) ទល់មុខនឹងធនាគារអេស៊ីលីដា គ្មានពាក់អាវមានតែខោមួយចង្កេះ ស្ថិតក្នុងភូមិប៉ាហ៊ីត្បូង សង្កាត់ប៉ៃលិន កាលពីវេលាម៉ោង៥និង៤០នាទីល្ងាចថ្ងៃទី១៨ កញ្ញា ២០១២ ។
ខេត្តប៉ៃលិន ៖ បុរសអនាថាម្នាក់ត្រូវបានគេស្គាល់ថា ជាជនជាតិថៃ តែមិនដឹងជារសាត់អណ្តែតមកពីខេត្តណាមួយនោះទេ ដោយបុរសរូបនេះបានមកដេកសម្រាកជ្រកនៅក្បែរជញ្ជាំងអតីតសាលាឯកជន (យូអេស) ទល់មុខនឹងធនាគារអេស៊ីលីដា គ្មានពាក់អាវមានតែខោមួយចង្កេះ ស្ថិតក្នុងភូមិប៉ាហ៊ីត្បូង សង្កាត់ប៉ៃលិន កាលពីវេលាម៉ោង៥និង៤០នាទីល្ងាចថ្ងៃទី១៨ កញ្ញា ២០១២ ។
អ្នករត់ម៉ូតូឌុបដែលចតនៅក្បែរសាលារៀននេះឱ្យដឹងថា បុរសអនាថាម្នាក់នេះជាជនជាតិថៃ មានអាយុប្រហែល៤០ឆ្នាំ កម្ពស់ប្រហែល១,៧០ម៉ែត្រ សម្បុរស្រអែម សក់ខ្លី គ្មានអាវ ស្លៀកខោជើងវែង ពណ៌កាហ្វេ ត្រូវបានគេប្រទះឃើញដើររសាត់អណ្តែតអស់ពេលជាច្រើនថ្ងៃមកហើយ ដើរដេកនៅកន្លែងនេះម្តង នៅកន្លែងនោះម្តង និងចេះនិយាយភាសាខ្មែរតិចតួច ។ ប្រភពបន្តទៀតថា នៅល្ងាចថ្ងៃទី១៨ កញ្ញា ២០១២ គេឃើញបុរសរូបនេះហាក់ដូចជាមានជំងឺនៅក្នុងខ្លួនដេករងារញាក់ញ័រគួរឱ្យអាណិតអាសូរពេលខ្លះអ្នកលក់ដូរនៅក្បែរនោះឃើញក៏ឱ្យបាយទឹកសម្រាប់ទទួលទាន ជួនកាលបុរសរូបនេះដើរដេកជ្រកនៅតាមសំយាផ្ទះរបស់គេសុំបាយគេហូបផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ