រាជធានីភ្នំពេញ ៖ សាសនិកអ៊ិស្លាមដែលទទួលបានជ័យលាភីលើការប្រឡងទន្ទេញគម្ពីរអាល់គួរអានប្រចាំឆ្នាំលើកទី ១ នៅទូទាំងប្រទេសត្រូវបានធ្វើពិធីចែករង្វាន់កាលពីរសៀលថ្ងៃទី១៦ កញ្ញា ២០១២ ក្រោមអធិបតីភាពលោកឧកញ៉ាអូស្មាន ហាស្សាន់ រដ្ឋលេខាធិ ការក្រសួងការងារ និងបណ្តុះបណ្តាលវិជ្ជាជីវៈ ជាប្រធានអង្គការមូលនិធិអភិវឌ្ឍន៍មូស្ល៊ីមកម្ពុជា ។
រាជធានីភ្នំពេញ ៖ សាសនិកអ៊ិស្លាមដែលទទួលបានជ័យលាភីលើការប្រឡងទន្ទេញគម្ពីរអាល់គួរអានប្រចាំឆ្នាំលើកទី ១ នៅទូទាំងប្រទេសត្រូវបានធ្វើពិធីចែករង្វាន់កាលពីរសៀលថ្ងៃទី១៦ កញ្ញា ២០១២ ក្រោមអធិបតីភាពលោកឧកញ៉ាអូស្មាន ហាស្សាន់ រដ្ឋលេខាធិ ការក្រសួងការងារ និងបណ្តុះបណ្តាលវិជ្ជាជីវៈ ជាប្រធានអង្គការមូលនិធិអភិវឌ្ឍន៍មូស្ល៊ីមកម្ពុជា ។
ពិធីនេះបានរៀបចំឡើងនៅមជ្ឈមណ្ឌលម៉ូដេន៥ ស្ថិតនៅសង្កាត់ឫស្សីកែវ ខណ្ឌឫស្សីកែវ ដោយមានការអញ្ជើញចូលរួមពីលោកវេជ្ជបណ្ឌិតសុះ មុះសិន រដ្ឋលេខាធិការក្រសួងធម្មការ និងសាសនា ជាអនុប្រធានអង្គការមូលនិធិអភិវឌ្ឍន៍មូស្ល៊ីមកម្ពុជា ព្រមទាំងតំណាងសមាគមសម្របសម្រួលរដ្ឋគុយវ៉ែត និងសមាគមសប្បុរសធម៌ដើម្បីអភិវឌ្ឍន៍កម្ពុជា និងសាសនិកអ៊ិស្លាម សិស្សានុសិស្សអ៊ិស្លាមយ៉ាងច្រើនកុះករ ។
លោកមហាម៉ាត់ ស៊ុលតន តំណាងសមាគមសម្របសម្រួលរដ្ឋគុយវ៉ែត និងជាទីប្រឹក្សាសមាគមសប្បុរសធម៌ ដើម្បីអភិវឌ្ឍន៍កម្ពុជាបានឱ្យដឹងថា ការប្រឡងទន្ទេញ «គម្ពីអាល់គួរអាន» ប្រចាំឆ្នាំលើកទី ១ នេះមានបេក្ខជនចូលរួមប្រឡងចំនួន៥២០នាក់ នៅទូទាំងប្រទេសដែលមកពី១៧ខេត្ត និង១៦សាលាអ៊ិស្លាម ហើយត្រូវបានប្រឡងជ្រើសរើសដោយមានការលំបាក ទទួលចំណាត់ថ្នាក់តែចំនួន៩០នាក់។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ