រាជធានីភ្នំពេញ ៖ លោក PRABOWO SUBIANTO អតីតឧត្តមសេនីយ៍ឯក ឥណ្ឌូណេស៊ី និងជាប្រធានគណបក្សចលនាឆ្នើមឥណ្ឌូណេស៊ីបានមានប្រសាសន៍ថា ទស្សនកិច្ចរបស់លោកមកកាន់ប្រទេសកម្ពុជានាពេលនេះ គឺជាការវិលត្រឡប់មកកាន់ប្រទេសមួយដែលលោកធ្លាប់បានមក ធ្លាប់មានមនោសញ្ចេតនាជាមួយ ហើយនេះជាដំណើរទស្សនកិច្ចថ្មី បន្ទាប់ពីឃ្លាតឆ្ងាយរយៈពេល១៦ឆ្នាំកន្លងមក ។
រាជធានីភ្នំពេញ ៖ លោក PRABOWO SUBIANTO អតីតឧត្តមសេនីយ៍ឯក ឥណ្ឌូណេស៊ី និងជាប្រធានគណបក្សចលនាឆ្នើមឥណ្ឌូណេស៊ីបានមានប្រសាសន៍ថា ទស្សនកិច្ចរបស់លោកមកកាន់ប្រទេសកម្ពុជានាពេលនេះ គឺជាការវិលត្រឡប់មកកាន់ប្រទេសមួយដែលលោកធ្លាប់បានមក ធ្លាប់មានមនោសញ្ចេតនាជាមួយ ហើយនេះជាដំណើរទស្សនកិច្ចថ្មី បន្ទាប់ពីឃ្លាតឆ្ងាយរយៈពេល១៦ឆ្នាំកន្លងមក ។
លោកអតីតឧត្តមសេនីយ៍ឯក ឥណ្ឌូណេស៊ី បានមានប្រសាសន៍បែបនេះនារសៀលថ្ងៃទី១៨ កញ្ញា ២០១២ ក្នុងឱកាសដែលលោកត្រូវបានអនុញ្ញាតចូលជួបសម្តែងការគួរសមជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅអគារវិមានសន្តិភាព ខណៈពេលដែលលោកមកបំពេញទស្សនកិច្ចនៅកម្ពុជា ។
លោក PRABOWO SUBIANTO មានប្រសាសន៍បន្តថា លោកបានកត់សម្គាល់ឃើញប្រទេសកម្ពុជាមានការអភិវឌ្ឍន៍ដែលមិននឹកស្មានដល់ លោកបានសម្តែងនូវការកោតសរសើរ និងវាយតម្លៃខ្ពស់ចំពោះវីរភាពដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ហើយលោកបានជំរាបសម្តេចតេជោនាយករដ្ឋមន្ត្រីថា នៅពេលដែលលោកមកដល់កម្ពុជា លោកបានចងចាំនូវរាល់អនុស្សាវរីយ៍ទាំងឡាយដែលលោកធ្លាប់មាន និងធ្វើឱ្យលោកមានក្តីសប្បាយរីករាយយ៉ាងខ្លាំង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ