ខេត្តកំពង់ចាម ៖ ក្រោមការតាមប្រមាញ់របស់សមត្ថកិច្ចទីបំផុត២នាក់ ម្តាយ និងកូនប្រុសម្នាក់ជាជនជាតិខ្មែរអ៊ិស្លាម រស់នៅភូមិសមរម្យ ឃុំរកាពប្រាំ ស្រុកត្បូងឃ្មុំ ត្រូវបានចាប់ឃាត់ខ្លួនកាលពីវេលាម៉ោង៥ល្ងាចថ្ងៃទី១៧ កញ្ញា ២០១២ ដោយរឹបអូសបានថ្នាំញៀនក្រាមពណ៌ស ចំនួន៣២កញ្ចប់ ទូរស័ព្ទដៃ៥គ្រឿង ដែកកេះ៦ ឧបករណ៍សេពគ្រឿងញៀ.ន ព្រមទាំងលុយមួយចំនួនផងដែរ ។
ខេត្តកំពង់ចាម ៖ ក្រោមការតាមប្រមាញ់របស់សមត្ថកិច្ចទីបំផុត២នាក់ ម្តាយ និងកូនប្រុសម្នាក់ជាជនជាតិខ្មែរអ៊ិស្លាម រស់នៅភូមិសមរម្យ ឃុំរកាពប្រាំ ស្រុកត្បូងឃ្មុំ ត្រូវបានចាប់ឃាត់ខ្លួនកាលពីវេលាម៉ោង៥ល្ងាចថ្ងៃទី១៧ កញ្ញា ២០១២ ដោយរឹបអូសបានថ្នាំញៀនក្រាមពណ៌ស ចំនួន៣២កញ្ចប់ ទូរស័ព្ទដៃ៥គ្រឿង ដែកកេះ៦ ឧបករណ៍សេពគ្រឿងញៀន ព្រមទាំងលុយមួយចំនួនផងដែរ ។
លោកវរសេនីយ៍ទោ សោម រស់ ប្រធានការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តប្រាប់ឱ្យដឹងថា ជនសង្ស័យ២នាក់ម្តាយ និងកូនដែលត្រូវបានឃាត់ខ្លួននោះមាន ១-ឈ្មោះអន សឿន ហៅស្លេះ ម៉ារី ភេទស្រី អាយុ៤៧ឆ្នាំ និងកូនប្រុសឈ្មោះសាក់ រ៉នី អាយុ១៧ឆ្នាំ រស់នៅភូមិ-ឃុំខាងលើ ត្រូវបានបញ្ជូនទៅកាន់ស្នងការដ្ឋាននគរបាលខេត្ត ដើម្បីសួរនាំតាមចាប់មេខ្លោង ។ លោកវរសេនីយ៍ទោ សោម រស់ ប្រាប់បន្តថា ដោយមានការណែនាំពីលោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត និងលោកវរសេនីយ៍ឯក ជឹម សេងហុង ស្នងការរងនគរបាលខេត្ត ទទួលផែនយុត្តិធម៌ក្នុងពេលប្រជុំម្តងៗ តែងឱ្យការិយាល័យជំនាញប្រឆាំងគ្រឿងញៀនខេត្តត្រូវតែយកចិត្តទុកដាក់ចុះបង្ក្រាបគ្រឿងញៀននៅគ្រប់ស្រុក ក្រុងទាំង១៧ ធ្វើយ៉ាងណាសម្រាប់គោលដៅភូមិ-ឃុំមានសុវត្ថិភាពគ្មានគ្រឿងញៀន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ