ការវិលត្រឡប់ជាថ្មីនៃសៀវភៅ គីនណេស វើល អហ្វ រីខត ២០១៣ ធ្វើឱ្យមនុស្សទូទៅគ្មានការខកខាននឹងបានដឹងពីរឿងរ៉ាវចម្លែកៗនៅលើពិភពលោក ។ខាងក្រោមនេះគឺជាផ្នែកមួយនៃការរៀបរាប់វត្ថុចម្លែកៗប្រចាំឆ្នាំ២០១៣ដែលចុះផ្សាយក្នុងសៀវភៅកំណត់ត្រាប្រវត្តិសាស្រ្តគីនណេសប៊ុក។
ការវិលត្រឡប់ជាថ្មីនៃសៀវភៅ គីនណេស វើល អហ្វ រីខត ២០១៣ ធ្វើឱ្យមនុស្សទូទៅគ្មានការខកខាននឹងបានដឹងពីរឿងរ៉ាវចម្លែកៗនៅលើពិភពលោក ។ខាងក្រោមនេះគឺជាផ្នែកមួយនៃការរៀបរាប់វត្ថុចម្លែកៗប្រចាំឆ្នាំ២០១៣ដែលចុះផ្សាយក្នុងសៀវភៅកំណត់ត្រាប្រវត្តិសាស្រ្តគីនណេសប៊ុក។
១-ឆ្កែខ្ពស់បំផុតនៅលើពិភពលោកដែលនៅមានជីវិតរស់នៅ
«ស៊ូស»ជាឆ្កែពូជហ្គ្រេតដេន នៅសហរដ្ឋអាមេរិកដោយមានកម្ពស់ប្រហែល១,១៨ម៉ែត្រ និងមានរហស្សនាមថា«ជាឆ្កែឬសេះ» ។
២- សត្វសេកពាំបាល់ដាក់សំណាញ់ទីបានច្រើនបំផុត
ស៊ែក ជាឈ្មោះរបស់ សេក ម្ចាស់ឯតទគ្គកម្មពិភពលោកដែលគ្មាននរណាម្នាក់នឹកស្មានដល់ថា នឹងជាប់ចំណាត់ថ្នាក់ពិភពលោក។ សេកមកពីក្រុងសានចូហ្សេសហរដ្ឋអាមេរិកមួយក្បាលនេះ អាចពាំទម្លាក់គ្រាប់បាល់បោះទំហំតូចដាក់ក្នុងសំណាញ់ទី បានដល់ទៅ២២លើកក្នុងរយៈពេល១នាទី ។
៣- ឧទ្ធម្ភាគចក្រតូចបំផុតនៅលើពិភពលោក
ឧទ្ធម្ភាគចក្រស៊េរី GEN H-4 ផលិតដោយក្រុមហ៊ុនផេន ខូផរ៉េសិន របស់ជប៉ុនមានកង្ហារប្រវែង៣,៩ម៉ែត្រ មានកន្លែងអង្គុយតែមួយ ម៉ាស៊ីនមួយ និងមានទម្ងន់៦៩,៣គីឡូក្រាម ។
៤- បុរសមានសាច់ដុំធំបំផុតនៅលើពិភពលោក
លោកមូស្តាហ្វា អីុស្មាអីុល មានប្រភពនៅ អេហ្ស៊ីប មានរហស្សនាមថា «បុរសសាច់ដុំយក្ស» ។ សាច់ដុំបុរសនេះមានទំហំធំប្រហាក់ប្រហែលនឹងចង្កេះបុរសធម្មតាម្នាក់ ។ ទម្រាំនឹងទទួលបានសាច់ដុំដ៏ធំបែបនេះ គេត្រូវហាត់ប្រាណដល់ទៅ៦ថ្ងៃក្នុងមួយសប្តាហ៍ ជាបន្តបន្ទាប់រយៈពេល១១ឆ្នាំ រួមទាំងទទួលទានចំនួន៦ពេលក្នុងមួយថ្ងៃ ។
៥-សេះខ្ពស់បំផុតនៅលើពិភពលោក
ការមានកម្ពស់ដល់ទៅ២,១០ម៉ែត្ររបស់សេះមួយក្បាលធ្វើឱ្យគេឆ្ងល់ថា តើម្ចាស់របស់វាឡើងជិះលើខ្នងបានដូចម្តេច?
៦- មនុស្សចោះមុខច្រើនបំផុតនៅលើពិភពលោក
គ្មាននរណាម្នាក់នឹកស្មានថា នៅលើពិភពលោកនេះមានមនុស្សចម្លែកលើកសម្រស់នៅលើផ្ទៃមុខបែបនេះឡើយ ។
លោកអ៊ែអេសេល រ៉ូសាឡេស នៅទីក្រុងវីលឡា ម៉ារីយ៉ា ប្រទេសអាហ្សង់ទីន ក្លាយជាម្ចាស់ឯតទគ្គកម្មពិភពលោកគួរឱ្យភ័យខ្លាចម្នាក់ ដោយចំនួនរន្ធចោះនៅលើផ្ទៃមុខមានដល់ទៅ ២៨០
រន្ធ ។គេឆ្ងល់ថា តើនៅពេលបុរសនោះដោះក្រវិលចេញពីលើមុខក្នុងមួយលើកៗត្រូវចំណាយពេលយូរប៉ុន្មាន?
៧- គោទាបបំផុតនៅលើពិភពលោក
ម្ចាស់ឯតទគ្គកម្មគោទាបបំផុត គឺគោមួយក្បាលមានកម្ពស់៧៦សង្ទីម៉ែត្រ ដោយវាស់ពីបូកដល់ជើង ។ គោនោះពូជដិកទ័រ (Dexter) ពីប្រទេសអៀរឡង់ខាងជើង ហើយមានចរិតស្លូតគួរឱ្យស្រឡាញ់ ។
៨- ម្ចាស់ប្រជុំម៉ូដស្បែកជើងច្រើនបំផុតនៅលើលោក
ស្បែកជើងជាច្រើនគូជារបស់នាង ដាលីន ភ្លីន ធ្វើឱ្យនាងជាប់ឈ្មោះជាអ្នកលេងម៉ូដស្បែកជើងច្រើនបំផុតក្នុងលោក ។
នាង ដាលីន យល់ថា ស្បែកជើងធ្វើឱ្យមនុស្សស្រស់ស្អាត និងមានលក្ខណៈជាស្រ្តីភេទ ដូច្នេះហើយនាងចូលចិត្តលេងម៉ូដស្បែកជើង អស់រយៈពេលជាង១២ឆ្នាំមកហើយ ។បច្ចុប្បន្ននាង ដាលីន មានស្បែកជើងគ្រប់ប្រភេទដល់ទៅ ១៥.៦៦៥គូ ។
៩- ពាណិជ្ជករក្មេងជាងគេបំផុតនៅលើលោក
លោកចន វ៉ាង ក្លាវ នៅរដ្ឋញូវហេមសៀសហរដ្ឋអាមេរិក បានឆ្លងកាត់ការប្រលងជាពាណិជ្ជករ ដែលរៀបចំដោយស្ថាប័នហិរញ្ញវត្ថុ កាលពីខែសីហា ២០១១ និងក្លាយជាពាណិជ្ជករ ស្របច្បាប់រយៈពេលតែប៉ុន្មានថ្ងៃក្រោយពីបញ្ចប់ការប្រលងនៅពេលគេមានអាយុត្រឹមតែ១៧ឆ្នាំ និង៧៧ថ្ងៃប៉ុណ្ណោះ ។
១០-សាច់ក្រកធំបំផុតនៅលើពិភពលោក
សាច់ក្រក ឬHot Dog ដែលបង្ហាញនេះមានទម្ងន់៣,៧គីឡូក្រាម ជាផលិតផលរបស់ហាងហ្គ័រវីលឡា ថេងហ្គោ ណូវែលទី មីត ក្នុងទីក្រុងស៊ីកាហ្គោ សហរដ្ឋអាមេរិក បានផលិតលក់ជូនអតិថិជនសម្រាប់ទទួលទាន ប៉ុន្តែជាប់ឯតទគ្គកម្មពិភពលោក ៕
ចែករំលែកព័តមាននេះ