ខេត្តបាត់ដំបង ៖ ប្រតិភូកងទ័ពប្រជាជន វៀតណាមភូមិភាគទី៧ប្រមាណ១០០នាក់ មកពីទីក្រុងហូជីមិញ ក្នុងនោះមានក្រុមសិល្បៈ និងក្រុមគ្រូពេទ្យផង បានចុះជួយព្យាបាលជំងឺដល់ប្រជាជន និងគ្រួសារកងទ័ពកម្ពុជា ក្នុងស្រុកសំឡូត ឯក្រុមសិល្បៈបានសម្តែងនៅបញ្ជាការដ្ឋានយោធភូមិភាគទី៥ក្នុងខេត្តបាត់ដំបង ឲ្យកងទ័ព និងប្រជាជនទស្សនា ។
ខេត្តបាត់ដំបង ៖ ប្រតិភូកងទ័ពប្រជាជន វៀតណាមភូមិភាគទី៧ប្រមាណ១០០នាក់ មកពីទីក្រុងហូជីមិញ ក្នុងនោះមានក្រុមសិល្បៈ និងក្រុមគ្រូពេទ្យផង បានចុះជួយព្យាបាលជំងឺដល់ប្រជាជន និងគ្រួសារកងទ័ពកម្ពុជា ក្នុងស្រុកសំឡូត ឯក្រុមសិល្បៈបានសម្តែងនៅបញ្ជាការដ្ឋានយោធភូមិភាគទី៥ក្នុងខេត្តបាត់ដំបង ឲ្យកងទ័ព និងប្រជាជនទស្សនា ។
នៅវេលាម៉ោង៤និង៣០នាទីរសៀលថ្ងៃទី១៦ កញ្ញា នៅសាលប្រជុំរបស់យោធភូមិភាគទី៥ក្នុងខេត្តបាត់ដំបង លោកឧត្តម សេ នីយ៍ឯក ប៊ុន សេង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៥ ព្រមទាំងមេបញ្ជាការរង និងនាយការិ យាល័យ បានទទួលស្វាគមន៍ប្រតិភូកងទ័ពវៀតណាម ដឹកនាំដោយលោកវរសេនីយ៍ឯកង្វៀន មិញហ្វ៊ាង ។
លោកឧត្តមសេនីយ៍ឯកប៊ុន សេង ថ្លែងថា ពេលនេះជាខួបលើទី៤៥ ក្នុងការរំលឹកអនុស្សាវរីយ៍ និងកិច្ចការងារទូតរវាងប្រទេសទាំងពីរ កម្ពុជា-វៀតណាម ហើយយើងតែងតែជួយគ្នាទៅវិញទៅមកជាប្រចាំក្នុងនាមបងប្អូនដែលមានរបងព្រំដែនជាប់គ្នា ។ កន្លងមក យើងបានសហការគ្នាជាមួយអង្គភាព K70 និង K 71 ក្នុងការរុករកអដ្ឋិធាតុកងទ័ពស្ម័គ្រចិត្តវៀតណាម មកជួយកម្ពុជាក្នុងទិសយោធភូមិភាគទី៥នេះ បានចំនួន៣២៣នាក់ និងបានប្រគល់ឲ្យទៅក្រុមគ្រួសារនៅឯប្រទេសវៀតណាមវិញ ។
ជាមួយនេះ បានរួមសហការជាមួយកងទ័ពប្រជាជនវៀតណាមភូមិភាគទី៩ ជួយសាងសង់អគារសាលាហ្វឹកហាត់របស់កងទ័ព មន្ទីរពេទ្យ និងបណ្តុះបណ្តាលនាយទាហាន នាយទាហានរង និងពលទាហានក្នុងការហ្វឹកហាត់ និងបច្ចេកទេសក្នុងការការប្រើប្រាស់អាវុធគ្រប់ធុន រថពាសដែក ហើយទទួលយកទៅបំប៉នបន្ថែមបណ្តុះបណ្តាលនៅប្រទេសវៀតណាមជារៀងរាល់ឆ្នាំថែម
ទៀត ។
លោកឧត្តមសេនីយ៍ឯកបន្តទៀតថា កងទ័ពកម្ពុជាបានរួមសហការជាមួយអគ្គកុងស៊ុល ក្នុងការគ្រប់គ្រងយកចិត្តទុកដាក់លើប្រជាជនវៀតណាមនៅក្នុងភូមិសាស្រ្តនេះ ឲ្យមានទំនាក់ទំនងល្អ សំខាន់គឺទប់ស្កាត់ការញុះញង់ពីពួកអមិត្តដែលដើរបំផុសឲ្យកើតមានបញ្ហាព្រំដែនរវាងកម្ពុជា និងវៀតណាម ។ លោកសូមអបអរសាទរផងដែរ ចំពោះគណៈប្រតិភូ ហើយនេះជាលើកទីមួយដែលប្រតិភូកងទ័ពប្រជាជនវៀតណាមភូមិភាគទី៧មានវត្តមានទាំងវិស័យសិល្បៈ និងគ្រូពេទ្យស្ម័គ្រចិត្ត ដើម្បីពង្រឹងសម្ព័ន្ធមេត្រីភាពរវាងកងទ័ពយើងឲ្យកាន់តែមានភាពជិតស្និទ្ធថែមទៀត ។
លោកវរសេនីយ៍ឯក ង្វៀន មិញហ្វ៊ាង មានប្រសាសន៍ថា ដោយមានការផ្តាំផ្ញើពីលោកមេបញ្ជាការភូមិភាគទី៧របស់កងទ័ពវៀតណាម និងមានការអនុញ្ញាតពីក្រសួងការពារជាតិនៃប្រទេសទាំងពីរ ទើបមានវត្តមានប្រតិភូលោកមកដល់ទីនេះ ។ កម្ពុជាមានការប្លែកយ៉ាងច្រើនក្នុងការអភិវឌ្ឍប្រទេសជាតិ បន្ទាប់ពីបានបញ្ចប់សង្គ្រាមរួចមកនោះ ហើយប្រទេសវៀតណាមក៏មានការអភិវឌ្ឍដូចគ្នាដែរ ដែលវិស័យសេដ្ឋកិច្ចនៅទីក្រុងហូជីមិញមានការកើនឡើង។
ជាមួយនេះ ក៏សូមសរសើរដល់កម្ពុជា ក្នុងការទទួលតំណែងធ្វើជាប្រធានអាស៊ាន និងធ្វើជាម្ចាស់ផ្ទះនៃកិច្ចប្រជុំកន្លងមកទទួលបានជោគជ័យបន្ទាប់មក មានកម្មវិធីសម្តែង សិល្បៈចាប់ពីម៉ោង៧យប់ដល់ម៉ោង៩ យប់ រួចហូបបាយសាមគ្គីរួមគ្នានៅក្នុងបញ្ជាការដ្ឋានយោធភូមិភាគទី៥នាយប់ថ្ងៃទី១៦ កញ្ញា លុះដល់ព្រឹកថ្ងៃទី១៧ កញ្ញា គណៈប្រតិភូ បន្តដំណើឆ្ពោះទៅសម្តែងនៅខេត្តសៀមរាបទៀត ៕
ចែករំលែកព័តមាននេះ