ខេត្តកណ្តាល ៖ រថយន្តដឹកសំពីងសំពោងមួយគ្រឿងដែលមើលទៅស្រដៀងគ្នានឹងការដឹកបំបែកឯតទគ្គកម្មពិភពលោកដែលងាយបង្កគ្រោះថ្នាក់បំផុត ត្រូវបានប៉ូលិសចរាចរក្រុងតាខ្មៅចាប់យកមកអប់រំ និងផាកពិន័យតាមផ្លូវច្បាប់ កាលពីវេលាម៉ោង៦និង៤០នាទីព្រឹកថ្ងៃទី១៧ កញ្ញា ដែលរថយន្តនេះធ្វើចរាចរណ៍តាមបណ្តោយផ្លូវលេខ២០៦ មកដល់មុខសាលាក្រុងតាខ្មៅ ។
ខេត្តកណ្តាល ៖ រថយន្តដឹកសំពីងសំពោងមួយគ្រឿងដែលមើលទៅស្រដៀងគ្នានឹងការដឹកបំបែកឯតទគ្គកម្មពិភពលោកដែលងាយបង្កគ្រោះថ្នាក់បំផុត ត្រូវបានប៉ូលិសចរាចរក្រុងតាខ្មៅចាប់យកមកអប់រំ និងផាកពិន័យតាមផ្លូវច្បាប់ កាលពីវេលាម៉ោង៦និង៤០នាទីព្រឹកថ្ងៃទី១៧ កញ្ញា ដែលរថយន្តនេះធ្វើចរាចរណ៍តាមបណ្តោយផ្លូវលេខ២០៦ មកដល់មុខសាលាក្រុងតាខ្មៅ ។
លោកឡាង លន់ អធិការរងក្រុងតាខ្មៅបានឱ្យដឹងថា រថយន្តដឹកសំពីងសំពោងនេះម៉ាកហ៊ីយ៉ាន់ដាយ២តោនកន្លះត្រូវសមត្ថកិច្ចចាប់យកអប់រំ និងផាកពិន័យតាមនីតិវិធី ។ រថយន្តនេះដឹកក្រដាសសម្បកឡាំងពេញខ្ពស់ពីទ្រុងប្រមាណ២ម៉ែត្រ និងលយចេញទៅសងខាងជិត១ម៉ែត្រមើលទៅគួរឱ្យភ័យជួស ខ្លាចក្រែងពេលបើកទៅរថយន្តមិនអាចទប់លំនឹងបានក្រឡាប់សង្កត់លើគេឯង ។
ថ្វីត្បិតដឹកក្រដាសសម្បកឡាំងមិនសូវធ្ងន់ក្តី តែការដឹកសំពីងសំពោងបែបនេះគឺវាងាយនឹងបង្កគ្រោះថ្នាក់ខ្លាំងបំផុតទាំងខ្លួនឯងនិងអ្នកដទៃ នៅពេលជួបហេតុការណ៍ដោយចៃដន្យណាមួយ ។ ការចាប់យកមកអប់រំ និងផាកពិន័យតាមផ្លូវច្បាប់បែបនេះក្នុងបំណងឱ្យអ្នកបើកបរមានការយល់ដឹងពីច្បាប់ចរាចរណ៍ និងមានការរាងចាលដើម្បីកាត់បន្ថយគ្រោះថ្នាក់ចរាចរណ៍បានមួយកម្រិត ។ លោកអធិការរងបានបន្តថា កន្លងមកប៉ូលិសចរាចរ ក្រុងតាខ្មៅធ្លាប់បានចាប់រថយន្តដឹកសំពីងសំពោងមកអប់រំណែនាំ និងផាកពិន័យឱ្យរាងចាលជាច្រើនលើកមកហើយ ។
ជាមួយគ្នានេះលោកបានអំពាវនាវដល់ប្រជាពលរដ្ឋប្រកបអាជីវកម្មដឹកទំនិញត្រូវអនុវត្តតាមការណែនាំកុំផ្ទុកឱ្យលើសចំណុះនិងសំពីងសំពោងជាហេតុបង្កការគ្រោះថ្នាក់ ។ ទោះជាមានការបង្ក្រាបបែបនេះក្តីនៅតែមានរថយន្តដឹកសំពីងសំពោងលួចធ្វើចរាចរណ៍ដដែល ៕
ចែករំលែកព័តមាននេះ