ខេត្តកំពង់ធំ ៖ នៅទីស្នាក់ការសាខាកាកបាទក្រហមកម្ពុជាខេត្ដ កាលពីព្រឹកថ្ងៃទី១៧ កញ្ញា មានរៀបចំកម្មវិធីទិវាពិភពលោកវិជា្ជសង្គ្រោះបឋមដោយមានការចូលរួមពីលោកឧត្ដមសេនីយ៍ត្រី ផាន់ សុផេង ស្នងការនគរបាលខេត្ដនិងជាសមាជិកគណៈកម្មាធិការសាខាកាកបាទក្រហមកម្ពុជាខេត្ដ លោកវេជ្ជបណ្ឌិតសុខ ឡុង នាយកនាយកដ្ឋានសុខភាពកាកបាទក្រហមកម្ពុជា លោកស្រី ងិន
ខេត្តកំពង់ធំ ៖ នៅទីស្នាក់ការសាខាកាកបាទក្រហមកម្ពុជាខេត្ដ កាលពីព្រឹកថ្ងៃទី១៧ កញ្ញា មានរៀបចំកម្មវិធីទិវាពិភពលោកវិជា្ជសង្គ្រោះបឋមដោយមានការចូលរួមពីលោកឧត្ដមសេនីយ៍ត្រី ផាន់ សុផេង ស្នងការនគរបាលខេត្ដនិងជាសមាជិកគណៈកម្មាធិការសាខាកាកបាទក្រហមកម្ពុជាខេត្ដ លោកវេជ្ជបណ្ឌិតសុខ ឡុង នាយកនាយកដ្ឋានសុខភាពកាកបាទក្រហមកម្ពុជា លោកស្រី ងិន ច័ន្ទសោភា ប្រធានការិយាល័យវិជា្ជសង្គ្រោះបឋម លោកហុក រិន អភិបាលក្រុងស្ទឹងសែន ព្រមទាំងមន្ដ្រីនានាជាច្រើនរូបទៀត ។
លោកវេជ្ជបណ្ឌិតសុខ ឡុង បានមានប្រសាសន៍ថា វិជ្ជាសង្គ្រោះបឋមគឺជាមុខវិជ្ជាដ៏មានសារសំខាន់មួយ ដែលយើងទាំងអស់គ្នាត្រូវសិក្សាដើម្បីទុកជាមូលដ្ឋានគ្រឹះសម្រាប់សង្គ្រោះបងប្អូនប្រជាពលរដ្ឋនៅក្នុងសហគមន៍ដែលរងគ្រោះថ្នាក់ផ្សេងៗដោយចៃដន្យមានដូចជា ខ្យល់គរស្ទះដង្ហើម បាក់ឆ្អឹង និងគ្រោះថ្នាក់ចរាចរណ៍ជាដើម មុនពេលគ្រូពេទ្យមកដល់ ឬបញ្ជូនអ្នករងគ្រោះទៅកាន់មន្ទីរពេទ្យ ។
សាខាកាកបាទក្រហមកម្ពុជាខេត្ដកំពង់ធំ បានប្រារព្វទិវាពិភពលោកវិជ្ជាសង្គ្រោះបឋមបានចំនួន៤លើករួចមកហើយគិតទាំងលើកនេះផង ដែលលើកទី១ក្នុងឆ្ន្ទាំ២០០៨ នៅមន្ទីរពេទ្យបង្អែកស្រុកស្ទោង លើកទី២នៅឆ្នាំ២០០៩ នៅទីលានសួនដំរីជាន់ខ្លាក្រុងស្ទឹងសែន លើកទី៣ ឆ្នាំ២០១០ នៅទីស្នាក់ការអនុសាខាកាកបាទក្រហមស្រុកបារាយណ៍ និងលើកទី៤ ប្រារព្ធធ្វើនៅទីស្នាក់ការសាខាកាកបាទក្រហមកម្ពុជាខេត្ដ ។ ការប្រារព្វទិវាពិភពលោកវិជ្ជាសង្គ្រោះបឋមនេះបានការជួយឧបត្ថម្ភគាំទ្រថវិកាពីកាកបាទក្រហមជប៉ុន តាមរយៈគម្រោងសង្គ្រោះបឋម ដំណាក់កាលទី២ ។
លោកផាន់ សុផេង បានថ្លែងសុន្ទរកថា ដោយគូសបញ្ជាក់ថា ការប្រារព្ធទិវានេះឡើងគឺដើម្បីអបអរសាទរទិវាពិភពលោកវិជ្ជាសង្គ្រោះបឋម ក្នុងគោលបំណងផ្សព្វផ្សាយឱ្យប្រជាពលរដ្ឋយល់ដឹងពីវិធីជួយសង្គ្រោះជនរងគ្រោះនៅក្នុងសហគមន៍របស់ខ្លួនឱ្យបានត្រឹមត្រូវនិងសុវត្ថិភាព មុនពេលគ្រូពេទ្យមកជួយសង្គ្រោះនិងមុនពេលបញ្ជូនទៅមន្ទីពេទ្យ ។ លោកបានកត់សម្គាល់ថា នៅក្នុងឆ្នាំ២០០៨ដល់ឆ្នាំ២០១០ថ្មីៗកន្លងទៅនេះ កាកបាទក្រហមជប៉ុន បានជួយកាកបាទក្រហមកម្ពុជាពង្រឹងការបណ្ដុះបណ្ដាលវិជ្ជាសង្គ្រោះបឋមនៅតាមសហគមន៍ ។
ឆ្លៀតក្នុងឱកាសនោះ លោកបានផ្ដាំផ្ញើដល់អ្នកស្ម័គ្រចិត្ដ និងយុវជនទាំងអស់ ជាពិសេសយុវជនកាកបាទក្រហមកម្ពុជា យុវជនកាយប្ញទ្ធិខេត្ដ និងយុវជនក្នុងសមាគមយុវជនកម្ពុជាខេត្ដដែលមានវត្ដមាននៅទីនេះ ក្រោយពីទទួលបាននូវវគ្គបណ្ដុះបណ្ដាលស្ដីពីវិជ្ជាសង្គ្រោះបឋម និងចូលរួមសកម្មភាពនៅក្នុងគម្រោងរបស់កាកបាទក្រហមកម្ពុជារួចហើយ សូមក្មួយៗយកចំណេះដឹងនេះទៅប្រើប្រាស់ឱ្យបានត្រឹមត្រូវនិងធ្វើការផ្សព្វផ្សាយបន្ដឱ្យបានទូលំទូលាយដល់សហគមន៍ប្រជាពលរដ្ឋ និងមិត្ដភក្តិនូវវិជា្ជសង្គ្រោះបឋមនេះផង ។ លោកក៏មិនភ្លេចទេក្នុងការត្រៀមខ្លួនជួយសង្គ្រោះប្រជាពលរដ្ឋក្នុងពេលមានគ្រោះធម្មជាតិទឹកជំនន់ ។
លោកផាន់ សុផេង មានប្រសាសន៍ថា នៅវេលាម៉ោង៧ព្រឹកថ្ងៃទី១៧ កញ្ញា ទឹកស្ទឹងសែនមានកម្ពស់១៣,១៥ម៉ែត្រ ហើយបើទឹកឡើងដល់កម្ពស់១៣,៦០ម៉ែត្រ យើងត្រូវប្រកាសអាសន្ន ដូច្នេះយើងត្រូវតែត្រៀមជើងព្រួលទុកឱ្យហើយរកមើលទីទួលសុវត្ថិភាពប្រុងប្រៀប ទូក កាណូត ក្បូន ពោង ដើម្បីជួយសង្គ្រោះប្រជាពលរដ្ឋ ។ ចំណែកអង្គភាពនគរបាលបានត្រៀមកម្លាំងចំនួន១ពាន់នាក់មានអូប៊័រ ទូក កាណូត ត្រៀមចាំជួយសង្គ្រោះ ។
ក្នុងឱកាសនោះ លោកផាន់ សុផេង បាននាំយកនូវថវិកាផ្ទាល់ខ្លួនរបស់លោកចំនួន៥លាន២សែនរៀល ក្នុងនោះចែកជូនក្រុមយុវជនកាកបាទក្រហមនិងយុវជនកាយប្ញទ្ធិចំនួន២៤០នាក់ ក្នុងម្នាក់ៗទទួលបានចំនួន១ម៉ឺនរៀលសរុបស្មើនឹង២លាន៤សែនរៀល និងឧបត្ថម្ភដល់សាខាកាកបាទក្រហមកម្ពុជាខេត្ដកំពង់ធំចំនួន២លាន៨សែនរៀល ៕
ចែករំលែកព័តមាននេះ