ក្រុងប៉ោយប៉ែត ៖ ប្រភពព័ត៌មានបានឱ្យដឹងថា ភាគីថៃបានរឹតបន្តឹងសន្តិសុខតាមព្រំដែនស្រុកអារញ្ញឈមនឹងទឹកដីកម្ពុជា ក្រុងប៉ោយប៉ែត ដោយបិទមិនឱ្យមានការឆ្លងដែនសុខច្បាប់ពីក្នុងបរិវេណកាស៊ីណូមួយក្នុងក្រុងប៉ោយប៉ែត ចូលទៅដីថៃ ។ ដោយសារមានការរឹតបន្តឹងនេះពលករខ្មែររាប់សិបនាក់បានជាប់គាំងមិនអាចទៅណារួចដោយពួកគេដេកត្រៀបត្រារង់ចាំឱកាសលួចឆ្លងដែន
ក្រុងប៉ោយប៉ែត ៖ ប្រភពព័ត៌មានបានឱ្យដឹងថា ភាគីថៃបានរឹតបន្តឹងសន្តិសុខតាមព្រំដែនស្រុកអារញ្ញឈមនឹងទឹកដីកម្ពុជា ក្រុងប៉ោយប៉ែត ដោយបិទមិនឱ្យមានការឆ្លងដែនសុខច្បាប់ពីក្នុងបរិវេណកាស៊ីណូមួយក្នុងក្រុងប៉ោយប៉ែត ចូលទៅដីថៃ ។ ដោយសារមានការរឹតបន្តឹងនេះពលករខ្មែររាប់សិបនាក់បានជាប់គាំងមិនអាចទៅណារួចដោយពួកគេដេកត្រៀបត្រារង់ចាំឱកាសលួចឆ្លងដែនខុសច្បាប់ទៅរកការងារធ្វើលើទឹកដីថៃ ។
ការរឹតបន្តឹងសន្តិសុខតាមខ្សែបន្ទាត់ព្រំដែនពីសំណាក់ភាគីថៃ ត្រូវបានប្រភពព័ត៌មានឱ្យដឹងថា មានរយៈពេលជិតមួយសប្តាហ៍ហើយដោយសមត្ថកិច្ចតាមខ្សែបន្ទាត់ព្រំដែនក្នុងស្រុកអារញ្ញមិនឱ្យមានការឆ្លងទៅទឹកដីថៃសម្រាប់ប្រជាពលរដ្ឋខ្មែរតាមច្រករបៀងទៀតទេ ។
ប្រភពបានបន្តថា ការរឹតបន្តឹងនេះមិនថា តែពលករខ្មែរដែលលួចឆ្លងដែនខុសច្បាប់នោះទេ សូម្បីប្រជាពលរដ្ឋខ្មែរដែលមួយចំនួនគ្មានប្រាក់ទៅធ្វើប័ណ្ណឆ្លងដែនស្របច្បប់ ហើយតែងតែនាំគ្នាដើរកាត់តាមច្រករបៀងទៅធ្វើការនៅផ្សាររុងក្លឿ (ទៅព្រឹកវិលល្ងាច) ក៏ត្រូវគេរឹតបន្តឹងផងដែរ ។ តាមប្រភពពីសមត្ថកិច្ចឱ្យដឹងថា ការរឹតបន្តឹងសន្តិសុខតាមព្រំដែននេះអាចមានរយៈពេលយូរ ។ អ្នកស្រុកភាគច្រើនចេញចូលទៅផ្សាររុងក្លឿប្រទេសថៃពេលយប់ព្រោះតែគ្មានប្រាក់ធ្វើប័ណ្ណឆ្លងដែនដើម្បីចូលទៅរកស៊ីធ្វើជាកម្មករ ឬរែកផ្លែឈើលក់នោះ ។ ពួកគាត់និយាយថា មិនចង់ធ្វើដំណើរតាមផ្លូវកាត់ច្រករបៀងទេ ប៉ុន្តែដោយសារគ្មានប្រាក់ធ្វើប័ណ្ណឆ្លងដែរទើបបង្ខំចិត្តទាំងប្រថុយប្រថានបែបនេះ ។ ដោយសារការរឹតបន្តឹងសន្តិសុខពីភាគីថៃនេះ ហើយ ទើបពលករខ្មែររាប់សិបនាក់មានការកកស្ទះមិនអាចលួចឆ្លងដែនចូលទៅថៃបាន ហើយនាំគ្នាដេកត្រៀបត្រាក្នុងបរិវេណកាស៊ីណូមួយក្នុងក្រុងប៉ោយប៉ែតដើម្បីរង់ចាំឱកាស ៕
ចែករំលែកព័តមាននេះ