ជាការពិតណាស់ ដើម្បីបំផ្លាញពពួកបាក់តេរីចង្រៃ យើងចាំបាច់ត្រូវតែប្រើថ្នាំ Antibiotics ក៏ប៉ុន្តែការប្រើពពួកថ្នាំនេះច្រើនហួសហេតុនឹងអាចបំផ្លាញតុល្យភាពនៃរាងកាយ ។ ដូច្នេះអ្នកអាចជំនួសដោយការប្រើប្រាស់អាហារពីធម្មជាតិមួយចំនួនដែលមានសមត្ថភាពប្រឆាំងបាក់តេរីនិងព្រមទាំងជួយជំរុញប្រព័ន្ធស៊ាំរាងកាយរបស់អ្នក ។ អាហារទាំងនោះមានដូចជា ៖
ជាការពិតណាស់ ដើម្បីបំផ្លាញពពួកបាក់តេរីចង្រៃ យើងចាំបាច់ត្រូវតែប្រើថ្នាំ Antibiotics ក៏ប៉ុន្តែការប្រើពពួកថ្នាំនេះច្រើនហួសហេតុនឹងអាចបំផ្លាញតុល្យភាពនៃរាងកាយ ។ ដូច្នេះអ្នកអាចជំនួសដោយការប្រើប្រាស់អាហារពីធម្មជាតិមួយចំនួនដែលមានសមត្ថភាពប្រឆាំងបាក់តេរីនិងព្រមទាំងជួយជំរុញប្រព័ន្ធស៊ាំរាងកាយរបស់អ្នក ។ អាហារទាំងនោះមានដូចជា ៖
១. ខ្ទឹមបារាំង ៖ សារធាតុស្ពាន់ធ័រដែលធ្វើឱ្យខ្ទឹមបារាំងមានក្លិនឆួលនិងរសជាតិប្លែកត្រូវគេគិតថា មានសមត្ថភាពប្រឆាំងនឹងបាក់តេរី ។ ទឹកថ្នាំស៊ីរ៉ូធ្វើពីខ្ទឹមបារាំងមានប្រសិទ្ធភាពបំបាត់ក្អក ។ ក្រៅពីនេះទៀត វាជួយធ្វើឱ្យល្អប្រសើរនូវចរន្តឈាមហូរព្រមទាំងប្រឆាំងនឹងការរលាកទៀតផង ។
២. ខ្ទឹមស ៖ ជារុក្ខជាតិដែលមនុស្សលោកយកមកប្រើជាឱសថព្យាបាលជំងឺផ្សេងៗតាមវប្បធម៌របស់ពួកគេរៀងៗខ្លួនតាំងពីយូរយាណាស់មកហើយ ។ នេះក៏ព្រោះតែវាត្រូវគេជឿថា មានផ្ទុកសមាសធាតុ Antibioticsនិងអាចប្រឆាំងជំងឺផ្តាសាយព្រមទាំងគ្រុនក្តៅ ។ ការសិក្សាជាច្រើនតែងតែបានអះអាងថា ខ្ទឹមសជួយបញ្ចុះសម្ពាធឈាម កាត់បន្ថយកម្រិតខ្លាញ់កូឡេស្តេរ៉ូលនិងព្យាបាលការពុលអាហារដ៏មានប្រសិទ្ធភាពបំផុត ។
៣. តែបៃតង ៖ នៅក្នុងការសិក្សាបែបវិទ្យាសាស្ត្រទាំងឡាយសុទ្ធតែបានបង្ហាញថា តែបៃតងជួយឱ្យពពួកថ្នាំ Antibioticsដំណើរការបានល្អជាពិសេសសម្រាប់ពួកបាក់តេរីដែលស៊ាំនឹងថ្នាំ ។
៤. ទឹកឃ្មុំ ៖ ទឹកឃ្មុំល្បីថាជាថ្នាំផ្សះពីធម្មជាតិជាយូរមកហើយដែរ ។ ក្រៅពីមានផ្ទុកអង់ហ្ស៊ីមប្រឆាំងនឹងអតិសុខុមប្រាណដែលបញ្ចេញ Hydrogen Peroxide ទឹកឃ្មុំនូវអាចជួយទប់ស្កាត់ការលូតលាស់របស់បាក់តេរី ហើយត្រូវបានប្រើព្យាបាលជំងឺឆ្លងបង្កដោយបាក់តេរីនៅក្នុងនិងក្រៅខ្លួនទៀតផងដែលក្នុងនោះមានដូចជាជំងឺដំបៅក្រពះជាដើម ។ ទឹកឃ្មុំដែលល្អជាងគេគឺនៅអូស្ត្រាលីនិងប្រទេសណូវែលសេឡង់ ។
៥. ប្រភេទផ្កាឈ្មោះ Echinacea ៖
ផ្កាដែលដុះនៅអាមេរិកខាងជើងនេះត្រូវគេរកឃើញថា មានសមត្ថភាពប្រឆាំងនឹងបាក់តេរីនិងវីរុស ។ បន្ថែមពីលើនេះ វាអាចជួយឱ្យប្រព័ន្ធស៊ាំរាងកាយរបស់អ្នកមានកម្លាំងខ្លាំងក្នុងការផលិតកោសិកាឈាមសដើម្បីប្រឆាំងនឹងជំងឺឆ្លងកាន់តែមានប្រសិទ្ធភាព ។ តាមការសិក្សាមួយចំនួនបានបង្ហាញថា លេបឱសថដែលចម្រាញ់ពីផ្កា Echinacea មួយគ្រាប់ជាប្រចាំអាចជួយកាត់បន្ថយឱកាសកើតជំងឺផ្តាសាយបាន៥៨% ៕
ចែករំលែកព័តមាននេះ