រាជធានីភ្នំពេញ ៖ និស្សិតម្នាក់ជិះម៉ូតូឌុបធ្វើដំណើរទៅលោតទឹកសម្លា.ប់ខ្លួនពីលើស្ពានជ្រោយចង្វាកាលពីវេលាម៉ោង៣និង១៥នាទីរសៀលថ្ងៃទី១៧ កញ្ញា ឆ្នាំ២០១២ ដោយសារតែមានវិបត្តិក្នុងគ្រួសារ ឪពុកបែកបាក់គ្នាទៅមានប្រពន្ធចុង និងតូចចិត្តខ្លួនឯងដែលរៀនមិនទាន់គេ ។ ទោះបីជាយ៉ាងណា ការលោតទឹកសម្លា.ប់ខ្លួននេះមិនបានស្លា.ប់ដូចបំណង់ឡើយ គឺប៉ូលិសបានចេញទូកទៅជួយសង្គ្រោះទាន់នៅពេលដែលនិស្សិតរូបនោះចេះហែលទឹក ហែលទៅតោងស្ពានបាឡេជាស្ពានដែល
រាជធានីភ្នំពេញ ៖ និស្សិតម្នាក់ជិះម៉ូតូឌុបធ្វើដំណើរទៅលោតទឹកសម្លាប់ខ្លួនពីលើស្ពានជ្រោយចង្វាកាលពីវេលាម៉ោង៣និង១៥នាទីរសៀលថ្ងៃទី១៧ កញ្ញា ឆ្នាំ២០១២ ដោយសារតែមានវិបត្តិក្នុងគ្រួសារ ឪពុកបែកបាក់គ្នាទៅមានប្រពន្ធចុង និងតូចចិត្តខ្លួនឯងដែលរៀនមិនទាន់គេ ។ ទោះបីជាយ៉ាងណា ការលោតទឹកសម្លាប់ខ្លួននេះមិនបានស្លាប់ដូចបំណង់ឡើយ គឺប៉ូលិសបានចេញទូកទៅជួយសង្គ្រោះទាន់នៅពេលដែលនិស្សិតរូបនោះចេះហែលទឹក ហែលទៅតោងស្ពានបាឡេជាស្ពានដែលកំពុងសង់ថ្មី ។
និស្សិតម្នាក់នេះឈ្មោះហ៊ុន ហឿន អាយុ២៣ឆ្នាំ ជានិស្សិតឆ្នាំទី៣មហាវិទ្យាល័យអក្សរសាស្រ្តអង់គ្លេស នៃសាកលវិទ្យាល័យខេមរៈ មានលំនៅស្នាក់ក្នុងសង្កាត់ភ្នំពេញថ្មី និងមានស្រុកកំណើតនៅភូមិសំរោងជើង សង្កាត់សំរោង ខណ្ឌសែនសុខ ។
មន្រ្តីប៉ូលិសអង្គភាពគោលដៅទី៣ការពារស្ពានជ្រោយចង្វាបានឱ្យដឹងថា មុនពេលកើតហេតុគេឃើញនិស្សិតរូបនោះបានជិះម៉ូតូឌុបធ្វើដំណើរឡើងស្ពានជ្រោយចង្វាពីទិសខាងលិច។ នៅពេលធ្វើដំណើរដល់កណ្តាលស្ពាន ឱ្យម៉ូតូឈប់ហើយស្ទុះទៅលោតចុះក្នុងទន្លេសម្លាប់ខ្លួនតែម្តង។ ពេលលោតធ្លាក់ទៅដល់ក្នុងទន្លេនិស្សិតរូបនោះបានហែលទឹកទៅតោងស្ពានបាឡេ ហើយត្រូវបានប៉ូលិសចេញទូកនេសាទទៅជួយស្រង់បញ្ជូនមកអង្គភាពដើម្បីសាកសួរ ។
នៅចំពោះមុខសមត្ថកិច្ចនិស្សិតរូបនោះបានឱ្យដឹងថា ខ្លួនបានជិះម៉ូតូមកលោតទឹកសម្លាប់ខ្លួនដោយសារតែមានវិបត្តិក្នុងគ្រួសារដែលឪពុក និងម្តាយបែកបាក់គ្នា ហើយឪពុកទៅរៀបការជាមួយស្រីថ្មី និងតូចចិត្តខ្លួនឯងរៀនមិនទាន់គេ។ ម្យ៉ាងទៀតការលោតទឹកនេះ ជាការគំរាមដល់សង្សារដែលចេះគេចមុខពីរូបគេ ដើម្បីឱ្យមកជូប។ គេនិយាយថា ប្រហែលជានិស្សិតរូបនោះគិតថា ការលោតទឹកនេះមិនស្លាប់បានជាមកលោតដើម្បីគំរាមសង្សារ ។
តាមសម្តីឈ្មោះហ៊ុន ហឿនឱ្យដឹងទៀតខ្លួនមានឪពុកឈ្មោះហ៊ុន ហៀង និងម្តាយឈ្មោះចាន់ សុភី រស់នៅសង្កាត់សំរោង ខណ្ឌសែនសុខ ហើយខ្លួនមានបងប្អូន៤នាក់ ។ រយៈពេលជាង១ឆ្នាំឪពុកបានលែងលះជាមួយម្តាយទៅរៀបការជាមួយស្រីថ្មី ដោយមិនបានគិតពីប្រពន្ធកូនឡើយ ។ កាលពីប៉ុន្មានខែមុនខ្លួនបានទូរស័ព្ទទៅឪពុកសុំប្រាក់២០ដុល្លារត្រូវឪពុកស្តីបន្ទោសថា សុំតែលុយ ។ ដោយសារតែវិបត្តិក្នុងគ្រូសារណាមួយជីវភាពបានធ្វើឱ្យខ្លួនរៀនមិនទាន់គេក៏បានគិតខ្លីបែបនេះ ។
និស្សិតរូបនោះបានបន្តថា កាលពី៤ថ្ងៃមុនរូបគេបានលក់ម៉ូតូម៉ាកគុបបានប្រាក់៤១០ដុល្លារដេកផ្ទះសំណាក់ពន្លឺថ្មី ហើយនៅរសៀលថ្ងៃទី១៧ កញ្ញា បានធ្វើដំណើរទៅដេកផ្ទះសំណាក់ឈ្មោះគូរូ ស្ថិតនៅតាមផ្លូវទំនប់ទួលគោកសង្កាត់ទួលសង្កែក៏បានហៅម៉ូតូឌុបជិះក្នុងតម្លៃ២ម៉ឺនរៀលមកឈប់លើស្ពានជ្រោយចង្វាដើម្បីលោតទឹកសម្លាប់ខ្លួនតែម្តង ។ ដោយសារតែចេះហែលទឹកទើបមិនស្លាប់ព្រោះហែលទៅតោងស្ពានថ្មី ។
និស្សិតរូបនោះបានបន្តថា ដោយសារតែពិបាកចិត្តបានលក់ម៉ូតូអស់៤គ្រឿងមកហើយ ។ ក្រៅពីវិបត្តិក្នុងគ្រួសារនិងរៀនមិនទាន់គេ និស្សិតរូបនោះឱ្យដឹងថា ការលោតទឹកនេះ គឺគំរាមសង្សារម្នាក់ឈ្មោះសេក ស៊ីនាង ដែលបានគេចពីរូបគេផងដែរ។ បន្ទាប់ពីសាកសួរប៉ូលិសការពារស្ពានបានធ្វើការអប់រំកុំឱ្យគិតខ្លីហើយបានទូរស័ព្ទហៅមិត្តភក្តិឱ្យមកទទួលត្រឡប់ទៅផ្ទះវិញនៅរសៀលថ្ងៃដដែល ។
តាមស្ថិតិដែលបានកត់ត្រាគឺជាមនុស្សទី១៦ហើយ ទាំងស្លាប់និងរស់ ដែលបានមកលោតពីលើស្ពានជ្រោយចង្វាសម្រាប់ឆ្នាំ២០១២នេះ ៕
ចែករំលែកព័តមាននេះ