ខេត្តកំពង់ធំ ៖ នៅទីស្នាក់ការសាខាកាកបាទក្រហមកម្ពុជាខេត្ដកំពង់ធំ កាលពីវេលាម៉ោង៨និង៣០នាទីព្រឹកថ្ងៃទី១៧ កញ្ញា ២០១២ មានរៀបចំកម្មវិធីទិវាវិជា្ជសង្គ្រោះបឋមពិភពលោកក្រោមអធិបតីភាពលោកឧត្ដមសេនីយ៍ត្រី ផាន់ សុផេង ស្នងការនគរបាលខេត្ដ និងជាសមាជិកគណៈកម្មាធិការសាខាកាកបាទក្រហមកម្ពុជា ខេត្ដកំពង់ធំ លោកវេជ្ជបណ្ឌិត សុខ ឡុង នាយកដ្ឋានសុខភាពកាកបាទក្រហមកម្ពុជា លោកស្រី ងិន ច័ន្ទសោភា ប្រធានការិយាល័យវិជា្ជសង្គ្រោះបឋម លោកហុក រិន អភិបាលក្រុងស្ទឹងសែន រួមនឹងមន្ដ្រីជាច្រើនរូបទៀតអញ្ជើញចូលរួមផងដែរ។ ជាកិច្ចចាប់ផ្ដើមលោកវេជ្ជបណ្ឌិត សុខ ឡុង បានឡើងមានប្រសាសន៍ថា វិជ្ជាសង្គ្រោះបឋម គឺជាមុខវិជ្ជាមានសារសំខាន់មួយដែលយើងទាំងអស់គ្នាត្រូវសិក្សា ដើម្បីទុកជាមូលដ្ឋានគ្រឹះសម្រាប់សង្គ្រោះបងប្អូនប្រជាពលរដ្ឋនៅក្នុងសហគមន៍ដែលរងគ្រោះថ្នាក់ផ្សេងៗដោយចៃដន្យមានដូចជា ខ្យល់គ ស្ទះដង្ហើម បាក់ឆ្អឹង និងគ្រោះថ្នាក់ចរាចរណ៍ ។ល។ មុនពេលដែលគ្រូពេទ្យមកដល់ ឬបញ្ជូនអ្នករងគ្រោះទៅកាន់មន្ទីរពេទ្យសាខាកាកបាទក្រហមកម្ពុជា ខេត្ដកំពង់ធំបានប្រារព្ធទិវាពិភពលោកវិជ្ជាសង្គ្រោះបឋមបានចំនួន៤ដងរួចមកហើយគិតទាំងលើកនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ