ADផ្ទាំងផ្សព្វផ្សាយពាណិជ្ជកម្ម

ឆ្លងចរន្តភ្លើងឆេះរោងចក្រផលិតអំពូលសូឡា លើផ្លូវជាតិលេខ៣ ខូចខាតប្រមាណ១០លានដុល្លារអាមេរិក

3 ម៉ោង មុន

កំពង់ស្ពឺ
២៨ ខែ មិថុនា ឆ្នាំ ២០២៥ ម៉ោង ១៣:១៣

ខេត្តកំពង់ស្ពឺ ៖ រោងចក្រផលិតអំពូលសូឡាត្រូវបានអគ្គិភ័យឆាបឆេះដោយសារតែឆ្លងចរន្តភ្លើង បណ្តាលឱ្យរងការខូចខាតសម្ភារផលិតសូឡាសរុបទឹកប្រាក់ប្រមាណជា១០លានដុល្លារសហរដ្ឋអាមេរិក។ លោកឧត្ដមសេនីយ៍ទោ ឃឹម សុកខៃ ស្នងការ នគរបាលខេត្ដកំពង់ស្ពឺ អញ្ជើញចុះពិនិត្យដឹកនាំកងកម្លាំងនគរបាលអន្ដរាគមន៍ជួយសង្គ្រោះករណីអគ្គិភ័យឆាបឆេះរោងចក្រផលិតអំពូលកាលពីរាត្រីឈានចូលថ្ងៃទី២៨…

លោកឧត្ដមសេនីយ៍ទោ ឃឹម សុកខៃ ស្នងការ នគរបាលខេត្ដកំពង់ស្ពឺ អញ្ជើញចុះពិនិត្យដឹកនាំកងកម្លាំងនគរបាលអន្ដរាគមន៍ជួយសង្គ្រោះករណីអគ្គិភ័យឆាបឆេះរោងចក្រផលិតអំពូលកាលពីរាត្រីឈានចូលថ្ងៃទី២៨ ខែមិថុនា ឆ្នាំ២០២៥ វេលាម៉ោង០៣និង៥៨នាទីទៀបភ្លឺ ត្រង់ចំណុចផ្លូវជាតិលេខ៣ ចន្លោះគីឡូម៉ែត្រលេខ៣៤-៣៥ ក្នុងភូមិល្វា ឃុំអង្គពពេល ស្រុកគងពិសី ខេត្តកំពង់ស្ពឺ។

បើតាមលោកវរសេនីយ៍ឯក យ៉ាង សុខលី អធិការនគរបាលស្រុកគងពិសីបញ្ជាក់ថា ករណីអគ្គិភ័យឆេះអគាររោងចក្រផលិតអំពូលយីហោវីអុីស៊ិនស្ថិតក្នុងសួនឧស្សាហកម្ម ជាហូរ ចំនួនមួយអគារដែលមានទំហំប្រមាណ៦.០០០ម៉ែត្រការ៉េ និងបណ្ដាលឱ្យខូចខាតសម្ភារៈរួមមាន ឧបករណ៍សម្រាប់តម្លើងអំពូលត្រូវបានឆេះអស់ទាំងស្រុង,អំពូលតម្លើងរួចគិតជាប្រាក់សរុបប្រមាណចំនួន 10,000,000$ ( ដប់លានដុល្លារអាមេរិក ) ។