ក្រសួងធនធានទឹក និងឧតុនិយម សូមជម្រាបជូនដំណឹងដល់ក្រសួង-ស្ថាប័នពាក់ព័ន្ធ អាជ្ញាធរដែនដី និងសាធារណជនឱ្យបានជ្រាបថា ៖ អស់រយៈពេលជាង២សប្តាហ៍កន្លងរួចមកហើយ ដែលសម្ពាធទាប និងប្រព័ន្ធសម្ពាធទាបបានអូសកាត់ និងមានឥទ្ធិពលលើព្រះរាជាណាចក្រកម្ពុជា ហើយស្ថានភាពអាកាសធាតុបែបនេះ
ក្រសួងធនធានទឹក និងឧតុនិយម សូមជម្រាបជូនដំណឹងដល់ក្រសួង-ស្ថាប័នពាក់ព័ន្ធ អាជ្ញាធរដែនដី និងសាធារណជនឱ្យបានជ្រាបថា ៖ អស់រយៈពេលជាង២សប្តាហ៍កន្លងរួចមកហើយ ដែលសម្ពាធទាប និងប្រព័ន្ធសម្ពាធទាបបានអូសកាត់ និងមានឥទ្ធិពលលើព្រះរាជាណាចក្រកម្ពុជា ហើយស្ថានភាពអាកាសធាតុបែបនេះ នឹងបន្តកើតមានក្នុងរយៈពេលប្រមាណ១សប្តាហ៍ទៀត។ លក្ខណៈបែបនេះនឹងធ្វើឱ្យមានភ្លៀងធ្លាក់ខ្លាំងនៅក្នុងក្របខណ្ឌទូទាំងប្រទេស រហូតដល់ថ្ងៃទី២៣ កញ្ញា ២០១២ ដែលអាចបង្កឱ្យមានជំនន់ទឹកភ្លៀង នៅតាមបណ្តាខេត្តមួយចំនួនដូចជា ខេត្តឧត្តរមានជ័យ ព្រះវិហារ បន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ស្ពឺ តាកែវ កណ្តាល ព្រៃវែង ស្វាយរៀង និងខេត្តកំពត ។
យោងលើស្ថានភាពអាកាសធាតុដូចបានជម្រាបជូនខាងលើ ក្រសួងធនធានទឹក និងឧតុនិយមសូមអំពាវនាវដល់ក្រសួង-ស្ថាប័នពាក់ព័ន្ធ អាជ្ញាធរដែនដី និងប្រជាពលរដ្ឋដែលរស់នៅតាមបណ្តាខេត្តដូចបានជម្រាបជូនខាងលើ ពិសេសតំបន់ជាប់នឹងដងស្ទឹងនានា សូមបង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ និងការប៉ះពាល់ដល់ទ្រព្យសម្បត្តិផ្សេងៗដែលអាចកើតមានឡើងជាយថាហេតុ ៕
ចែករំលែកព័តមាននេះ