ខេត្តកំពង់ចាម ៖ ដើម្បីបំពេញបន្ថែម និងជំនួយស្មារតីឱ្យកាន់តែយល់ច្បាស់ថែមទៀតនោះ ព្រឹកថ្ងៃទី១៦ កញ្ញា ២០១២ លោកមិន ឃិន ប្រធានក្រុមការងារចុះជួយស្រុកកងមាសបានដឹកនាំក្រុមការងារអញ្ជើញចុះទៅផ្សព្វផ្សាយបន្ថែមអំពីសៀវភៅអត្ថបទគោលរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្វើអត្ថាធិប្បាយបំភ្លឺស្តីពីការបោះបង្គោលខណ្ឌសីមាព្រំដែនគោក និងការកំណត់ព្រំដែនសមុទ្ររវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាមក្នុងសម័យប្រជុំពេញអង្គរដ្ឋសភាថ្ងៃទី៩ សីហា ២០១២ ដល់ព្រះសង្ឃ និងប្រជាពលរដ្ឋចំនួន៣៦០នាក់ក្នុងបរិវេណវត្តមុនីវ័នស្វាយស្រណោះ ឃុំរកាអារ ស្រុកកងមាស។
លោកមិន ឃិន បានមានប្រសាសន៍ថា ការផ្សព្វផ្សាយអត្ថបទគោលរបស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជាបកស្រាយរឿងព្រំដែនគោក-សមុទ្រពិតជាមានសារសំខាន់ខ្លាំងណាស់សម្រាប់ប្រជាពលរដ្ឋទូទៅបានយល់ ព្រោះថា អត្ថន័យនៃអត្ថបទគោលបានបំភ្លឺយ៉ាងច្បាស់ថា កម្ពុជាមិនបានបាត់បង់ទឹកដីណាមួយទៅឱ្យប្រទេសវៀតណាម ហើយវៀតណាមក៏មិនមានការបាត់បង់ទឹកដីណាមួយមកកម្ពុជាឡើយ ។ ការផ្សព្វផ្សាយនាពេលនេះគឺជាការជំនួយស្មារតី និងបំពេញបន្ថែមឱ្យព្រះសង្ឃ ដើម្បីប្រជាពលរដ្ឋទាំងអស់ចងចាំទៅថ្ងៃអនាគត នឹងបន្តយកទៅផ្សព្វផ្សាយដល់កូនចៅទៀតផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ