ខេត្តបន្ទាយមានជ័យ ៖ កាលពីថ្ងៃទី១៥ កញ្ញា វេលាម៉ោង៩ព្រឹក មន្ត្រីខណ្ឌរដ្ឋបាលព្រៃឈើខេត្តបន្ទាយមានជ័យ បានឃាត់រថយន្តធុនធំប្រភេទយីឌុប១គ្រឿងដែលសង្ស័យដឹកឈើធ្វើការឆែកឆេរ ស្រាប់តែប្រទះឃើញឈើគ្រញូងជាង៣តោន ត្រូវបានរឹបអូស ប៉ុន្តែអ្នកបើកបរគេចខ្លួនបាត់។ ជាការកត់សម្គាល់ ករណីបែបនេះមិនសូវឃើញចាប់បានជនដែលទាក់ទិននឹងបទល្មើសនេះទេ ។
ខេត្តបន្ទាយមានជ័យ ៖ កាលពីថ្ងៃទី១៥ កញ្ញា វេលាម៉ោង៩ព្រឹក មន្ត្រីខណ្ឌរដ្ឋបាលព្រៃឈើខេត្តបន្ទាយមានជ័យ បានឃាត់រថយន្តធុនធំប្រភេទយីឌុប១គ្រឿងដែលសង្ស័យដឹកឈើធ្វើការឆែកឆេរ ស្រាប់តែប្រទះឃើញឈើគ្រញូងជាង៣តោន ត្រូវបានរឹបអូស ប៉ុន្តែអ្នកបើកបរគេចខ្លួនបាត់។ ជាការកត់សម្គាល់ ករណីបែបនេះមិនសូវឃើញចាប់បានជនដែលទាក់ទិននឹងបទល្មើសនេះទេ ។
លោកជា ផល្លី នាយខណ្ឌរដ្ឋបាលព្រៃឈើ ខេត្តបន្ទាយមានជ័យ ថ្លែងថា រថយន្តដែលចាប់ឃាត់នេះម៉ាកនីស្សាន់ ប្រភេទយីឌុបកង់១០ ។ ប្រតិបត្តិការនេះដឹកនាំដោយលោកផាន់ ភីរម្យ ព្រះរាជអាជ្ញារងអមសាលាដំបូងខេត្ត ដែលមានមន្ត្រីរដ្ឋបាលព្រៃឈើសហការជាមួយមន្ត្រីប៉ូលិសប្រឆាំងបទល្មើសសេដ្ឋកិដ្ចក្រសួង និងខេត្ត បានឃាត់រថយន្តយីឌុបនេះនៅលើផ្លូវជាតិលេខ៦ ចំណុចស្ពានទី១ ក្នុងសង្កាត់ព្រះពន្លា ក្រុងសិរីសោភ័ណ ។
លោកជា ផល្លី បានបន្តថា ក្រោយពីចាប់ឃាត់រថយន្តដែលសង្ស័យដឹកឈើនេះ នៅវេលាម៉ោង៣ និង៣០នាទីរសៀលថ្ងៃដដែល ក៏បានធ្វើការឆែកឆេរ គឺឈ្មួញលាក់ឈើពីក្រោម ហើយដាក់ចំបើង និងយកដែកផ្សារក្រាលពីលើបន្លំភ្នែកសមត្ថកិច្ច ទោះបីជាបែបណា ក៏មិនអាចលាក់បាំងពីសមត្ថកិច្ចបានឡើយ ។ ក្រោយពីការឆែកឆេរ បានរកឃើញឈើគ្រញូងចំនួន៩០ដុំស្មើនឹង២ម៉ែត្រគូបកន្លះ ដែលមានទម្ងន់ប្រមាណ៣.៤០០គីឡូក្រាម ។ តាមមន្ត្រីរដ្ឋបាលព្រៃឈើឱ្យដឹងថា សំណុំរឿងនេះនឹងបញ្ជូនទៅសាលាដំបូងខេត្តដើម្បីអនុវត្តតាមច្បាប់ ៕
ចែករំលែកព័តមាននេះ