ខេត្តក្រចេះ ៖ កម្លាំងកងរាជអាវុធហត្ថខេត្តបានចាប់ឃាត់ខ្លួនចោរស្រីដៃឆៅម្នាក់បន្លំលួចខ្សែដៃមាសមួយខ្សែទម្ងន់៣ជីពីហាងលក់មាសយីហោហៀក ហ័រ មានទីតាំងនៅទីប្រជុំជនផ្សារក្រចេះ កាលពីល្ងាចថ្ងៃទី១៤ កញ្ញា ២០១២។
មន្ត្រីកងរាជអាវុធហត្ថខេត្តបាននិយាយថា នារីជើងល្អដៃឆៅជាប់ចោទពីបទចោរកម្មរូបនេះឈ្មោះជួន សុភា អាយុ២៤ឆ្នាំ មុខរបរមិនពិត
ខេត្តក្រចេះ ៖ កម្លាំងកងរាជអាវុធហត្ថខេត្តបានចាប់ឃាត់ខ្លួនចោរស្រីដៃឆៅម្នាក់បន្លំលួចខ្សែដៃមាសមួយខ្សែទម្ងន់៣ជីពីហាងលក់មាសយីហោហៀក ហ័រ មានទីតាំងនៅទីប្រជុំជនផ្សារក្រចេះ កាលពីល្ងាចថ្ងៃទី១៤ កញ្ញា ២០១២។
មន្ត្រីកងរាជអាវុធហត្ថខេត្តបាននិយាយថា នារីជើងល្អដៃឆៅជាប់ចោទពីបទចោរកម្មរូបនេះឈ្មោះជួន សុភា អាយុ២៤ឆ្នាំ មុខរបរមិនពិតប្រាកដ មានទីលំនៅផ្ទះជួលនៅរាជធានីភ្នំពេញ ។
លោកវរសេនីយ៍ទោ ស្រី វុត្ថា ប្រធានមន្ទីរស្រាវជ្រាវ និងយុត្តិធម៌នៃទីបញ្ជាការកងរាជអាវុធហត្ថខេត្តបានឱ្យដឹងថា នារីជាប់ចោទត្រូវបានកម្លាំងសមត្ថកិច្ចធ្វើការចាប់ឃាត់ខ្លួនភ្លាមៗ ក្រោយពីទទួលបានពាក្យបណ្តឹងផ្ទាល់មាត់ពីជនរងគ្រោះជាម្ចាស់ហាងលក់មាសខាងលើរួចមក ។ នៅល្ងាចថ្ងៃកើតហេតុនារីជាប់ចោទរូបនេះបានបន្លំធ្វើជាទៅទិញមាសនៅហាងលក់មាសខាងលើ និងបានបង្គាប់ឱ្យម្ចាស់ហាងយកខ្សែដៃមាសចំនួន៤ខ្សែមកមើល ។ បន្ទាប់ពីមើលជាច្រើនលើករួចមកនារីម្នាក់នេះបានលួចបន្លំយកខ្សែដៃមាសមួយខ្សែទម្ងន់៣ជី លាក់ក្នុងដៃ ហើយព្យាយាមគេចខ្លួន តែត្រូវម្ចាស់គេដឹងទាន់ ក៏ប្តឹងរាយការណ៍មកកម្លាំងប៉េអឹម ទើបកម្លាំងជំនាញចុះស្រាវជ្រាវឃាត់ខ្លួនតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ