ក្រុងប៉ោយប៉ែត ៖ ក្រោយពីមានភ្ញៀវធ្លាក់ឥតឈប់ឈរស្ទើរពេញមួយយប់កាលពីយប់ថ្ងៃទី១៤ កញ្ញា ២០១២ រហូតឈានចូលព្រឹកថ្ងៃទី១៥ កញ្ញា ២០១២ នៅក្រុងប៉ោយប៉ែត គេសង្កេតឃើញកន្លែងមួយចំនួនដូចជាចំណតរថយន្តធំ និងតូចក៏ដូចជាផ្លូវលំមួយចំនួនក្នុងនោះ ទីធ្លាសាលារៀនមួយចំនួនរងការជន់លិច ។ ការជន់លិចដោយជំនន់ទឹកភ្លៀងនេះបង្កឱ្យចំណតរថយន្តតូចធំមានការលំបាកដោយរថយន្តតូច-ធំនាំគ្នាមកចតលក់សំបុត្រដាក់មនុស្សលើដងផ្លូវបេតុង ឯរថយន្តធំៗត្រូវផ្ទេរទំនិញតាមដងផ្លូវ ព្រោះចំណតរថយន្តធំ ខ្វះការអភិវឌ្ឍយូរឆ្នាំមកហើយ ។ ចំណែកហាងម៉ាស្សាខ្លះក៏រងការជន់លិច និងដងផ្លូវខ្លះក៏ដូចគ្នា អ្នកធ្វើដំណើរត្រូវបើកយានយន្ត និងដើរក្នុងទឹក ក្នុងនោះទីធ្លាសាលាមួយចំនួនដូចជាអនុវិទ្យាល័យអូរជ្រៅនិងសាលាផ្សេងៗមួយចំនួនទៀត កំពុងរងការជន់លិចផងដែរ ។ គេគិតថា បើភ្លៀងនៅតែបន្តធ្លាក់នាពេលខាងមុខ ជំនន់ទឹកភ្លៀងនឹងកាន់តែជន់លិចលើសនេះ ទៅទៀត ព្រោះផ្ទៃមេឃនាពេលនេះ នៅតែបន្តអួអាប់មេឃខ្មៅមីដេដាសគ្មានពន្លឺថ្ងៃរះនោះទេ បើគិតត្រឹមម៉ោង១០ព្រឹកថ្ងៃទី១៥ កញ្ញា ២០១២ ៕
ចែករំលែកព័តមាននេះ