ខេត្តព្រៃវែង ៖ បុរសអគតិម្នាក់ បានត្រូវនគរបាលប៉ុស្តិ៍រដ្ឋបាលឃុំព្រៃកណ្តៀង ចាប់ខ្លួនបញ្ជូនមកអធិការដ្ឋាននគរបាលស្រុកពាមរក៍ កាលពីរសៀលថ្ងៃទី១៤ កញ្ញា បន្ទាប់ពីមានពាក្យបណ្តឹងរបស់លោកយាយជាម្តាយក្មេកអាយុ៧០ឆ្នាំ ជាស្ត្រីមេម៉ាយ៤០ឆ្នាំមកហើយ រស់នៅក្នុងឃុំព្រៃកណ្តៀង ស្រុកពាមរក៍ ។
ខេត្តព្រៃវែង ៖ បុរសអគតិម្នាក់ បានត្រូវនគរបាលប៉ុស្តិ៍រដ្ឋបាលឃុំព្រៃកណ្តៀង ចាប់ខ្លួនបញ្ជូនមកអធិការដ្ឋាននគរបាលស្រុកពាមរក៍ កាលពីរសៀលថ្ងៃទី១៤ កញ្ញា បន្ទាប់ពីមានពាក្យបណ្តឹងរបស់លោកយាយជាម្តាយក្មេកអាយុ៧០ឆ្នាំ ជាស្ត្រីមេម៉ាយ៤០ឆ្នាំមកហើយ រស់នៅក្នុងឃុំព្រៃកណ្តៀង ស្រុកពាមរក៍ ។
តាមពាក្យបណ្តឹងបានចោទថា កាលពីថ្ងៃទី១៣ កញ្ញា វេលាម៉ោងប្រហែល១១យប់ បុរសជាកូនប្រសាឈ្មោះសយ វ៉េ អាយុ៤៨ឆ្នាំ រស់នៅជាមួយគាត់ បានចូលទៅចាប់គាត់រំលោភសេពសន្ថវៈរហូតបានសម្រេច ។ លុះព្រឹកឡើងថ្ងៃទី១៤ កញ្ញា វេលាម៉ោង៨កន្លះ គាត់ក៏ទៅបឹ្តងសមត្ថកិច្ចឱ្យជួយរកយុត្តិធម៌ ទើបសមត្ថកិច្ចធ្វើការឃាត់ខ្លួនកូនប្រសាដ៏អបលក្ខណ៍នេះនាំមកអធិការដ្ឋាននគរបាលស្រុកពាមរក៍ ដើម្បីធ្វើការសាកសួរ រួចកសាងសំណុំរឿងបញ្ជូនបន្តទៅស្នងការដ្ឋាននគរបាលខេត្ត ។
នៅចំពោះមុខសមត្ថកិច្ច បុរសជាកូនប្រសារូបនេះសារភាពថា ខ្លួនពិតជាបានប្រព្រឹត្តដូចដែលម្តាយក្មេកចោទប្រកាន់មែន ។ ចំណែកប្រភពព័ត៌មានពីអ្នកភូមិឱ្យដឹងថា កន្លងមកបុរសជាកូនប្រសានេះឧស្សាហ៍រករឿងម្តាយក្មេក សម្លុតគំរាមកំហែង ធ្វើបាប និងវាយគាត់ស្ទើររាល់ថ្ងៃ ។ ការចាប់រំលោភម្តាយក្មេកនេះ គឺខណៈស្ត្រីជាកូនបង្កើតរបស់គាត់ និងជាប្រពន្ធរបស់បុរសនេះមិននៅផ្ទះ ព្រោះជាប់រវល់ទៅកំដរកូនស្រីសម្រាលកូននៅឯរាជធានីភ្នំពេញ អស់រយៈពេលជិត២ខែមកហើយ នៅសល់តែកូនប្រសាអគតិនេះ និងម្តាយក្មេកនៅចាំផ្ទះ ។
នៅថ្ងៃកើតហេតុ ក៏មានការផឹកស៊ីក្នុងផ្ទះផងដែរ ដោយមានមិត្តភក្តិ៤ទៅ៥នាក់ចូលរួម ប៉ុន្តែបន្ទាប់មកមិត្តភក្តិក៏នាំគ្នាទៅផ្ទះវិញរៀងៗខ្លួនអស់ទៅ ។ លុះដល់វេលាម៉ោងប្រហែល១១យប់ បុរសជាកូនប្រសានេះក៏ចុះពីលើផ្ទះចូលទៅចាប់រំលោភម្តាយក្មេកដែលកំពុងសម្រាន្តនៅក្នុងខ្ទមមុខផ្ទះ រហូតបានសម្រេច ។ នេះជាអំពើថោកទាបមួយដែលពុំគប្បីកើតមានក្នុងសង្គមជាតិនោះទេ តែអ្វីៗវាបានកើតឡើងគួរឱ្យថ្កោលទោស ៕
ចែករំលែកព័តមាននេះ