បណ្តាស្ត្រីដែលជ្រើសរើសយកទឹកជំនួសភេសជ្ជៈកំប៉ុងដែលមានហ្គាស ឬទឹកផ្លែឈើប្រឈមនឹងអត្រាកើតជំងឺទឹកនោមផ្អែមកម្រិត ទាប ។ យោងតាមសាកលវិទ្យាល័យHarvard Medical School (HMS)សហរដ្ឋអាមេរិកបានឱ្យដឹងថា ជំនួសការផឹកភេសជ្ជៈផ្អែមៗដោយទឹកអាចជួយលុបបំបាត់ភាពមិនប្រក្រតីនៃការរំលាយអាហារក្នុងរាងកាយបាន ។ ប៉ុន្តែប្រសិនជាផឹកទឹកផងនិងផឹក
បណ្តាស្ត្រីដែលជ្រើសរើសយកទឹកជំនួសភេសជ្ជៈកំប៉ុងដែលមានហ្គាស ឬទឹកផ្លែឈើប្រឈមនឹងអត្រាកើតជំងឺទឹកនោមផ្អែមកម្រិត ទាប ។ យោងតាមសាកលវិទ្យាល័យHarvard Medical School (HMS)សហរដ្ឋអាមេរិកបានឱ្យដឹងថា ជំនួសការផឹកភេសជ្ជៈផ្អែមៗដោយទឹកអាចជួយលុបបំបាត់ភាពមិនប្រក្រតីនៃការរំលាយអាហារក្នុងរាងកាយបាន ។ ប៉ុន្តែប្រសិនជាផឹកទឹកផងនិងផឹកភេសជ្ជៈផ្អែមផងក្នុងមួយថ្ងៃជាមួយគ្នា នោះនឹងគ្មានលទ្ធផលឡើយ។
លទ្ធផលនេះត្រូវបានគេធ្វើពិសោធន៍លើស្ត្រីចំនួន៨ម៉ឺននិង៣ពាន់នាក់ដោយប្រើពេលអស់ជាង១ទសវត្ស។ ក្រុមអ្នកស្រាវជ្រាវបានប៉ាន់ប្រមាណថា ប្រសិនជាបណ្តាស្ត្រីជំនួសការផឹកភេសជ្ជៈផ្អែម១ពែង ឬក៏ទឹកផ្លែឈើដោយទឹកសុទ្ធ១ពែងវិញនោះ ការប្រឈមនឹងជំងឺទឹកនោមផ្អែមរបស់ពួកគេនឹងធ្លាក់ចុះ ៧%ឬ៨% ។
វេជ្ជបណ្ឌិត Frank Huអ្នកដឹកនាំការស្រាវជ្រាវបាននិយាយថា ភេសជ្ជៈដែលមានជាតិស្ករមិនល្អឡើយសម្រាប់អ្នកដែលផុយស្រួយងាយកើតជំងឺទឹកនោមផ្អែម។ លោកថា បណ្តាជនទាំងឡាយត្រូវបានផ្តល់យោបល់ឱ្យផឹកទឹកបរិសុទ្ធជំនួសភេសជ្ជៈដែលផ្អែមដោយស្ករ ហើយសំណួរគឺថា តើការជំនួសប្រភេទនេះមានឥទ្ធិពលលើជំងឺទឹកនោមផ្អែមដែរឬយ៉ាងណា ? ខណៈដែលការប្រឈមមានការថយចុះមិនច្រើន ក៏ព្រោះតែជំងឺទឹកនោមផ្អែមវាទូទៅបំផុតក្នុងសង្គមរបស់យើង ការថយចុះអត្រាចំពោះប្រឈម៧ឬ៨ភាគរយគឺពិតជាអាចទទួលយកបាននៅក្នុងចំណែកប្រជាពលរដ្ឋ» ៕
ចែករំលែកព័តមាននេះ