រាជធានីភ្នំពេញ ៖ អ៊ឹង បូរ៉ា មកពីក្លិបព្រះខ័នរាជ និងឈិត ង៉ុយ មកពីក្លិបអប្សរាគុនខ្មែរ នឹងត្រូវជួបប្រកួតគ្នានៅលើសង្វៀនស្ថានីយទូរទស្សន៍ CTN នាថ្ងៃអាទិត្យទី១៦ កញ្ញា ខាងមុខនេះដែលជាការប្រកួតក្នុងវគ្គជម្រុះវិលជុំពូល A ដើម្បីឈានទៅដណ្តើមខ្សែក្រវាត់ K-cement ។
រាជធានីភ្នំពេញ ៖ អ៊ឹង បូរ៉ា មកពីក្លិបព្រះខ័នរាជ និងឈិត ង៉ុយ មកពីក្លិបអប្សរាគុនខ្មែរ នឹងត្រូវជួបប្រកួតគ្នានៅលើសង្វៀនស្ថានីយទូរទស្សន៍ CTN នាថ្ងៃអាទិត្យទី១៦ កញ្ញា ខាងមុខនេះដែលជាការប្រកួតក្នុងវគ្គជម្រុះវិលជុំពូល A ដើម្បីឈានទៅដណ្តើមខ្សែក្រវាត់ K-cement ។
រវាងអឹុង បូរ៉ា និងឈិត ង៉ុយ ទើបតែប្រកួតបាន១លើកម្នាក់ប៉ុណ្តោះ ដែលការប្រកួតលើកទី១នោះ អឹុង បូរ៉ា បានយកឈ្នះឆាំ រ៉ែម មកពីក្លិបសិង្ហកីឡា ដោយពិន្ទុ រីឯឈិត ង៉ុយ បានយកឈ្នះឯម ចាន់រស្មី មកពីក្លិបគ្រុឌមានជ័យ ដោយពិន្ទុ ដែរ ចំណែកលើកនេះទាំងសងខាងសុទ្ធតែត្រូវការឈ្នះដូចគ្នា ។ បើធ្វើការប្រៀបធៀបទៅលើល្បិចប្រយុទ្ធនៅលើសង្វៀនគឺពួកគេទាំង២នាក់ពូកែស្នៀតកែង និងជង្គង់ដូចគ្នា ។ ស្នៀតកែងរបស់បូរ៉ា មិនសូវជារហ័សប៉ុន្មានឡើយ តែបើស្នៀតជង្គង់វិញនោះ គឺអាចទុកចិត្តបាន ឯចិត្តក៏ហា៊នទៀតផង ផ្ទុយពីឈិត ង៉ុយ ដែលល្អទាំងព្រម គ្រាន់តែចិត្តរបស់គេមិនសូវសឿងប៉ុណ្ណោះ ។
រីឯគូប្រកួតមិត្តភាពវិញ យឹម ឌៀប មកពីសមាគមកីឡាប្រដាល់ក្រសួងការពារជាតិ ជួបប្រកួតជាមួយ ជាម អាដាំ មកពីក្លិបឃ្លាំងមឿងកីឡា ។ រវាងគូនេះធ្លាប់ជួបគ្នា២-៣លើករួចមកហើយ ដោយមានចាញ់-ឈ្នះគ្នាទៅវិញទៅមកដូច្នេះទំនងជាពួកគេមិនអស់ចិត្តហើយ ទើបសុំឡើងសង្វៀនសាកកណ្តាប់ដៃគ្នាម្តងទៀត ។ សម្រាប់យឹម ឌៀប មួយរយៈមកនេះដូចជាធ្លាក់កូដជាងមុនបន្តិច ដោយសារលទ្ធផលប្រកួតគឺចាញ់ច្រើនជាងឈ្នះ ។ រីឯជាម អាដាំ វិញស្នៀតជើង និងស្នៀតកណ្តាប់ដៃរបស់គេរាល់ពេលវាយ និងទាត់ចេញគឺមានទម្ងន់ធ្ងន់គួរសម ទោះបីជាចលនាវាយចេញរបស់គេមានសភាពយឺតយ៉ាវបន្តិចក្តី ។ ទោះបីជាយ៉ាងណា ទាំងយឹម ឌៀប និងជាម អាដាំ សុទ្ធតែប្តេជ្ញាផ្តួលគូប្រកួតឱ្យខាងតែបានដូចគ្នា ។
សម្រាប់គូប្រកួតមិត្តភាពផ្សេងទៀតមានដូចជា កីឡាករខុន ចាន់ថន មកពីក្លិបកងពលធំអន្តរាគមន៍លេខ៣ព្រះវិហារ ជួបប្រកួតជាមួយកីឡាករភុន សោភ័ណ្ឌ មកពីក្លិបយុវកីឡាខេត្តកណ្តាល ។ កីឡាករសូយ យក្សតឿ មកពីក្លិបអូដឹមកីឡា ជួបប្រកួតជាមួយកីឡាករឈឿន សារិទ្ធ មកពីក្លិបរកាខ្នុរគុនខ្មែរបង្ក្រាបគ្រឿងញៀន ។ កីឡាករឆាន់ ជឿន មកពីក្លិបរស្មីកុមារកំព្រា ជួបប្រកួតជាមួយកីឡាករហេង ពិសិដ្ឋ មកពីក្លិបព្រៃទទឹងមានឫទ្ធិខេត្តបាត់ដំបង ។ កីឡាករឈុន បញ្ញា មកពីក្លិបរ៉ាហាប់ស្វាយប៉ាក ប្រកួតជាមួយកីឡាករម៉ន បារាំង មកពីក្លិបវិស្វកម្មបច្ចេកទេសទ័ពជើងគោកព្រែកឯង និងគូចុងក្រោយកីឡាករហុង ស៊ុយ មកពីក្លិបសាលវ័ន្តកីឡា ប្រកួតជាមួយកីឡាករផាន់ ចំណាន មកពីក្លិបរាជសីហ៍បង្ក្រាបគ្រឿងញៀនខេត្តរតនគិរី ៕
ចែករំលែកព័តមាននេះ