រាជធានីភ្នំពេញ ៖ មេដឹកនាំគណបក្សប្រឆាំងថ្មី «គណបក្សសង្គ្រោះជាតិ» កាលពីថ្ងៃទី១១ កញ្ញា ២០១២ បានជួបជុំគ្នានៅក្រោមតំណក់ភ្លៀង ដើម្បីបើកសម្ពោធទីស្នាក់ការរបស់ខ្លួន ស្ថិតនៅផ្ទះលេខ៣៨ ផ្លូវលេខ១៩៧២ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ នៅក្នុងពិធិនេះមានអ្នកចូលរួមប្រមាណ៣០០នាក់ ។
រាជធានីភ្នំពេញ ៖ មេដឹកនាំគណបក្សប្រឆាំងថ្មី «គណបក្សសង្គ្រោះជាតិ» កាលពីថ្ងៃទី១១ កញ្ញា ២០១២ បានជួបជុំគ្នានៅក្រោមតំណក់ភ្លៀង ដើម្បីបើកសម្ពោធទីស្នាក់ការរបស់ខ្លួន ស្ថិតនៅផ្ទះលេខ៣៨ ផ្លូវលេខ១៩៧២ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ នៅក្នុងពិធិនេះមានអ្នកចូលរួមប្រមាណ៣០០នាក់ ។
លោកប៉ុល ហំម អនុប្រធានគណៈកម្មការបណ្តោះអាសន្ននៃគណបក្សសង្គ្រោះជាតិបានថ្លែងថា គណបក្សសង្គ្រោះជាតិនៅពេលនេះ មិនទាន់បានទទួលសុពលភាពផ្លូវការពីក្រសួងមហាផ្ទៃនៅឡើយទេ ។ ក្រុមស្ថាបនិកនៃគណបក្សសង្គ្រោះជាតិ បានកំពុងតែព្យាយាមបន្តទៀត ដើម្បីទទួលបានសុពលភាពពីក្រសួងមហាផ្ទៃ និងចុះឈ្មោះនៅក្រសួងមហាផ្ទៃចូលរួមបោះឆ្នោតជាតិឆ្នាំ២០១៣ ខាងមុខនេះ ។
ថ្លែងតាមវីដេអូខន់ហ្វើរិន កាលពីថ្ងៃទី១១ កញ្ញា លោកសម រង្ស៊ី ដែលជាប្រធាននៃគណបក្សសង្គ្រោះជាតិ ដែលជាទណ្ឌិតមិនសង្ឃឹមថា មានឱកាសត្រឡប់មកកម្ពុជាវិញនោះ បានថ្លែងថា ស្លាកគណបក្សសង្គ្រោះជាតិលើកទី១ បានលើកឡើងនៅក្នុងរាជធានីភ្នំពេញ ហើយលោកប្រធានជាទណ្ឌិតរូបនេះបានអះអាងថា ស្លាកគណបក្សសង្គ្រោះជាតិក៏នឹងត្រូវលើកឡើងនៅតាមបណ្តាខេត្ត-ក្រុងដទៃទៀតដែរ នាពេលដ៏ខ្លីខាងមុខនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ