ការជាប់ពាក់ព័ន្ធគ្នាមួយរវាងមហារីកក្រពេញប្រូស្តាតនិងកម្រិតទាបនៃវីតាមីន Aត្រូវបានគេរកឃើញ ។ បណ្តាកោសិកាមហារីកដំណាក់កាលដំបូងទំនងជានឹងមានជីវិតរស់រានឡើងវិញ ប្រសិនជាបុគ្គលម្នាក់មានវីតាមីនAកម្រិតទាប ។ ក្រុមអ្នកស្រាវជ្រាវរបស់សាកលវិទ្យាល័យ University of Yorkដែលដឹកនាំលោកសាស្ត្រាចារ្យ Norman Maitlandសង្ឃឹមថា ការរកឃើញនេះនឹងផ្តល់
ការជាប់ពាក់ព័ន្ធគ្នាមួយរវាងមហារីកក្រពេញប្រូស្តាតនិងកម្រិតទាបនៃវីតាមីន Aត្រូវបានគេរកឃើញ ។ បណ្តាកោសិកាមហារីកដំណាក់កាលដំបូងទំនងជានឹងមានជីវិតរស់រានឡើងវិញ ប្រសិនជាបុគ្គលម្នាក់មានវីតាមីនAកម្រិតទាប ។ ក្រុមអ្នកស្រាវជ្រាវរបស់សាកលវិទ្យាល័យ University of Yorkដែលដឹកនាំលោកសាស្ត្រាចារ្យ Norman Maitlandសង្ឃឹមថា ការរកឃើញនេះនឹងផ្តល់ការយល់ដឹងកាន់តែច្បាស់បន្ថែមទៀតនូវប្រសិទ្ធភាពរបស់វីតាមីន Aទៅលើកោសិកាមហារីក ជាពិសេសនាំទៅរកការបង្កើតឱសថព្យាបាលថ្មី ។
សាស្ត្រាចារ្យ Norman Maitlandបាននិយាយថា កង្វះខាតវីតាមីន Aដែលគេហៅថា«Retinoic Acid»ជាមូលហេតុនាំឱ្យផ្លាស់ប្តូរកោសិកាមហារីកប្រូស្តាតដែលបញ្ហានេះធ្វើឱ្យពិបាកក្នុងការព្យាបាល ។ លោកបន្តថា ៖«យើងកំពុងតែព្យាយាមស្វែងយល់នូវប្រតិបត្តិការណ៍របស់វានៅកម្រិតកោសិកាមហារីក ។ ប្រសិនជាក្នុងខ្លួនបុគ្គលម្នាក់មានវីតាមីន Aកម្រិតទាប នោះកោសិកាមហារីកដំណាក់កាលដំបូងនឹងមានជីវិតបន្តហើយបំបែកខ្លួន ប៉ុន្តែប្រសិនជាបុគ្គលនោះមានវីតាមីន Aច្រើនវិញ កោសិកាមហារីកទាំងនោះនឹងត្រូវសម្លាប់ចោល ។ វីតាមីន Aច្រើនធ្វើឱ្យការព្យាបាលលើមហារីកកាន់តែមានប្រសិទ្ធភាពខ្ពស់ »។
បើទោះជាការសិក្សាលើកនេះមិនបានពិនិត្យមើលលើការទទួលទានរបបអាហារដែលសំបូរដោយវីតាមីន Aដើម្បីកាត់បន្ថយមហារីកក្រពេញប្រូស្តាតក្តី ប៉ុន្តែលោកសាស្ត្រាចារ្យ Maitlandបានគូសបញ្ជាក់ថា បណ្តាជនដែលមានកម្រិតវីតាមីន A ខ្ពស់មានភាពងាយស្រួលក្នុងការព្យាបាលមហារីកដំណាក់កាលដំបូងបានដោយជោគជ័យ ហើយវីតាមីន Aទាំងនេះបានមកពីរបបអាហាររបស់បណ្តាជនទាំងនោះផងដែរ ។
យោងតាម សេវាកម្មសុខភាពជាតិអង់គ្លេស NHSថា ពពួកអាហារដែលសំបូរវីតាមីន A ច្រើនមានដូចជា ថ្លើម ស៊ុត ទឹកដោះគោ ត្រីសំបូរខ្លាញ់…. ៕
ចែករំលែកព័តមាននេះ