ខេត្តក្រចេះ ៖ កម្លាំងសមត្ថកិច្ចចម្រុះដឹកនាំដោយលោកហាក់ ហ៉ាន់ ព្រះរាជអាជ្ញារងអមសាលាដំបូងខេត្ត កាលពីល្ងាចថ្ងៃទី៥ កញ្ញា បានឆ្មក់ចូលឆែកឆេរទីតាំងសិប្បកម្មកែច្នៃឈើប្រណីតមួយកន្លែងនៅសង្កាត់អូរប្ញស្សី ក្រុងក្រចេះ និងបានចាប់រឹបអូសឈើប្រណីតតូច ធំ វែង ខ្លី ចំនួនរាប់ពាន់កំណាត់ ដែលលាក់ទុកក្នុងឃ្លាំង២កន្លែងផ្សេងគ្នា ។
ខេត្តក្រចេះ ៖ កម្លាំងសមត្ថកិច្ចចម្រុះដឹកនាំដោយលោកហាក់ ហ៉ាន់ ព្រះរាជអាជ្ញារងអមសាលាដំបូងខេត្ត កាលពីល្ងាចថ្ងៃទី៥ កញ្ញា បានឆ្មក់ចូលឆែកឆេរទីតាំងសិប្បកម្មកែច្នៃឈើប្រណីតមួយកន្លែងនៅសង្កាត់អូរប្ញស្សី ក្រុងក្រចេះ និងបានចាប់រឹបអូសឈើប្រណីតតូច ធំ វែង ខ្លី ចំនួនរាប់ពាន់កំណាត់ ដែលលាក់ទុកក្នុងឃ្លាំង២កន្លែងផ្សេងគ្នា ។
ក្នុងសកម្មភាពនៃការចុះព័ទ្ធឆែកឆេររកឃើញឈើប្រណីតប្រភេទបេង ធ្នង់ នាងនួន រាប់ពាន់កំណាត់ ហើយនៅរសៀលនោះកម្លាំងមានសមត្ថកិច្ចពុំបានឃាត់ខ្លួនជនណាម្នាក់នោះទេ ដោយមន្ត្រីអះអាងថា និងស្វែងរកអត្តសញ្ញាណម្ចាស់ឈើ ដើម្បីឱ្យចូលខ្លួនមកដោះស្រាយតាមនីតិវិធីច្បាប់រដ្ឋបាលព្រៃឈើ ។
បុរសឈ្មោះគ្រុយ ស៊ីនាន អាយុ២៧ឆ្នាំ ជាម្ចាស់លំនៅឋានមួយកន្លែងនេះ បានបំភ្លឺប្រាប់សមត្ថកិច្ចថា ឈើទាំងនេះ គឺម្ចាស់បានយកមកផ្ញើក្នុងរោងតាំងពីឆ្នាំ១៩៩៥ មកម្ល៉េះដោយអះអាងថាទុកសម្រាប់ធ្វើផ្ទះ ។ គេពុំដឹងថា ឈើប្រណីតដែលបានចាប់រឹបអូសចេញពីឃ្លាំង២កន្លែង ដែលមានទីតាំងនៅក្បែរគ្នានេះ មានចំនួនប៉ុន្មាននៅឡើយទេ ដោយបានធ្វើការប៉ាន់ប្រមាណថា មានចំនួនជាង២០ម៉ែត្រគូប ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ