ក្រុងប៉ោយប៉ែត ៖ ជនសង្ស័យម្នាក់ត្រូវបានប៉ូលិសក្រុងប៉ោយប៉ែត ក្របួចជាប់កាលពីរសៀលថ្ងៃទី៤ កញ្ញា ២០១២ នៅក្រុងប៉ោយប៉ែត បន្ទាប់ពីជននេះលួចម៉ូតូមិត្តភក្តិពីខេត្តសៀមរាប ប្រុងយកមកលក់នៅក្រុងប៉ោយប៉ែត ។ ជនសង្ស័យជាប់ចោទពីបទលួចម៉ូតូរបស់មិត្តភក្តិឈ្មោះង៉ែត ពិសិទ្ធ ភេទប្រុស អាយុ២០ឆ្នាំ មានទីលំនៅភូមិត្រាច សង្កាត់ស្លក្រាម ក្រុងសៀមរាប ។
តាមប៉ូលិសក្រុងប៉ោយប៉ែត ប្រាប់ឱ្យដឹងថា ជនសង្ស័យខាងលើមុនសមត្ថកិច្ចឃាត់ខ្លួនបានលួចម៉ូតូម៉ាកស្មាស់ ពណ៌ទឹកប្រាក់ របស់ឈ្មោះសូយ នីតា ភេទប្រុស អាយុ២០ឆ្នាំ មានទីលំនៅសង្កាត់ស្វាយដង្គុំ ក្រុងសៀមរាប កាលពីថ្ងៃទី១ កញ្ញា ២០១២។ ប៉ូលិសបន្តថា ក្រោយពីបាត់ម៉ូតូជនរងគ្រោះបានដាក់ពាក្យបណ្តឹងទៅអធិការដ្ឋានក្រុងសៀមរាប ដើម្បីស្រាវជ្រាវវែកមុខរកជនសង្ស័យ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕